ಒಸ್ಟ್ರಾವ (ಜೆಕ್ ಗಣರಾಜ್ಯ): ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಾಲಿ ವರ್ಷದ ಮೊದಲ ಪ್ರಶಸ್ತಿ ಗೆಲುವಿನ ಸಂಭ್ರಮ ಕಂಡಿದ್ದಾರೆ. ಚೀನಾದ ಶುಯಿ ಝಂಗ್ ಜತೆಗೂಡಿ ಒಸ್ಟ್ರಾವ ಓಪನ್ ಟೆನಿಸ್ ಟೂರ್ನಿಯ ಮಹಿಳಾ ಡಬಲ್ಸ್ ವಿಭಾಗದಲ್ಲಿ ಪ್ರಶಸ್ತಿ ಜಯಿಸುವ ಮೂಲಕ ಅವರು ಈ ಸಾಧನೆ ಮಾಡಿದ್ದಾರೆ. 34 ವರ್ಷದ ಸಾನಿಯಾಗೆ ಇದು ಅಮ್ಮನಾದ ಬಳಿಕ 2ನೇ ಮತ್ತು ವೃತ್ತಿಜೀವನದ 43ನೇ ಪ್ರಶಸ್ತಿ ಗೆಲುವಾಗಿದೆ.
2ನೇ ಶ್ರೇಯಾಂಕಿತ ಇಂಡೋ-ಚೈನೀಸ್ ಜೋಡಿ ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನ ಹೋರಾಟದಲ್ಲಿ ಅಮೆರಿಕದ ಕೈಟ್ಲಿನ್ ಕ್ರಿಶ್ಚಿಯನ್ ಮತ್ತು ನ್ಯೂಜಿಲೆಂಡ್‌ನ ಇರಿನ್ ರೌಟ್‌ಲಿಫ್ ಜೋಡಿಯನ್ನು 6-3, 6-2 ನೇರಸೆಟ್‌ಗಳಿಂದ ಪರಾಭವಗೊಳಿಸಿತು. ಸಾನಿಯಾ ಜೋಡಿ ಒಂದು ಗಂಟೆ ಮತ್ತು 4 ನಿಮಿಷಗಳ ಹೋರಾಟದಲ್ಲಿ ಗೆಲುವು ಒಲಿಸಿಕೊಂಡಿತು.
Sania Mirza and Shuai Zhang win the #OstravaOpen Women's Doubles title! 🔥
The Indo-Chinese pair beat Kaitlyn Christian and Erin Routliffe 6-3, 6-2 in the final. 🏆#BetterEveryday🇮🇳 #Tennis🎾pic.twitter.com/RXucB1bK3K
— JSW Sports (@jswsports) September 26, 2021
ಮಾಜಿ ವಿಶ್ವ ನಂ. 1 ಸಾನಿಯಾಗೆ ಇದು ಹಾಲಿ ಟೆನಿಸ್ ಋತುವಿನ 2ನೇ ಫೈನಲ್ ಆಗಿತ್ತು. ಕಳೆದ ತಿಂಗಳು ಕ್ಲೆವ್‌ಲ್ಯಾಂಡ್ ಓಪನ್‌ನಲ್ಲಿ ಅವರು ಕ್ರಿಸ್ಟಿನಾ ಮೆಕ್‌ಹಾಲೆ ಜತೆ ರನ್ನರ್‌ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದರು. 2020ರ ಜನವರಿಯಲ್ಲಿ ಹೋಬರ್ಟ್‌ನಲ್ಲಿ ಸಾನಿಯಾ ಕೊನೇ ಮತ್ತು ಅಮ್ಮನಾದ ಬಳಿಕ ಮೊದಲ ಪ್ರಶಸ್ತಿ ಜಯಿಸಿದ್ದರು.
WTA 500 : Ostrava Open @MirzaSania / @zhangshuai121 defeated Aitlyn Christian (USA) / Erin Routliffe (NUZ) by 6-3, 6-2 in the final to claim Women Double title
First Title of 2021 and overall 43 title for Sania pic.twitter.com/0KxI7DPueZ
— Sports India (@SportsIndia3) September 26, 2021
ದಾಖಲೆ ಚೇಸಿಂಗ್‌ನೊಂದಿಗೆ ಆಸೀಸ್ ಗೆಲುವಿನ ಓಟಕ್ಕೆ ಬ್ರೇಕ್ ಹಾಕಿದ ಭಾರತ ಮಹಿಳಾ ತಂಡ