Wild Tiger Safari - ಬಾಲಿವುಡ್​ ಸಫಾರಿಗೆ ಹೊರಟ ಕನ್ನಡದ ಹುಡುಗರು

"ವೈಲ್ಡ್​ ಟೈಗರ್​ ಸಫಾರಿ' ಹೆಸರು ಕೇಳಿದಾಕ್ಷಣ ಇದೊಂದು ಕಾಡಿನಲ್ಲಿ ನಡೆಯುವ ಸಾರಿ ಕುರಿತ ಕಥೆ ಅಂತನ್ನಿಸಬಹುದು. ಆದರೆ, ಇದು ಮಂಗಳೂರಿನ ಹುಲಿ ಕುಣಿತದ ಸ್ಟೋರಿ. "ನಿರ್ಮಾಪಕರು ಹುಲಿ ಕುಣಿತದ ಕುರಿತ ಕಥೆ ಮಾಡಬೇಕು ಅಂತ ಹೇಳಿದಾಗ, ನನಗೆ ಅದರ ಬಗ್ಗೆ ಅಷ್ಟು ಮಾಹಿತಿ ಇರಲಿಲ್ಲ. ಹೀಗಾಗಿ ಮಂಗಳೂರಿಗೆ ಹೋಗಿ ಹುಲಿ ಕುಣಿತ ಕಲಾವಿದರು, ಮಾಸ್ಟರ್​ಗಳನ್ನು ಭೇಟಿಯಾದೆ. ಹುಲಿ ಕುಣಿತ ಹೇಗೆ ಹುಟ್ಟಿತು ಅಂತ ಇತಿಹಾಸದ ಬಗ್ಗೆ ಕೇಳುತ್ತಾ, ಕೆಲ ವಿಷಯಗಳು ಸಿಕ್ಕವು. ಒಂದು ವಿಷಯವನ್ನು ಮುಖ್ಯವಾಗಿಟ್ಟುಕೊಂಡು ಆ್ಯಕ್ಷನ್​, ರಿವೇಂಜ್​ ಗ್ಯಾಂಗ್​ಸ್ಟರ್​ ಕಥೆ ಮಾಡಿಕೊಂಡೆ. ಜತೆಗೆ ನಮ್ಮ ಮಣ್ಣಿನ ಕಥೆ ಕೂಡ ಕನೆಕ್ಟ್​ ಆಗಿದೆ.