ಪ್ರಿಯಾಂಕಾ ‘ಸಿರಿ’ಯಾನ: ‘ಏಳುಮಲೆ’ ಬಳಿಕ ಮತ್ತೊಂದು ಸಿನಿಮಾ ಘೋಷಿಸಿದ ‘ಮಹಾನಟಿ’ ವಿಜೇತೆ

‘ಏಳುಮಲೆ’ ಬಳಿಕ ಪ್ರಿಯಾಂಕಾಗೆ ಕನ್ನಡದಿಂದ ಸಾಕಷ್ಟು ಅವಕಾಶಗಳು ಬರುತ್ತಿದ್ದು, ತಮಿಳು, ತೆಲುಗಿನಲ್ಲೂ ಕೆಲ ಕಥೆಗಳನ್ನು ಕೇಳಿದ್ದಾರಂತೆ. ಆದರೆ, ‘ಮೊದಲು ಕನ್ನಡಕ್ಕೆ ಆದ್ಯತೆ ನೀಡುವೆ’ ಎನ್ನುವ ಪ್ರಿಯಾಂಕಾ, ‘‘ಮಹಾನಟಿ’ಯಲ್ಲಿ ಜನ ನನ್ನನ್ನು ಗೆಲ್ಲಿಸಿದ್ದರು. ಬಳಿಕ ‘ಏಳುಮಲೆ’ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಕನ್ನಡದ ಜನತೆಯೇ ನನ್ನನ್ನು ಅಪ್ಪಿಕೊಂಡಿರುವಾಗ ನಾನ್ಯಾಕೆ ಬೇರೆ ಭಾಷೆಗಳಿಗೆ ಹೋಗಲಿ? ಸಿಕ್ಕ ಈ ಪ್ರೀತಿಗಾಗಿಯಾದರೂ, ನಾನು ಕನ್ನಡದಲ್ಲಿಯೇ ಉಳಿಯುವೆ’ ಎನ್ನುತ್ತಾರೆ ಪ್ರಿಯಾಂಕಾ ಆಚಾರ್.