'ಮದ್ವೆಯಾಗಲು ಹುಡುಗಿಯನ್ನು ಹುಡುಕಿ ಕೊಡಿ' ಗ್ರಾಮ ಪಂಚಾಯತಿ​​ಗೆ ಪತ್ರ ಬರೆದ 30 ಯುವಕರು...Unmarried people wrote a letter

Unmarried people wrote a letter : ಪ್ರತಿಯೊಬ್ಬರೂ ಸರಿಯಾದ ವಯಸ್ಸಿನಲ್ಲಿ ಮದುವೆಯಾಗಲು ಬಯಸುತ್ತಾರೆ. ವಯಸ್ಸು ಕಳೆದಂತೆ ಮದುವೆ ಪ್ರಸ್ತಾಪಗಳ ಸಂಖ್ಯೆಯೂ ಕಡಿಮೆಯಾಗುತ್ತದೆ ಎನ್ನುವುದು ಗೊತ್ತಿರುವ ವಿಚಾರ. ಹೀಗಿರುವಾಗ ಪಂಜಾಬ್‌ನ ಒಂದು ಸಣ್ಣ ಹಳ್ಳಿಯಲ್ಲಿ ಮದುವೆಯಾಗದ ಅನೇಕ ಯುವಕರಿದ್ದಾರೆ. ಅವರು ಗ್ರಾಮ ಪಂಚಾಯತಿಗೆ ಪತ್ರ ಬರೆದು ಮದುವೆಗೆ ಹುಡುಗಿಯನ್ನು ಹುಡುಕುವಂತೆ ಅಧಿಕಾರಿಗಳ ಬಳಿ ಮನವಿ ಮಾಡಿದ್ದಾರೆ ಎನ್ನಲಾಗಿದೆ.

ಪಂಜಾಬ್‌ನ ಮೋಗಾದಲ್ಲಿ, ಕಿರಿಯ ಮತ್ತು ಹಿರಿಯ ವಯಸ್ಸಿನ ವರರಿಗೆ ಮದುವೆಯಾಗಲು ಹುಡುಗಿಯರು ಸಿಗುತ್ತಿಲ್ಲ. ಇದರಿಂದ ಬೇಸತ್ತ 30 ಬ್ಯಾಚುಲರ್‌ಗಳು ( Unmarried people wrote a letter ) ಗ್ರಾಮ ಪಂಚಾಯತಿಗೆ ಪತ್ರ ಬರೆದರು. ಅದರಲ್ಲಿ ಅವರು ವಧುವನ್ನು ಹುಡುಕುವಂತೆ ವಿನಂತಿಸಿದ್ದಾರೆ ಎಂದು ಖಾಸಗಿವಾಹಿನಿಯೊಂದು ಸುದ್ದಿ ಮಾಡಿದೆ. ಆದರೆ ಈ ಕುರಿತಾದ ಪತ್ರ ಲಭ್ಯವಾಗಿಲ್ಲ.

ಪತ್ರದಲ್ಲಿ ಯುವಕರು ಬರೆದಿದ್ದೇನು?:

ಹಿಮ್ಮತ್‌ಪುರ ಗ್ರಾಮದ ಸರಪಂಚ್ ಬಾದಲ್ ಸಿಂಗ್ ಅವರಿಗೆ ಪತ್ರ ಬರೆದು, ತಮ್ಮ ವಯಸ್ಸು ಮೀರುತ್ತಿದೆ ಆದರೆ ಸೂಕ್ತ ಜೋಡಿಗಳು ಸಿಗುತ್ತಿಲ್ಲ. ಗ್ರಾಮ ಪಂಚಾಯತ್ ಅಧಿಕಾರಿಗಳು ತಮಗೆ ಮದುವೆಯಾಗಲು ಸಹಾಯ ಮಾಡಿದರೆ, ಗ್ರಾಮದಲ್ಲಿ ಮತದಾರರ ಸಂಖ್ಯೆಯೂ ಹೆಚ್ಚಾಗುತ್ತದೆ. ಪಂಚಾಯತ್ ತಮ್ಮ ಬೇಡಿಕೆಗಳನ್ನು ನಿರ್ಲಕ್ಷಿಸಿದರೆ, ಅದಕ್ಕಾಗಿ ಪ್ರತಿಭಟಿಸುತ್ತೇವೆ. ಈ ಪತ್ರಕ್ಕೆ ಸಂದೀಪ್ ಸಿಂಗ್, ಕುಲ್ವಿಂದರ್ ಸಿಂಗ್, ಕೋಮಲ್ದೀಪ್ ಸಿಂಗ್, ಸಿಮರ್ಜಿತ್ ಸಿಂಗ್, ಮೋಹನ್ ಸಿಂಗ್, ಅಮರಿಂದರ್ ಸಿಂಗ್, ಮಣಿಂದರ್ ಸಿಂಗ್ ಮುಂತಾದವರು ಸಹಿ ಹಾಕಿದ್ದಾರೆ.

ಹಿಮ್ಮತ್‌ಪುರದ ಸರಪಂಚ್ ( A sarpanch is the elected head of a Gram Panchayat, the village-level self-government institution in India) ಬಾದಲ್ ಸಿಂಗ್ ಮಾತನಾಡಿ, ಗ್ರಾಮದ 30 ಯುವಕರು ತಮ್ಮ ಮದುವೆಗೆ ಅರ್ಜಿ ಸಲ್ಲಿಸಿರುವ ಪತ್ರ ಬಂದಿದೆ. ಈ ಎಲ್ಲಾ ಹುಡುಗರು ಒಳ್ಳೆಯ ನಡವಳಿಕೆಯವರು. ಅವರಲ್ಲಿ ಕೆಲವರು ಅಂಗಡಿಗಳನ್ನು ನಡೆಸುತ್ತಾರೆ, ಕೆಲವರು ಕೃಷಿ ಮಾಡುತ್ತಾರೆ, ಕೆಲವರು ಮೇಕೆಗಳನ್ನು ಸಂಗ್ರಹಿಸುತ್ತಾರೆ. ಈ ಯುವಕರಿಗೆ ಮಾದಕ ದ್ರವ್ಯ ಸೇವನೆ ಕೂಡಾ ಮಾಡುವುದಿಲ್ಲ. ಆದರೆ ಸಾಮಾನ್ಯವಾಗಿ ಸಣ್ಣ ಹಳ್ಳಿಗಳಲ್ಲಿ ಹುಡುಗಿಯರು ಮದುವೆಯಾಗಲು ಸಿದ್ಧರಿಲ್ಲ. ಆದ್ದರಿಂದ ಅವರು ತಮ್ಮ ಮದುವೆಯಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿರುವ ಸಾಧ್ಯತೆಯಿದೆ. ನಾವು ಖಂಡಿತವಾಗಿಯೂ ನಮ್ಮಿಂದ ಸಾಧ್ಯವಾದಷ್ಟು ಪ್ರಯತ್ನಿಸುತ್ತೇವೆ ಎಂದು ಹೇಳಿದ್ದಾರೆ. ಈ ಸುದ್ದಿ ಸೋಶಿಯಲ್​​ ಮೀಡಿಯಾದಲ್ಲಿ ಸಖತ್​​ ವೈರಲ್​​ ಆಗುತ್ತಿದೆ. ಆದರೆ ಯುವಕರು ಬರೆದಿರುವ ಪತ್ರ ಎಲ್ಲೂ ಸೋಶಿಯಲ್​ ಮೀಡಿಯಾದಲ್ಲಿ ಕಂಡು ಬಂದಿಲ್ಲ.

https://www.vijayavani.net/ramya-soft-corners-words-about-actor-darshan-case

https://www.vijayavani.net/do-this-on-the-occasion-of-shri-krishna-janmashtami-and-all-your-wishes-will-be-fulfilled