‘ಆಲ್ಫಾ’ ಗೋಪಿಕಾ : ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಮಲಯಾಳಿ ಸುಂದರಿ

ಕೇರಳದವರಾದರೂ ಇದೀಗ ಬೆಂಗಳೂರಿನಲ್ಲಿ ನೆಲೆನಿಂತಿರುವ ಗೋಪಿಕಾ ಸ್ಪಷ್ಟವಾಗಿ ಕನ್ನಡ ಮಾತನಾಡುತ್ತಾರೆ. ತುಂಬಾ ಪ್ರೀತಿಯಿಂದ ಕನ್ನಡ ಕಲಿತೆ ಎನ್ನುವ ಅವರು, ‘‘ಆಲ್ಫಾ’ ಟೀಂ ಜತೆ ಮಾತನಾಡುತ್ತಲೇ ಕನ್ನಡ ಕಲಿತೆ. ಕನ್ನಡ ಭಾಷೆ, ನೆಲದ ಬಗ್ಗೆ ನನಗೆ ಅಪಾರ ಅಭಿಮಾನವಿದೆ. ‘ಅಲ್ಫಾ’ ಚಿತ್ರದ ರಗಡ್ ಡೈಲಾಗ್‌ಗಳು ಹೇಳಲು ಮೊದ ಮೊದಲು ಕಷ್ಟವಾಗುತ್ತಿತ್ತು ಜತೆಗೆ ಸವಾಲಾಗಿತ್ತು. ತುಂಬಾ ವರ್ಕ್‌ಶಾಪ್ ಮಾಡಿದೆವು. ಇದರಿಂದ ಪಾತ್ರ ಹಾಗೂ ಡೈಲಾಗ್ ಹೇಳಲು ಸುಲಭವಾಯಿತು. ಸದ್ಯ ಹಲವು ಕಥೆ ಕೇಳಿದ್ದರೂ, ‘ಆಲ್ಫಾ’ ರಿಲೀಸ್‌ಗೆ ಎದುರುನೋಡುತ್ತಿದ್ದೇನೆ’ ಎನ್ನುತ್ತಾರೆ ಗೋಪಿಕಾ.