KGF chapter 2: ಸಂಜಯ್ ದತ್ ಹುಟ್ಟುಹಬ್ಬಕ್ಕೆ 'ಅಧೀರ'ನ ಖಡಕ್ ಪೋಸ್ಟರ್ ಬಿಡುಗಡೆ ಮಾಡಿದ ಚಿತ್ರತಂಡ

ಬೆಂಗಳೂರು: ಬಾಲಿವುಡ್​​ ಮುನ್ನಾಬಾಯಿ ಸಂಜಯ್ ದತ್ ಇಂದು 62ನೇ ವಸಂತಕ್ಕೆ ಕಾಲಿಟ್ಟಿದ್ದು, ಕೆಜಿಎಫ್​ 2 ಚಿತ್ರತಂಡದಿಂದ ಅಧೀರನ ಹೊಸ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಮುನ್ನಾಬಾಯ್​ಗೆ ಶುಭಾಶಯ ಕೋರಿದ್ದಾರೆ.

ಇದನ್ನೂ ಓದಿ: ಸಂಜಯ್ ದತ್ ಹುಟ್ಟುಹಬ್ಬಕ್ಕೆ ಅಧೀರನ ಟೀಸರ್?

ಬಹು ನಿರೀಕ್ಷಿತ ಪ್ಯಾನ್​ ಇಂಡಿಯಾ ಸಿನಿಮಾ ಕೆಜಿಎಫ್ ಭಾಗ 2 ರಲ್ಲಿ ಅಧೀರನ ಪಾತ್ರಕ್ಕೆ ಮುನ್ನಾಬಾಯ್ ಬಣ್ಣ ಹಚ್ಚಿರುವುದು ನಿಮಗೆಲ್ಲ ಗೊತ್ತಿರುವ ವಿಚಾರ.
ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್, ನಿರ್ಮಾಪಕ ವಿಜಯ್ ಕಿರಗಂದೂರು, ಹೊಂಬಾಳೆ ಫಿಲಂ ಹಾಗೂ ಕೆಜಿಎಫ್ 2 ಚಿತ್ರತಂಡ ಪೋಸ್ಟರ್ ಬಿಡುಗಡೆ ಮಾಡಿ ಶುಭಾಶಯ ಕೋರಿದೆ.

ಎಲ್ಲಾ ಸರಿಯಾಗಿದ್ದರೆ ಇದೇ ತಿಂಗಳು ಕೆಜಿಎಫ್ 2 ಚಿತ್ರ ತೆರೆ ಮೇಲೆ ಬರಲು ಸಿದ್ದವಾಗಿತ್ತು. ಆದರೆ ಕೊರೊನಾ ಮಹಾಮಾರಿಯಿಂದ ಇದು ಸಾಧ್ಯವಾಗಿಲ್ಲ. (ಏಜೆನ್ಸೀಸ್)