ಕಾಲು ಜಾರಿ ಕೆಸರಿನಲ್ಲಿ ಬಿದ್ದ ಬಾಲಕಿ: ವಿಡಿಯೋ ವೈರಲ್, ಅವ್ಯವಸ್ಥೆ ವಿರುದ್ಧ ಜನಾಕ್ರೋಶ! Student

Student: ಉತ್ತರಪ್ರದೇಶದ ಮಣಿಪುರಿಯ ಭೋಗಾನ್​ ನಗರ ಪಂಚಾಯಿತಿ ವ್ಯಾಪ್ತಿಯಲ್ಲಿ ಭಾರೀ ಮಳೆಯಿಂದಾಗಿ ರಸ್ತೆ ಕುಸಿದ ಪರಿಣಾಮ ಅಲ್ಲಿನ ವಿದ್ಯಾರ್ಥಿಗಳು ಶಾಲೆಯಿಂದ ಮನೆಗೆ ತೆರಳಲು ಬಹಳ ಕಷ್ಟಪಟ್ಟು ಹೋಗುತ್ತಿರುವ ವಿಡಿಯೋ ಇದೀಗ ಎಲ್ಲೆಡೆ ವೈರಲ್​ ಆಗಿದೆ.

ಇನ್ನು ಐದರಿಂದ ಆರು ವರ್ಷದ ವಿದ್ಯಾರ್ಥಿನಿ ಶಾಲೆಗೆ ತೆರಳುವ ಸಮಯದಲ್ಲಿ 9 ಇಂಚಿನ ಒಳಚರಂಡಿ ಮೇಲೆ ಹಾದು ಹೋಗುವಾಗ ಆಯತಪ್ಪಿ ಬಿದ್ದಿರುವ ವಿಡಿಯೋವನ್ನು ಸ್ಥಳೀಯರಾದ ಪ್ರೇಮ ಚಿರಾಯಿ ತಮ್ಮ ಮೊಬೈಲ್​ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ.

ಈ ವಿಡಿಯೋದಲ್ಲಿ ವಿದ್ಯಾರ್ಥಿನಿ ಆಯತಪ್ಪಿ ಮಣ್ಣಿನ ಮೇಲೆ ಬಿದ್ದಿದ್ದರಿಂದ ಸಣ್ಣಪುಟ್ಟ ಗಾಯಗಳಾಗಿವೆ. ​ ಬಾಲಕಿ ಚರಂಡಿ ಒಳಗೆ ಬಿದ್ದಿದ್ದರೆ, ಗಂಭೀರ ಗಾಯವಾಗುತ್ತಿತ್ತು. ಅದೃಷ್ಟವಶಾತ್ ಬಾಲಕಿಗೆ ಗಂಭೀರ ಗಾಯವಾಗಿಲ್ಲ ಎಂಬುದು ಧೃಡಪಟ್ಟಿದೆ. ಇನ್ನು ವಿದ್ಯಾರ್ಥಿನಿ ಮನೆಗೆ ತೆರಳುವ ವೇಳೆ ಈ ಘಟನೆ ಸಂಭವಿಸಿದೆ ಎಂದು ತಿಳಿದುಬಂದಿದೆ.

ಇನ್ನು ಈ ವಿಡಿಯೋದಲ್ಲಿ ಬೇರೆ ವಿದ್ಯಾರ್ಥಿಗಳು ಕೆಸರಿನಲ್ಲಿ ಹೆಜ್ಜೆ ಹಾಕಿ, ಮುಂದೆ ಸಾಗುತ್ತಿರುವುದನ್ನು ಕಾಣಬಹುದು. ನಗರ ಪಂಚಾಯಿತಿ ಬೇಜವಬ್ದಾರಿತನದಿಂದ ಕೆಸರಿನಿಂದ ತುಂಬಿದ ರಸ್ತೆಯಿಂದ ಸ್ಥಳೀಯರು ತೊಂದರೆ ಅನುಭವಿಸುತ್ತಿದ್ದಾರೆ.

ಇನ್ನು ಸ್ಥಳೀಯರು ನಗರ ಪಂಚಾಯತ್​ ಅಧಿಕಾರಿಗಳಿಗೆ ಕೆಸರು ತುಂಬಿದ ರಸ್ತೆಯನ್ನು ಸರಿಪಡಿಸುವಂತೆ ಮನವಿ ಮಾಡಿದರೂ ಕೂಡ ಅಧಿಕಾರಿಗಳು ಯಾವುದೇ ಕ್ರಮಕೈಗೊಳ್ಳುತ್ತಿಲ್ಲ ಎಂದು ಗ್ರಾಮಸ್ಥರು ಆರೋಪಿದ್ದಾರೆ.

ಇನ್ನು ಈ ಸಮಸ್ಯೆ ಬಗ್ಗೆ ಭೋಗಾನ್​ ಉಪ ಜಿಲ್ಲಾಧಿಕಾರಿ ಸಂಧ್ಯಾ ಶರ್ಮರನ್ನು ಪ್ರಶ್ನಿಸಿದಾಗ, ನನಗೆ ಈ ವಿಷಯ ತಿಳಿದಿಲ್ಲ. ಹಾಗೆಯೇ ಆ ರಸ್ತೆಯ ಬಗ್ಗೆ ಮಾಹಿತಿ ತಿಳಿದು ಸರಿಪಡಿಸಲು ಸೂಚಿಸುತ್ತೇನೆ ಎಂದರು. (ಏಜೆನ್ಸೀಸ್​)

https://www.vijayavani.net/varun-dhawan-janhvi-kapoor-starrer-sunny-sanskari-ki-tulsi-kumari-to-clash-with-the-rishab-shetty-starrer-kantara