ಮುಂಬೈ: ಬಾಲಿವುಡ್ನ ಬಾದ್ಷಾ ಶಾರುಖ್ ಖಾನ್ 2021 ರಲ್ಲಿ ದೊಡ್ಡ ತೆರೆಯ ಮೇಲೆ ಕಾಣಿಸಿಕೊಳ್ಳುವುದಾಗಿ ಹೇಳಿ ತಮ್ಮ ಅಭಿಮಾನಿಗಳಲ್ಲಿ ಹೊಸ ಸಂಚಲನ ಮೂಡಿಸಿದ್ದಾರೆ. ಇದರಿಂದಾಗಿ ಅವರ ಬಹು ಅಪೇಕ್ಷೆಯ ಚಿತ್ರ `ಪಠಾಣ್’ ಈ ವರ್ಷ ತೆರೆಕಾಣುವ ಸಾಧ್ಯತೆಗೆ ಮತ್ತಷ್ಟು ಇಂಬು ಸಿಕ್ಕಿದೆ.
ಶಾರುಖ್ ಈ ಬಗ್ಗೆ ತಮ್ಮ ಟ್ಟಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ವೀಡಿಯೋ ತುಣುಕಿನಲ್ಲಿ ಮಾತಾಡಿದ್ದಾರೆ. ಹೊಸ ವರ್ಷಕ್ಕೆ ಶುಭಾಶಯ ಕೋರಿ ಮಾತನಾಡಿರುವ 3 ನಿಮಿಷ 15 ಸೆಕೆಂಡುಗಳ ವೀಡಿಯೋದ ಕೊನೆಯಲ್ಲಿ ಶಾರುಖ್, `ಸೀ ಯು ಆಲ್ ಆನ್ ದ ಬಿಗ್ ಸ್ಕ್ರೀನ್ ಇನ್ 2021′ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಚಿತ್ರೀಕರಣವೂ ಮುಗೀತು; ಇದೀಗ ಟೀಸರ್ ಸಹ ಬಿಡುಗಡೆಯಾಯ್ತು …
ವೀಡಿಯೋದಲ್ಲಿ `ರಿಯಲ್ ಫನ್ ಈಸ್ ವಿತ್ ರಿಯಲ್ ಪೀಪಲ್’ ಎಂದು 2020 ನಮಗೆ ಕಲಿಸಿದೆ ಎಂದಿದ್ದಾರೆ ಶಾರುಖ್. ನೈಟ್ ಸೂಟ್ನಲ್ಲಿ ಕುರ್ಚಿಯ ಮೇಲೆ ಕೂತು ತಮ್ಮ ಅಭಿಮಾನಿಗಳೊಂದಿಗೆ ಲೋಕಾಭಿರಾಮವಾಗಿ ಮಾತನಾಡಿದ್ದಾರೆ.
ತಮ್ಮ 2018 ರ `ಜೀರೋ’ ಚಿತ್ರ ಬಾಕ್ಸ್ ಆಫೀಸಿನಲ್ಲಿ ಫ್ಲಾಪ್ ಆದ ನಂತರ `ಕಿಂಗ್ ಖಾನ್’ ದೊಡ್ಡ ತೆರೆಯ ಮೇಲೆ ಕಾಣಿಸಿಕೊಂಡೇ ಇಲ್ಲ. ಇದೀಗ ಎರಡು ವರ್ಷಗಳ ಅಂತರ ನೀಡಿ ‘ಪಠಾಣ್’ ಚಿತ್ರದ ನಾಯಕನ ಪಾತ್ರ ಸ್ವೀಕರಿಸಿದ್ದಾರೆ. ಯಶ್ರಾಜ್ ಫಿಲಂಸ್ನ ನಿರ್ಮಾಣದಲ್ಲಿ ಸಿದ್ಧಾರ್ಥ್ ಆನಂದ್ ನಿರ್ದೇಶಿಸುತ್ತಿರುವ ಈ ಚಿತ್ರವು ಈಗಾಗಲೇ ತನ್ನ ದೊಡ್ಡ ಬಜೆಟ್ನಿಂದಾಗಿ ಎಲ್ಲರ ಗಮನ ಸೆಳೆದಿದೆ.
ಇದನ್ನೂ ಓದಿ: ‘ಸಲಾರ್’ ಚಿತ್ರತಂಡಕ್ಕೆ ಸೇರ್ಪಡೆಯಾದ ಮತ್ತೊಬ್ಬ ಕನ್ನಡಿಗ …
ಪಠಾಣ್ ಚಿತ್ರದಲ್ಲಿ ಶಾರುಖ್ ಜೊತೆ ದೀಪಿಕಾ ಪಡುಕೋಣೆ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಶಾರುಖ್-ದೀಪಿಕಾ ಜೋಡಿ ಈಗಾಗಲೇ ‘ಓಂ ಶಾಂತಿ ಓಂ’, ‘ಚೆನ್ನೈ ಎಕ್ಸ್‌ಪ್ರೆಸ್‌’, ‘ಹ್ಯಾಪಿ ನ್ಯೂ ಇಯರ್’ನಂತಹ ಹಿಟ್ ಚಿತ್ರಗಳನ್ನು ನೀಡಿ ಅಭಿಮಾನಿಗಳನ್ನು ರಂಜಿಸಿದೆ.
ಶಾರುಖ್ ಇನ್ನೆರಡು ಚಿತ್ರಗಳಿಗೂ ಕಾಲ್ಶೀಟ್ ಕೊಟ್ಟಿದ್ದಾರೆ ಎಂದು ಸುದ್ದಿ. ರಾಜ್‌ಕುಮಾರ್ ಹಿರಾನಿಯೊಂದಿಗೆ ಒಂದು, ತಮಿಳು ನಿರ್ದೇಶಕ ಅಟ್ಲೀ ಕುಮಾರ್‌ರೊಂದಿಗೆ ಮತ್ತೊಂದು ಚಿತ್ರ ಸರತಿಯಲ್ಲಿವೆ.
ಇಂಗ್ಲೀಷ್ ಮೇಷ್ಟ್ರು ಗೋಪಿಯಾಗಿ ಬಂದ್ರು ದಾನಿಶ್