‘ಜೈ ಹನುಮಾನ್’ಗೆ ಮುಹೂರ್ತ: ಆಂಜನೇಯನ ಜನ್ಮಸ್ಥಳ ಅಂಜನಾದ್ರಿ ಬೆಟ್ಟದಲ್ಲಿ ರಿಷಬ್ ಶೆಟ್ಟಿ ಚಿತ್ರಕ್ಕೆ ಚಾಲನೆ

ಜೈ ಹನುಮಾನ್’ ಮುಹೂರ್ತದ ಬಳಿಕ ನಟ ರಿಷಬ್ ಶೆಟ್ಟಿ ಚಿತ್ರದ ಬಗ್ಗೆ, ‘‘ಕಾಂತಾರ’ದ ನಂತರ ಅಂಜನಾದ್ರಿ ಬೆಟ್ಟಕ್ಕೆ ಬಂದು ದೇವರ ಆಶೀರ್ವಾದ ತೆಗೆದುಕೊಂಡ ಬಳಿಕವೇ ‘ಜೈ ಹನುಮಾನ್’ ಕೆಲಸಗಳನ್ನು ಆರಂಭಿಸಿದ್ದೆ. ಆಂಜನೇಯನ ಜನ್ಮ ಸ್ಥಳದಲ್ಲಿಯೇ ಚಿತ್ರದ ಮುಹೂರ್ತ ನೆರವೇರಿಸೋಣ ಎಂದು ತಂಡಕ್ಕೆ ಹೇಳಿದ್ದೆ, ಅದರಂತೆ ಮುಹೂರ್ತ ನೆರವೇರಿಸಿದ್ದೇವೆ. ಇದು ರಾಮ ಮತ್ತು ಹನುಮನ ಆರಾಧಕರು ಭಕ್ತಿಯಿಂದ ನೋಡುವಂತಹ ಅದ್ಭುತ ಸಿನಿಮಾ ಆಗಲಿದೆ. ಹಾಗಾಗಿ, ಈ ಪ್ರಾಜೆಕ್ಟ್ ಬಗ್ಗೆ ಹೆಚ್ಚು ಉತ್ಸುಕರಾಗಿದ್ದೇವೆ. ಹನುಮನ ಪಾದಕ್ಕೆ ನಮಸ್ಕರಿಸಿ ಕೆಲಸ ಆರಂಭಿಸಿದ್ದೇವೆ. ಈ ಪಾತ್ರವು ಹನುಮಂತನಿಗೆ ಸೇವೆ ಮಾಡಲು ಸಿಕ್ಕ ಅವಕಾಶ ಎಂದೇ ಭಾವಿಸುವೆ’ ಎಂದು ಸಂತಸ ಹಂಚಿಕೊಂಡರು.