1800ರಿಂದ 2000 ಚಿತ್ರಗಳು ಆಸ್ಕರ್ಗೆ ಸಲ್ಲಿಸಲಾಗಿತ್ತು. ಅವುಗಳಲ್ಲಿ 317 ಚಿತ್ರಗಳು ಪ್ರಶಸ್ತಿಯಲ್ಲಿ ಸ್ಪರ್ಧಿಸಲು ಅರ್ಹ ಎಂದು ಆಯ್ಕೆ ಮಾಡಿಕೊಳ್ಳಲಾಗಿದ್ದು, ಅದರಲ್ಲಿ 201 ಚಿತ್ರಗಳು "ಅತ್ಯುತ್ತಮ ಸಿನಿಮಾ' ವಿಭಾಗದಲ್ಲಿ ಸ್ಪರ್ಧಿಸಲು ಹೆಚ್ಚುವರಿ ಅರ್ಹತಾ ಅವಶ್ಯಕತೆಗಳನ್ನು ಪೂರೈಸಿವೆ ಎನ್ನಲಾಗಿದೆ. ಅದರಲ್ಲಿ ಒಟ್ಟು ಐದು ಭಾರತೀಯ ಸಿನಿಮಾಗಳಿದ್ದು, "ಕಾಂತಾರ ಅಧ್ಯಾಯ 1', "ಮಹಾವತಾರ್ ನರಸಿಂಹ' ಜತೆಗೆ ಅನುಪಮ್ ಖೇರ್ ನಟಿಸಿ, ನಿರ್ದೇಶಿಸಿರುವ ಬಾಲಿವುಡ್ ಸಿನಿಮಾ "ತಾನ್ವಿ ದ ಗ್ರೇಟ್', ರಾಧಿಕಾ ಆಪ್ಟೆ ನಟನೆಯ "ಮಿಡ್ನೈಟ್ ಸಿಸ್ಟರ್', ತಮಿಳು ಸಿನಿಮಾ "ದ ಟೂರಿಸ್ಟ್ ಫ್ಯಾಮಿಲಿ' ಕೂಡ ಸೇರಿವೆ. ಅವುಗಳಲ್ಲಿ "ಕಾಂತಾರ' ಅತ್ಯುತ್ತಮ ಸಿನಿಮಾ, ನಟ, ನಟಿ, ನಿರ್ಮಾಣ, ನಿರ್ದೇಶನ, ಕಥೆ, ನಿರ್ಮಾಣ ವಿನ್ಯಾಸ ಸೇರಿ ಹಲವು ವಿಭಾಗಗಳಲ್ಲಿ ಸ್ಪರ್ಧಿಸಲಿದ್ದು, "ಮಹಾವತಾರ್ ನರಸಿಂಹ' ಅತ್ಯುತ್ತಮ ಸಿನಿಮಾ, ಅತ್ಯುತ್ತಮ ಆ್ಯನಿಮೇಟೆಡ್ ಸಿನಿಮಾ ವಿಭಾಗಗಳಲ್ಲಿ ಸ್ಪರ್ಧಿಸಲಿದೆ. ಆ ಮೂಲಕ ಆ್ಯನಿಮೇಟೆಡ್ ಸಿನಿಮಾ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ಮೊದಲ ಭಾರತೀಯ ಚಿತ್ರ ಎಂಬ ದಾಖಲೆ ಬರೆದಿದೆ. ಕಳೆದ ವರ್ಷ "ಕಾಂತಾರ 1' ಮತ್ತು "ಮಹಾವತಾರ್ ನರಸಿಂಹ' ಎರಡೂ ಚಿತ್ರಗಳಿಂದ ಹೊಂಬಾಳೆ ಬರೋಬ್ಬರಿ 1200 ಕೋಟಿ ರೂ.ಗೂ ಹೆಚ್ಚು ಹಣ ಕಲೆಕ್ಷನ್ ಮಾಡಿಕೊಂಡಿತ್ತು. ಇದೀಗ ಆಸ್ಕರ್ ಮೂಲಕ ಮತ್ತೊಂದು ದಾಖಲೆ ಬರೆಯಲು ಸಿದ್ಧತೆ ನಡೆಸಿದೆ.
