10 ಕೆಜಿ ತೂಕ ಇಳಿಸಿಕೊಂಡ್ರು ಸಿಗಲಿಲ್ಲ ಅವಕಾಶ! ಟೆಸ್ಟ್​ ತಂಡದಿಂದ ಸರ್ಫರಾಜ್​ ಕೈಬಿಟ್ಟಿದ್ದೇಕೆ ಬಿಸಿಸಿಐ? ಅಗರ್ಕರ್​ ಸ್ಪಷ್ಟನೆ | Sarfaraz Khan

Sarfaraz Khan: ಇದೇ ಜೂನ್​ನಿಂದ ಆರಂಭಗೊಳ್ಳಲಿರುವ ಇಂಗ್ಲೆಂಡ್​​ ವಿರುದ್ಧದ ಐದು ಪಂದ್ಯಗಳ ಟೆಸ್ಟ್​ ಸರಣಿಗೆ ಭಾರತ ತಂಡ ಪ್ರಕಟವಾಗಿದೆ. ಶುಭಮನ್​ ಗಿಲ್​ ನೇತೃತ್ವದಲ್ಲಿ ಟೀಮ್ ಇಂಡಿಯಾ ಟೆಸ್ಟ್​ ಸರಣಿ ಆಡಲಿದೆ. ಉಪನಾಯಕನಾಗಿ ರಿಷಭ್ ಪಂತ್ ತಂಡದಲ್ಲಿ ಕಾಣಿಸಿಕೊಂಡರೆ, ಈ ಹಿಂದೆಯೇ ಊಹಿಸಿದ್ದ ಹಲವರು ಟೀಮ್​ನಲ್ಲಿ ಸ್ಥಾನ ಪಡೆದಿದ್ದಾರೆ. ಇದೆಲ್ಲದರ ನಡುವೆ ಇಂಗ್ಲೆಂಡ್​ ಟೂರ್​ಗಾಗಿಯೇ ಮೈದಾನದಲ್ಲಿ ಬಹಳ ಕಸರತ್ತು ನಡೆಸಿದ್ದ ಸರ್ಫರಾಜ್​ ಖಾನ್​, ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆಯುವ ಆಸೆಯಿಂದ ಬರೋಬ್ಬರಿ 10 ಕೆಜಿ ತೂಕವನ್ನು ಇಳಿಸಿಕೊಂಡಿದ್ದಾರೆ. ಇಷ್ಟಾದರೂ ಬಿಸಿಸಿಐ ಮಾತ್ರ ಸರ್ಫರಾಜ್​ಗೆ ಅವಕಾಶ ಕಲ್ಪಿಸಿಕೊಡಲಿಲ್ಲ. ಸದ್ಯ ಇದೇ ಈಗ ಹಲವರ ಪ್ರಶ್ನೆಗೆ, ಬೇಸರಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಬಂದ್ಬಿಟ್ಟ RCB ಆಪತ್ಬಾಂಧವ! ಕೊನೇ ಲೀಗ್​ ಪಂದ್ಯಕ್ಕೂ ಮುನ್ನವೇ ತಂಡ ಸೇರಿಕೊಂಡ ಜೋಶ್ ಹ್ಯಾಸಲ್‌ವುಡ್ | Josh Hazlewood

ಈ ವಿಚಾರ ಜಾಲತಾಣದಲ್ಲಿ ಚರ್ಚೆಯಾಗಿದ್ದು, ನೆಟ್ಟಿಗರು ಸರ್ಫರಾಜ್ ಖಾನ್ ಆಯ್ಕೆ ಕುರಿತು ಪ್ರಶ್ನಿಸಿದ್ದರು. ಬಿಸಿಸಿಐ ಏಕೆ ಸರ್ಫರಾಜ್​ ಖಾನ್​ರನ್ನು ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್ ತಂಡದಿಂದ ಕೈಬಿಟ್ಟಿತು ಎಂಬುದರ ಕುರಿತು ಇದೀಗ ಸ್ವತಃ ಬಿಸಿಸಿಐ ಮುಖ್ಯ ಆಯ್ಕೆಗಾರ ಅಜಿತ್ ಅಗರ್ಕರ್​ ಪ್ರತಿಕ್ರಿಯಿಸಿದ್ದಾರೆ. "ನಮ್ಮ ಈ ನಿರ್ಣಯ ಒಬ್ಬರಿಗೆ ಬಹಳ ಕಠಿಣ ಆದರೆ, ಮತ್ತೊಬ್ಬರಿಗೆ ಖುಷಿ ತಂದಿದೆ. ಸದ್ಯ, ಕರುಣ್​ ನಾಯರ್​ ದೇಶಿಯ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ್ದಾರೆ ಮತ್ತು ಹಲವು ಪಂದ್ಯಗಳನ್ನು ಆಡಿದ್ದಾರೆ. ಇಂಥಾ ಸಮಯದಲ್ಲಿ ಸರಿಯಾದ ನಿರ್ಧಾರ ಕೈಗೊಳ್ಳುವುದು ಅನಿವಾರ್ಯ. ಕಿವೀಸ್​ ವಿರುದ್ಧದ ಮೊದಲ ಟೆಸ್ಟ್​ನಲ್ಲಿ ಸರ್ಫರಾಜ್​ ಶತಕ ಗಳಿಸಿದರು. ಆದರೆ, ಮುಂದಿನ ಪಂದ್ಯಗಳಲ್ಲಿ ಅವರು ತಮ್ಮ ಫಾರ್ಮ್​ನ ಉಳಿಸಿಕೊಳ್ಳಲಿಲ್ಲ. ಈ ಕಾರಣಗಳೇ ತಂಡ ಆಯ್ಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತೆ" ಎಂದು ಅಜಿತ್​ ಹೇಳಿದ್ದಾರೆ.

ಇಂಗ್ಲೆಂಡ್​ ಪ್ರವಾಸಕ್ಕೆ ಆಯ್ಕೆಯಾದ ಭಾರತ ತಂಡ

ಶುಭಮನ್ ಗಿಲ್ (ನಾಯಕ), ರಿಷಭ್​ ಪಂತ್ (ಉಪನಾಯಕ, ವಿಕೆಟ್​ ಕೀಪರ್), ಯಶಸ್ವಿ ಜೈಸ್ವಾಲ್, ಕೆ.ಎಲ್. ರಾಹುಲ್, ಸಾಯಿ ಸುದರ್ಶನ್, ಅಭಿಮನ್ಯು ಈಶ್ವರನ್, ಕರುಣ್ ನಾಯರ್, ನಿತೀಶ್​ ಕುಮಾರ್ ರೆಡ್ಡಿ, ರವೀಂದ್ರ ಜಡೇಜಾ, ಧ್ರುವ್​ ಜುರೆಲ್ (ವಿಕೆಟ್​ ಕೀಪರ್​), ವಾಷಿಂಗ್ಟನ್ ಸುಂದರ್​, ಶಾರ್ದೂಲ್ ಠಾಕೂರ್, ಜಸ್​ಪ್ರೀತ್​ ಬುಮ್ರಾ, ಮೊಹಮ್ಮದ್​ ಸಿರಾಜ್​, ಅರ್ಷದೀಪ್ ಸಿಂಗ್, ಪ್ರಸಿದ್ಧ ಕೃಷ್ಣ, ಆಕಾಶ್​ ದೀಪ್ ಮತ್ತು ಕುಲದೀಪ್ ಯಾದವ್ ಸೇರಿ 18 ಜನ ತಂಡದಲ್ಲಿ ಸ್ಥಾವ ಪಡೆದಿದ್ದಾರೆ. (ಏಜೆನ್ಸೀಸ್​).

https://www.vijayavani.net/trump-tariffs-over-apple-phone-manufacturing-in-india