ಮಂಜಡ್ಕ ಒಂದನೇ ಅಡ್ಡ ರಸ್ತೆಯಲ್ಲಿರುವ ಉದ್ಯಾನವನವನ್ನು ಮಹಾನಗರ ಪಾಲಿಕೆಯಲ್ಲಿ ನೋಂದಣಿಯಾದ ಬಗ್ಗೆ ದೃಢೀಕೃತ ಪತ್ರ, ನೋಂದಣಿ ಸಂಖ್ಯೆ, ದಿನಾಂಕ ಹಾಗೂ ಉದ್ಯಾನವನಕ್ಕೆ ತಗಲಿದ ಖರ್ಚು, ವೆಚ್ಚ, ಉದ್ಯಾನವನದ ವಿಸ್ತೀರ್ಣದ ಮಾಹಿತಿ ನೀಡುವಂತೆ ಸ್ಥಳೀಯ ನಿವಾಸಿ ಐ.ಪ್ರಭಾಕರ ಅವರು ಮಾಹಿತಿ ಹಕ್ಕಿನಲ್ಲಿ ಕೇಳಿದ್ದು, ಪಾಲಿಕೆಯಿಂದ ಉದ್ಯಾನವನ ಕಾಮಗಾರಿಗೆ 13,60,968 ರೂ. ಖರ್ಚಾಗಿದೆ. ಉಳಿದ ಮಾಹಿತಿ ಲಭ್ಯವಿಲ್ಲ ಎಂದು ಉತ್ತರಿಸಿದ್ದಾರೆ. ಪಾಲಿಕೆಯಿಂದ ನಿರ್ಮಾಣ ಮಾಡಿದ ಮಕ್ಕಳ ಉದ್ಯಾನವನ ನಾಲ್ಕೇ ವರ್ಷಗಳಲ್ಲಿ ನಾಶ ಮಾಡಿ ಅದರಲ್ಲಿ ರಸ್ತೆ ನಿರ್ಮಾಣ ಮಾಡುವುದಾದರೆ ಸಾರ್ವಜನಿಕರ ತೆರಿಗೆ ಹಣ ದುಂದು ವೆಚ್ಚ ಮಾಡಿದಂತಾಗಿಲ್ಲವೇ? ಈ ಬಗ್ಗೆ ಪಾಲಿಕೆಗೆ ಲಾಯರ್ ನೋಟಿಸ್ ಕಳುಹಿಸಿದರೂ ಉತ್ತರ ನೀಡಿಲ್ಲ ಎಂದು ಸ್ಥಳೀಯ ನಿವಾಸಿ ಐ.ಪ್ರಭಾಕರ ತಿಳಿಸಿದ್ದಾರೆ.
