ಶಿವಣ್ಣ-ಸುಧಾರಾಣಿ ಮದುವೆ ಬಗ್ಗೆ ಅಪಪ್ರಚಾರ; 'ಬೇಸಿಕ್ ಎಥಿಕ್ಸ್ ಇಟ್ಕೊಂಡ್ ಕೆಲಸ ಮಾಡ್ರಪ್ಪ' ಎಂದು ಗುಮ್ಮಿದ ನಟಿ..Sudharani

Sudharani Post: ಸೋಶಿಯಲ್​ ಮೀಡಿಯಾದಲ್ಲಿ ಇತ್ತೀಚೆಗೆ ಫೇಕ್​ ನ್ಯೂಸ್​ಗಳ ಹಾವಳಿ ಹೆಚ್ಚಾಗಿದೆ. ದಂಪತಿಗಳ ವಿಚ್ಛೇದನ, ನಟಿಯರ ಪ್ರೀತಿ, ಪ್ರೇಮದಂತಹ ಖಾಸಗಿ ವಿಚಾರಗಳ ಬಗ್ಗೆ ಇಲ್ಲಸಲ್ಲದ ಸುದ್ದಿ ಮಾಡಲಾಗುತ್ತಿದೆ. ಅನುಪಮಾ ಗೌಡ ಅವರ ನಿಶ್ಚಿತಾರ್ಥ ಬಗ್ಗೆ ಎದ್ದಿದ್ದ ಊಹಾಪೋಹಕ್ಕೆ ಅವರು ಸರಿಯಾಗಿ ಕೌಂಟರ್​ ಕೊಟ್ಟು ಟ್ರೋಲ್​ ಪೇಜ್​ಗಳ ಚಳಿ ಬಿಡಿಸಿದ್ದರು. ಸದ್ಯ ಈ ಸಾಲಿನಲ್ಲಿ ಈಗ ಹಿರಿಯ ಮತ್ತು ಯಂಗ್​ ಅಂಡ್​​ ಎನರ್ಜಿಟಿಕ್​ ಹೀರೋಯಿನ್​​ ಸುಧಾರಾಣಿಯವರು ಸೇರಿದ್ದಾರೆ.

ಯೂಟ್ಯೂಬ್​, ಇನ್​ಸ್ಟಾಗ್ರಾಮ್​ನ ವ್ಯೂವ್ಸ್​ ಮತ್ತು ಲೈಕ್ಸ್​ ಹಾಗೂ ಫಾಲೋವರ್ಸ್​​ಗಾಗಿ ಹಲವರು ಸುಳ್ಳು ಸುದ್ದಿಗಳನ್ನು ಬರೆದು ಅದನ್ನೇ ಥಂಬ್​ನೇಲ್​ನಲ್ಲಿ ಹಾಕಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲದೆ, ನಟ-ನಟಿಯರು ಸಂದರ್ಶನದಲ್ಲಿ ಮಾತನಾಡದ ವಿಚಾರವನ್ನು ಉಲ್ಲೇಖಿಸಿ, ಅಪಪ್ರಚಾರ ಮಾಡುವುದು ವಾಡಿಕೆಯಾಗಿದೆ. ಸುಧಾರಾಣಿಯವರಿಗೆ ನಟ ಶಿವರಾಜ್​ ಕುಮಾರ್​ ಮೇಲೆ ಪ್ರೀತಿ ಇತ್ತು ಎನ್ನುವ​ ಬಗ್ಗೆಯೂ ರೂಮರ್ಸ್​ ಎಬ್ಬಿಸಿದ್ದು, ಆ ಬಗ್ಗೆ ಸ್ಕ್ರೀನ್​ಶಾಟ್​ ಹಂಚಿಕೊಂಡು ನಟಿ ಕಿಡಿಕಾರಿದ್ದಾರೆ. ಕೇಸ್​ ದಾಖಲಿಸುವ ಎಚ್ಚರಿಕೆ ಕೊಟ್ಟಿದ್ದಾರೆ.

1986ರಲ್ಲಿ ತೆರೆಕಂಡ 'ಆನಂದ್' ಸಿನಿಮಾ ಮೂಲಕ ಸುಧಾರಾಣಿ ಅವರು ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು. ರಣರಂಗ, ಕಿಲಾಡಿ ಕಿಟ್ಟು, ದೇವತಾ ಮನುಷ್ಯ, ಆಸೆಗೊಬ್ಬ ಮೀಸೆಗೊಬ್ಬ, ಮನೆ ದೇವ್ರು ಹೀಗೆ ನಾನಾ ಹಿಟ್ ಸಿನಿಮಾಗಳನ್ನು ಸ್ಯಾಂಡಲ್​ವುಡ್​ಗೆ ಕೊಟ್ಟರು.