ಒಂದು ತಿಂಗಳ ದಾಂಪತ್ಯದ ನಂತರ ವಿಜಯ್ ಹೇಳಿದ್ದೇನು? ರಶ್ಮಿಕಾ ಮಂದಣ್ಣ ಭಾವುಕ ಪೋಸ್ಟ್! Rashmika Mandanna

Rashmika Mandanna: ಇತ್ತೀಚೆಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ವಿಜಯ್​ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ತಮ್ಮ ಅಮೂಲ್ಯವಾದ ಸಮಯ ಕಳೆಯುತ್ತಾ, ಸಂತೋಷದಲ್ಲಿ ಮುಳುಗಿದ್ದಾರೆ. ಆದಾಗ್ಯೂ, ಈ ಜೋಡಿ ತಮ್ಮ ವಿವಾಹದ ಒಂದು ತಿಂಗಳು ಪೂರೈಸಿದ ನೆನಪಿಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಹೃದಯೀ ಸ್ಪರ್ಶಿ ಪೋಸ್ಟ್​​ವೊಂದನ್ನು ಹಂಚಿಕೊಂಡಿದ್ದಾರೆ.

ವಿಜಯ್ ದೇವರಕೊಂಡ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ರಶ್ಮಿಕಾ ಅವರೊಂದಿಗಿನ ಸುಂದರ ಕ್ಷಣದ ಫೋಟೋವನ್ನು ಹಂಚಿಕೊಂಡು,ನಮ್ಮೆಲ್ಲರ ಜೀವನದಲ್ಲಿ ಕೆಲವು ಮಹತ್ವದ ಕ್ಷಣಗಳು ಬರುತ್ತವೆ. ನಾವೆಲ್ಲರೂ ಯಾವುದೋ ಒಂದು ಹಂತದಲ್ಲಿ ಆ ಕ್ಷಣಗಳನ್ನು ಎದುರಿಸುತ್ತೇವೆ ಮತ್ತು ಕ್ಷಣಾರ್ಧದಲ್ಲೇ ಕಳೆದುಹೋಗುತ್ತವೆ. ಆದರೆ, ಆ ಕ್ಷಣಗಳನ್ನು ನಾವು ಸರಿಯಾದ ರೀತಿಯಲ್ಲಿ ಆಚರಿಸಿದರೆ, ಅವುಗಳ ನೆನೆಪುಗಳು ಶಾಶ್ವತವಾಗಿ ನಮ್ಮೊಂದಿಗೆ ಇರುತ್ತವೆ. ಅವು ನಮಗೂ ಮತ್ತು ನಮ್ಮವರಿಗೆ ಯಾವಾಗಲೂ ಸಂತೋಷವನ್ನು ನೀಡುತ್ತವೆ. ಇದನ್ನೇ ನಾನು ಯಾವಾಗಲೂ ಖಚಿತಪಡಿಸಿಕೊಳ್ಳಲು ಬಯಸುತ್ತೇನೆ.

ಈಗ ನಾನು ಮತ್ತು ರುಶಿ ಮತ್ತೆ ಕೆಲಸಕ್ಕೆ ಮರಳಲು ಸಿದ್ಧವಾಗುತ್ತಿದ್ದೇವೆ. ಈ ಸಮಯದಲ್ಲಿ, ನನ್ನ ಮತ್ತು ನನ್ನ ಸುತ್ತಲಿನವರೆಲ್ಲರ ಮದುವೆಯ ಸಂಭ್ರಮವನ್ನು ಅತ್ಯಂತ ಸುಂದರವಾಗಿಸಿದ ಕೆಲವು ಅದ್ಭುತ ಮಹಿಳೆಯರಿಗೆ ನನ್ನ ಪ್ರೀತಿಯನ್ನು ಅರ್ಪಿಸಲು ಬಯಸುತ್ತೇನೆ ಎಂದು ವಿಜಯ್​ ಬರೆದು ಪೋಸ್ಟ್ ಮಾಡಿದ್ದಾರೆ.

ವಿಜಯ್​ ಪೋಸ್ಟ್ ಹಾಕಿದ ಕೆಲವೇ ಕ್ಷಣಗಳಲ್ಲಿ ರಶ್ಮಿಕಾ ಪೋಸ್ಟ್ ಮಾಡಿದ್ದು, ನಮ್ಮ ಮದುವೆಯಾಗಿ ಆಗಲೇ ಒಂದು ತಿಂಗಳು ಕಳೆಯಿತು ಎಂದರೆ ನನಗೇ ನಂಬಲಾಗುತ್ತಿಲ್ಲ. ಮದುವೆ ಎಂಬುದು ಒಂದು ಕಾಲದಲ್ಲಿ ಬಹಳ ದೂರದ ಆಲೋಚನೆಯಂತೆ ಭಾಸವಾಗುತ್ತಿತ್ತು. ಆದರೆ, ಈಗ ನಾವು ವಿವಾಹವಾಗಿ ಒಂದು ತಿಂಗಳು ಪೂರೈಸಿದ್ದೇವೆ... ಇದು ನಿಜಕ್ಕೂ ಅದ್ಭುತ. ಮದುವೆಯಾಗಬೇಕು ಎಂದು ನಿರ್ಧರಿಸಿದ ಕ್ಷಣದಿಂದ ಇಂದಿನವರೆಗೆ, ಈ ಮಹಿಳೆಯರು ನನಗೆ ರಕ್ಷಾ ಕವಚದಂತೆ ನಿಂತು ಸಾಥ್ ನೀಡಿದ್ದಾರೆ. ನಾನು ಅವರಿಗೆ ಎಂದೆಂದಿಗೂ ಚಿರಋಣಿಯಾಗಿರುತ್ತೇನೆ. ಇದು ಶಾಶ್ವತವಾದ ಪ್ರೀತಿ! ಎಂದು ಬರೆದು ಪೋಸ್ಟ್​ ಮಾಡಿದ್ದಾರೆ.

ನಟ ತಮ್ಮ ಆಭರಣ ವಿನ್ಯಾಸಕರ ಬಗ್ಗೆ ಮಾತನಾಡುತ್ತಾ, ನನ್ನ ಆಭರಣ ತಂಡ ಮತ್ತು ಅರ್ಪಿತಾ ಬಹುಮುಖ್ಯ ಪಾತ್ರವನ್ನು ವಹಿಸಿದೆ. ನಾನು ಯಾವ ರೀತಿಯ ಆಭರಣಗಳನ್ನು ಕೇಳಿದೆ ಅವುಗಳೆಲ್ಲವನ್ನೂ ಒಮ್ಮೆಯೂ ಇಲ್ಲ ಎಂದು ಹೇಳದೆ ಸುಂದರವಾದ ರೇಖಾಚಿತ್ರದೊಂದಿಗೆ ಹಿಂತಿರುಗಿಸಿದೆ. ನಾನು ಅಂದುಕೊಂಡದ್ದಕ್ಕಿಂತ ಹೆಚ್ಚು ಕಲಾತ್ಮಕವಾಗಿ ಅವುಗಳನ್ನು ವಾಸ್ತವಕ್ಕೆ ತಂದರು. ಅರ್ಪಿತಾ ನಿಮ್ಮ ಮೇಲೆ ವಿಶೇಷವಾದ ಗೌರವ ಇದೆ ಎಂದು ಬರೆದಿದ್ದಾರೆ.

ನಂತರ ರಶ್ಮಿಕಾ ತನ್ನ ಸ್ನೇಹಿತೆ ಐಶ್ವರ್ಯಾಳಿಗಾಗಿ ಒಂದು ದೀರ್ಘ ಟಿಪ್ಪಣಿ ಬರೆದಿದ್ದು, ಎಷ್ಟೋ ವರ್ಷಗಳಿಂದ ನೀನು ನನಗೆ ಅಕ್ಷರಶಃ ಶಕ್ತಿಯ ಬೆನ್ನೆಲುಬಾಗಿ ನಿಂತಿದ್ದೀಯ. ನಾವು ಬಹಿರಂಗವಾಗಿ ಹೇಳಿಕೊಳ್ಳಲಾಗದ ಎಷ್ಟೋ ವಿಚಾರಗಳಲ್ಲಿ ನೀನು ನನಗೆ ಸಾಥ್ ನೀಡಿದ್ದೀಯ. ಈ ಮದುವೆ ಇಷ್ಟು ಸುಂದರವಾಗಿ ಮೂಡಿಬಂದಿದೆ ಎಂದರೆ ಅದಕ್ಕೆ ನೀನೇ ಕಾರಣ…

ಪ್ರಿಯಾ ನಮ್ಮ ಮದುವೆಯ ಪ್ಲಾನರ್ ಆಗಿ ನಮ್ಮ ಜೀವನಕ್ಕೆ ಆಗಮಿಸಿದರು. ಆದರೆ, ಅವರು ನಮ್ಮ ಬಲಗೈಯಾದರು, ನಮ್ಮ ಕುಟುಂಬದ ಸದಸ್ಯರಂತಾದರು. ಆದಾಗ್ಯೂ, ಪ್ರಿಯಾ ಇಲ್ಲದಿದ್ದರೆ ಈ ಮದುವೆ ಖಂಡಿತವಾಗಿಯೂ ಇಷ್ಟು ಸುಂದರವಾಗಿರುತ್ತಿರಲಿಲ್ಲ ಎಂದು ನಾವಿಬ್ಬರೂ ಎಷ್ಟೋ ಬಾರಿ ಮಾತನಾಡಿಕೊಂಡಿದ್ದೇವೆ ಎಂದರು (ಏಜೆನ್ಸೀಸ್​).