"ಪಿರಿಯಡ್ಸ್​ ನೆಪವಲ್ಲ" ಎಂದಿದ್ದಕ್ಕೆ ಶ್ರೀಲೀಲಾಗೆ ನೆಟ್ಟಿಗರ ತರಾಟೆ: ವೈದ್ಯಕೀಯ ಹಿನ್ನೆಲೆ ಇದ್ದೂ ಹೀಗೆ ಹೇಳೋದಾ? Sreeleela

ಕಳೆದ ಮಾರ್ಚ್‌ನಲ್ಲಿ ಬಿಡುಗಡೆಯಾದ ಪವನ್ ಕಲ್ಯಾಣ್ ಮತ್ತು ಶ್ರೀಲೀಲಾ ಅಭಿನಯದ 'ಉಸ್ತಾದ್ ಭಗತ್ ಸಿಂಗ್' ಸಿನಿಮಾ ಭರ್ಜರಿ ಯಶಸ್ಸು ಕಂಡಿತ್ತು. ಈ ಯಶಸ್ಸನ್ನು ಸಂಭ್ರಮಿಸಲು ಆಯೋಜಿಸಲಾಗಿದ್ದ ಪಾರ್ಟಿಯಲ್ಲಿ ಶ್ರೀಲೀಲಾ ಚಿತ್ರೀಕರಣದ ಸಮಯದಲ್ಲಿ ಒಬ್ಬ ಮಹಿಳೆಯಾಗಿ ತಾವು ಎದುರಿಸಿದ ಸವಾಲುಗಳ ಬಗ್ಗೆ ಮಾತನಾಡುತ್ತಾ, ಋತುಚಕ್ರವು ಕೆಲಸದಿಂದ ಹಿಂದೆ ಸರಿಯಲು ಒಂದು ನೆಪವಾಗಬಾರದು ಎಂದು ಹೇಳಿಕೆ ನೀಡಿದ್ದರು.

ಚಿತ್ರೀಕರಣದ ಸಮಯದಲ್ಲಿ ದೇಹಕ್ಕೆ ಎಷ್ಟೇ ನೋವಾಗಿದ್ದರೂ ಸಹ ನಾನು ಚಿತ್ರೀಕರಣವನ್ನು ಮುಂದುವರೆಸಿದ್ದೇನೆ. ಆದಾಗ್ಯೂ, ನನ್ನ ಎಲ್ಲಾ ಹಾಡುಗಳು, ನಾನು ಹೇಳಬಲ್ಲೆ, ಅವುಗಳಲ್ಲಿ ಹೆಚ್ಚಿನವು ಕನಿಷ್ಠ ಪ್ರಶಂಸಿಸಲ್ಪಟ್ಟಿವೆ. ನನ್ನ ಋತುಚಕ್ರದಲ್ಲಿದ್ದಾಗ ಚಿತ್ರೀಕರಣ ಮಾಡಿದ್ದೇನೆ ಆದರಿಂದ ಎಲ್ಲಿಯೂ ಅದನ್ನು ನೆಪವಾಗಿ ಬಳಸಲಿಲ್ಲ. ಆದಾಗ್ಯೂ, ಕೆಲಸದ ವಿಚಾರಕ್ಕೆ ಬಂದರೆ, ನಾವು ದೈಹಿಕ ಅಡೆತಡೆಗಳನ್ನು ಮೀರಿ ಹೋಗಬೇಕು ಎಂದು ನಾನು ಅಭಿಪ್ರಾಯ ಪಡುತ್ತೇನೆ ಎಂದಿದ್ದರು.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಮುಟ್ಟಿನ ಅನುಭವಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗುತ್ತವೆ ಎಂದು ಗಮನಸೆಳೆದರು. ಮುಟ್ಟನ ಸಮಯದಲ್ಲಿ ಕೆಲವೊಂದು ವ್ಯಕ್ತಿಗಳಿಗೆ ನೋವು ಸೌಮ್ಯವಾಗಿ ಕಾಣಿಸಿಕೊಂಡರೆ, ಇನ್ನೂ ಕೆಲವೊಂದಿಷ್ಟು ಜನರಿಗೆ ತೀವ್ರ ನೋವು ಕಾಣಿಸಿಕೊಳ್ಳುತ್ತದೆ ಎಂದು ಅಭಿಪ್ರಾಯ ಸೂಚಿಸಿದರು.

ಇನ್ನೊಬ್ಬ ಬಳಕೆದಾರರು ದೇಹದ ಶಾರೀರಿಕ ಕ್ರಿಯೆಗಳ ಬಗ್ಗೆ ಜ್ಞಾನವಿರುವವರೇ ಮಹಿಳೆಯರ ಆರೋಗ್ಯ ಸಮಸ್ಯೆಗಳನ್ನು 'ನೆಪ' ಎಂದು ಕರೆದರೆ ಸಾಮಾನ್ಯರ ಗತಿಯೇನು?" ಎಂದು ಅನೇಕರು ಪ್ರಶ್ನಿಸುತ್ತಿದ್ದಾರೆ.

ನಟಿ ಶ್ರೀಲೀಲಾ ಅವರು ಕನ್ನಡದ 'ಕಿಸ್' ಚಿತ್ರದ ಮೂಲಕ ಸಿನಿಪಯಣ ಆರಂಭಿಸಿದರು. ಅದ್ಭುತ ನೃತ್ಯ ಕೌಶಲ ಮತ್ತು ಆಕರ್ಷಕ ನಟನೆಯಿಂದ ಶೀಘ್ರವೇ ಜನಪ್ರಿಯರಾದ ಇವರು, ತೆಲುಗು ಚಿತ್ರರಂಗದಲ್ಲಿ 'ಧಮಾಕಾ' ಮತ್ತು 'ಭಗವಂತ್ ಕೇಸರಿ' ಅಂತಹ ಹಿಟ್ ಚಿತ್ರಗಳ ಮೂಲಕ ಸ್ಟಾರ್ ನಟಿಯಾಗಿ ಬೆಳೆದರು. ಇದೀಗ ನಟಿ ರಾಬಿನ್ ಹುಡ್, ಕುಬೇರ ಚಿತ್ರಗಳಲ್ಲಿ ಸದ್ಯ ಬ್ಯುಸಿಯಾಗಿದ್ದಾರೆ (ಏಜೆನ್ಸೀಸ್​).