ಕೈ ತುಂಬ ಸಂಬಳದ ಉದ್ಯೋಗಕ್ಕೆ ರಾಜೀನಾಮೆ ನೀಡಿ, ವ್ಲಾಗರ್ ಆಗಿ ಖುಷಿ ಕಾಣಲು ಸಿದ್ದು ಮುಂದಾಗುತ್ತಾನೆ. ಪ್ರಾರಂಭದಲ್ಲಿ ದಿನಚರಿ ವಿಡಿಯೋಗಳನ್ನು ಮಾಡುವ ಆತನ ಕಂಟೆಂಟ್ಗೆ ಯಾರೂ ಕೇರ್ ಮಾಡುವುದಿಲ್ಲ. ಹೀಗಾಗಿ ಗೆಳತಿ ನಂದಿನಿ (ರವೀಕ್ಷಾ) ಘೋಸ್ಟ್ ಹಂಟಿಂಗ್ ತರಹದ ರೋಚಕ ವ್ಲಾಗ್ ಮಾಡುವಂತೆ ಸಲಹೆ ನೀಡುತ್ತಾಳೆ. ಆಗ ಘೋಸ್ಟ್ ಹಂಟಿಂಗ್ಗೆ ಮುಂದಾಗುವ ಸಿದ್ದು ಒಮ್ಮಿಂದೊಮ್ಮೆಲೆ ವೈರಲ್ ಆಗಿ, ಜನಪ್ರಿಯನಾಗುತ್ತಾನೆ. ಆದರೆ, ಅದು ನೈಜ ಘೋಸ್ಟ್ ಹಂಟಿಂಗ್ ವಿಡಿಯೋ ಆಗಿರದೆ, ಗ್ರಾಫಿಕ್ಸ್ನಿಂದ ಮಾಡಿರುವುದು ಎಂಬುದು ನಂದಿನಿ ಗಮನಕ್ಕೆ ಬರುತ್ತದೆ. ತಕ್ಷಣ ಆಕೆ ಸಿದ್ದುಗೆ ಜಾಡಿಸಿ, ಆತನಿಂದ ದೂರವಾಗುತ್ತಾಳೆ. ಇದರಿಂದ ಮನನೊಂದ ಸಿದ್ದುಗೆ, ಹಿಂದಿ ವ್ಲಾಗರ್ಗೆ ಘೋಸ್ಟ್ ಟೌನ್ನಲ್ಲಿ ಆದ ಭಯಾನಕ ಅನುಭವದ ಬಗ್ಗೆ ಗಮನಕ್ಕೆ ಬರುತ್ತದೆ. ತಾನೂ ಘೋಸ್ಟ್ ಟೌನ್ಗೆ ತೆರಳಿ, ಅಲ್ಲಿ ದೆವ್ವಗಳ ಕುರಿತು ವ್ಲಾಗ್ ಮಾಡಬೇಕು ಎಂದು ಸಿದ್ದು ನಿಶ್ಚಯಿಸುತ್ತಾನೆ. ಮುಂದಿನ ಘೋಸ್ಟ್ ಹಂಟಿಂಗ್ ಪಯಣವೇ ‘ಸೀಟ್ ಎಡ್ಜ್’ ಚಿತ್ರದ ಪ್ರಮುಖ ಘಟ್ಟ.
