ಆಂಧ್ರಪ್ರದೇಶ: ತಮಿಳು ನಟ ಶಿವ ಕಾರ್ತಿಕೇಯನ್ ಅಭಿನಯದ ಸೈನ್ಸ್-ಫಿಕ್ಷನ್ ಜಾನರ್ನ ‘ಅಯಾಲನ್’ ಸಿನಿಮಾವನ್ನು ಶೀಘ್ರವೇ ತೆರೆ ಮೇಲೆ ತರಲು ಸಕಲ ಸಿದ್ಧತೆಗಳು ನಡೆಯುತ್ತಿದ್ದು, ಸದ್ಯ ಚಿತ್ರದ ಟೀಸರ್ ಮೇಲೆ ಸಿನಿಪ್ರೇಕ್ಷಕರ ಚಿತ್ತ ಮೂಡಿದೆ.
ಇದನ್ನೂ ಓದಿ: ಮೈತ್ರಿಯಿಂದ ಜೆಡಿಎಸ್ಗೆ ಮುಳುವು; ಜೆಡಿಎಸ್ನಿಂದ ದೂರ ಸರಿಯುತ್ತಿರುವ ಮುಸ್ಲಿಂ ಮುಖಂಡರು
ನಿರ್ದೇಶಕ ರವಿಕುಮಾರ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರವು 2024ರ ಸಂಕ್ರಾಂತಿ ಹಬ್ಬದಂದು ಬಿಡುಗಡೆಗೊಳ್ಳಲಿದೆ ಎಂದು ಈಗಾಗಲೇ ಮಾಹಿತಿ ನೀಡಿರುವ ಚಿತ್ರದ ನಿರ್ಮಾಪಕರು, ಶಿವ ಕಾರ್ತಿಕೆಯನ್ ಅವರೊಟ್ಟಿಗೆ ಸಿನಿಮಾದ ವಿಎಫ್ಎಕ್ಸ್ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಸಂಗೀತ ಮಾಂತ್ರಿಕ ಎ.ಆರ್. ರೆಹಮಾನ್ ಅವರ ಸ್ಟುಡಿಯೋದಲ್ಲಿ ಸಿನಿಮಾದ ಕೆಲಸಗಳು ಭರದಿಂದ ಸಾಗುತ್ತಿರುವ ಫೋಟೋವೊಂದನ್ನು ನಟ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಪೋಸ್ಟ್ ಮಾಡಿ, ಚಿತ್ರದ ಟೀಸರ್ ಅಕ್ಟೋಬರ್ 06 ರಂದು ಬಿಡುಗಡೆಯಾಗಲಿದೆ ಎಂದು ಬರೆದುಕೊಂಡಿದ್ದಾರೆ.
With Ayalaan… For #Ayalaan 👽#AyalaanTeaser from Oct 6 😊👍#AyalaanFromPongal#AyalaanFromSankranti pic.twitter.com/Kmd50GJue7
— Sivakarthikeyan (@Siva_Kartikeyan) October 2, 2023
ಸೈನ್ಸ್-ಫಿಕ್ಷನ್ ಎಂದು ಹೇಳಲಾದ ಈ ಚಿತ್ರದಲ್ಲಿ ಅನ್ಯಗ್ರಹ ಜೀವಿಯಾದ ಏಲಿಯನ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವುದು ಗಮನಾರ್ಹ. ಚಿತ್ರದಲ್ಲಿ ಶಿವಕಾರ್ತಿಕೇಯನ್, ರಾಕುಲ್ ಪ್ರೀತ್ ಸಿಂಗ್, ಶರದ್ ಕೇಳ್ಕರ್, ಇಶಾ ಕೊಪ್ಪಿಕರ್, ಭಾನು ಪ್ರಿಯಾ, ಯೋಗಿ ಬಾಬು ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).
VIRAL VIDEO | ಬೈಕ್ನಲ್ಲಿದ್ದ ಮದ್ಯದ ಬಾಟಲಿ ಹೊತ್ತೊಯ್ದ ಮಂಗ; ಮುಂದೇನಾಯ್ತು?