ಬೆಂಗಳೂರು: ಕನ್ನಡದ ಒಂದೇ ನಿರ್ಮಾಣ ಸಂಸ್ಥೆಯಿಂದ ನಿರ್ಮಾಣವಾಗುತ್ತಿರುವ ಮೂರು ಹೊಸ ಸಿನಿಮಾಗಳಿಗೆ ಇತ್ತೀಚೆಗೆ ಮುಹೂರ್ತ ನೆರವೇರಿಸಲಾಯಿತು. ಈ ಮೂಲಕ ‘ಮ್ಯಾಟ್ರಿಕ್’ ಸಂಸ್ಥೆ ಒಂದೇ ದಿನ ಹ್ಯಾಟ್ರಿಕ್ ಬಾರಿಸಿದೆ. ‘ಅಂದೊಂದಿತ್ತು ಕಾಲ’ ಖ್ಯಾತಿಯ ಕೀರ್ತಿ ಕೃಷ್ಣಪ್ಪ ನಿರ್ದೇಶನದಲ್ಲಿ ‘ಸೀತಾ ರಾಮ ರಾಜು’ ಸೆಟ್ಟೇರಿತು. ಈ ಚಿತ್ರದಲ್ಲಿ ‘ಬಿಗ್ಬಾಸ್ ಕನ್ನಡ ಸೀಸನ್ 10’ ವಿಜೇತ ಕಾರ್ತಿಕ್ ಮಹೇಶ್ ಮುಖ್ಯಭೂಮಿಕೆಯಲ್ಲಿದ್ದು, ಅವರಿಗೆ ‘ಬ್ಯಾಡ್ ಮ್ಯಾನರ್ಸ್’ ನಟಿ ಪ್ರಿಯಾಂಕಾ ಕುಮಾರ್ ಜೋಡಿಯಾಗಿದ್ದಾರೆ. ರವಿಶಂಕರ್, ‘ಮಹಾನಟಿ’ ಶೋ ನ ದೀಪಿಕಾ, ಜಗಪ್ಪ ಕಲಾಬಳಗದಲ್ಲಿದ್ದಾರೆ. ಚಿಕ್ಕಮಗಳೂರು, ಬೆಂಗಳೂರು ಸುತ್ತ ನಡೆಯುವ ಕಥೆ ಇದಾಗಿದೆ. ಕ್ರಾಂತಿ ಸಂಭಾಷಣೆ, ರಾಘವೇಂದ್ರ ಸಂಗೀತ, ಅಭಿಲಾಶ್ ಕಳತಿ ಛಾಯಾಗ್ರಹಣ ಚಿತ್ರಕ್ಕಿದೆ.
