Biffes 17, Anurag Kashyap - ಸಿನಿಮಾಗಳನ್ನು ಸ್ವತಂತ್ರವಾಗಿ ಮಾಡಲಾಗುತ್ತಿಲ್ಲ

Biffes 17, Anurag Kashyap - ಹಿಂದೂ ಪಾತ್ರಗಳನ್ನು ವಿಲನ್​ ಎಂದು ತೋರಿಸುವುದು ರಾಜಕೀಯವಾಗಿ ಸ್ಮೂ ವಿಚಾರವಾಗಿ ಪರಿಣಮಿಸಿದೆ ಮತ್ತು ವಿವಾದಗಳಿಗೆ ಕಾರಣವಾಗುತ್ತದೆ. ಆದರೂ, ಇರಾನ್​ ಅಥವಾ ರಷ್ಯಾದಂತಹ ದೇಶಗಳಲ್ಲಿ ನಿರ್ದೇಶಕರು ನಮಗಿಂತ ಹೆಚ್ಚಿನ ರ್ನಿಬಂಧಗಳ ನಡುವೆಯೂ ಸಿನಿಮಾ ಮಾಡುತ್ತಿದ್ದಾರೆ, ಭಾರತೀಯ ನಿರ್ದೇಶಕರು ಅವರಿಂದ ಸ್ಫೂರ್ತಿ ಪಡೆಯಬೇಕು ಎಂದು ಬಾಲಿವುಡ್​ ನಿರ್ದೇಶಕ ಅನುರಾಗ್​ ಕಶ್ಯಪ್​ ಹೇಳಿದ್ದಾರೆ.

17ನೇ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಶನಿವಾರ ಆಯೋಜಿಸಲಾಗಿದ್ದ "ಫಿಯರ್​ಲೆಸ್​ ಫಿಲ್ಮ್​ ಮೇಕಿಂಗ್​' ಸಂವಾದದಲ್ಲಿ ಮಾತನಾಡಿದರು. ಹಾಗೇ ರಾಜಕೀಯ ಚಿತ್ರಗಳ ಇಂದಿನ ಸ್ಥಿತಿಗತಿ ಮತ್ತು ಭವಿಷ್ಯದ ಬಗ್ಗೆ, "ಹಿಟ್ಲರ್​ ನಿಧನ ಹೊಂದಿದ ಬಳಿಕವಷ್ಟೇ ಜರ್ಮನಿಯಲ್ಲಿ ಆತ ನಡೆಸಿದ ಹತ್ಯಾಕಾಂಡಗಳ ಕುರಿತ ಚಿತ್ರಗಳು ಬಂದವು' ಎಂದು ಮಾರ್ಮಿಕವಾಗಿ ನುಡಿದರು.

ಕನ್ನಡ ಸಾಹಿತ್ಯದ ಬಗ್ಗೆ ತಮಗಿರುವ ಪ್ರೀತಿಯನ್ನು ವ್ಯಕ್ತಪಡಿಸಿದ ಕಶ್ಯಪ್​, ಸಾಹಿತಿ ವಿವೇಕ ಶಾನಭಾಗ ರಚನೆಯ "ಘಾಚರ್​ ಘೋಚರ್​' ಕಾದಂಬರಿ ಆಧರಿಸಿ ಕನ್ನಡ ಚಿತ್ರವೊಂದನ್ನು ನಿರ್ಮಿಸುತ್ತಿರುವುದಾಗಿ ಬಹಿರಂಗಪಡಿಸಿದರು. ಈ ಚಿತ್ರವು ಸದ್ಯ ಬರವಣಿಗೆ ಹಂತದಲ್ಲಿದ್ದು, ಮುಂದೆ ಹಿಂದಿಯಲ್ಲೂ ಬರಲಿದೆ. ಇದರ ನಿರ್ದೇಶಕರು ಮತ್ತು ಕಲಾವಿದರ ವಿವರಗಳನ್ನು ಶ್ರೀದಲ್ಲೆ ಪ್ರಕಟಿಸುವುದಾಗಿ ತಿಳಿಸಿದರು.

ರಣವೀರ್​ ಸಿಂಗ್​ ನಾಯಕತ್ವ, ಆದಿತ್ಯ ಧರ್​ ನಿರ್ದೇಶನದ "ಧುರಂಧರ್​' ಹಿಂದಿ ಚಿತ್ರದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ ಅನುರಾಗ್​, "ಓಪನಿಂಗ್​ ಸನ್ನಿವೇಶ, ಆರ್​. ಮಾಧವನ್​ ಪಾತ್ರದ ಮೋನೋಲಾಗ್​ ಮತ್ತು "ನಯಾ ಭಾರತ್​' ಡೈಲಾಗ್​ ಹೊರತುಪಡಿಸಿ ನನಗೆ ಸಿನಿಮಾ ತುಂಬ ಇಷ್ಟವಾಯಿತು. ಪ್ಯಾನ್​ ಇಂಡಿಯಾ ಚಿತ್ರಗಳಂತೆ ದೊಡ್ಡ ಬಜೆಟ್​ ಕೂಡ ಚಿತ್ರಕ್ಕೆ ಬೇಕಾಗಲಿಲ್ಲ. ₹250 ಕೋಟಿ ಬಜೆಟ್​ನಲ್ಲಿ ಎರಡು ಭಾಗಗಳ ಶೂಟಿಂಗ್​ ಮುಗಿಸಿದ್ದಾರೆ ಎಂದರು.

ಯಶ್​ ನಟಿಸುತ್ತಿರುವ, ಗೀತು ಮೋಹನ್​ದಾಸ್​ ನಿರ್ದೇಶಿಸುತ್ತಿರುವ "ಟಾಕ್ಸಿಕ್​' ಚಿತ್ರದ ಹಸಿಬಿಸಿ ಟೀಸರ್​ ಸಾಕಷ್ಟು ಚರ್ಚೆಗೀಡಾಗಿತ್ತು. ಈ ಬಗ್ಗೆ ಅನುರಾಗ್​, "ಟಾಕ್ಸಿಕ್​' ಒಂದು ಧೈರ್ಯಶಾಲಿ ಪ್ರಯತ್ನ. ಟೀಸರ್​ ವಿರುದ್ಧ ವ್ಯಕ್ತವಾದ ಆಕ್ರೋಶ ನಮ್ಮ ಸಾಂಸ್ಕೃತಿಕ ಬೂಟಾಟಿಕೆಯನ್ನು ತೋರಿಸುತ್ತದೆ. ತೆರೆಯ ಮೇಲೆ ಸಲ್ಮಾನ್​ ಖಾನ್​, ಟೈಗರ್​ ಶ್ರಾಫ್​ನಂತೆ ನಟರು ಶರ್ಟ್​ ಇಲ್ಲದೆ ಕಾಣಿಸಿಕೊಂಡರೆ ಅಥವಾ ಅತಿಯಾದ ಪೌರುಷ ತೋರಿಸಿದರೆ ಯಾರೂ ಪ್ರಶ್ನಿಸುವುದಿಲ್ಲ. ಆದರೆ ಒಬ್ಬ ಮಹಿಳೆ ತನ್ನ ಲೈಂಗಿಕತೆಯನ್ನು ಆಚರಿಸಿದರೆ ಅದನ್ನು ಒಪ್ಪಲು ಕಷ್ಟವಾಗುತ್ತದೆ ಎಂದರು.

ಸಿನಿಮಾ ಮತ್ತು ಪ್ರೇಕ್ಷಕರ ಮೇಲೆ ಸಾಮಾಜಿಕ ಜಾಲತಾಣ ಮತ್ತು ಮೊಬೈಲ್​ಗಳ ಪರಿಣಾಮದ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಅನುರಾಗ್​, "ಸಾಮಾಜಿಕ ಜಾಲತಾಣಗಳು ಸಿನಿಮಾ ನಿರ್ದೇಶಕರನ್ನು ಆತಂಕಕ್ಕೀಡು ಮಾಡಿವೆ. ಅದರಲ್ಲಿನ ಪ್ರತಿಕ್ರಿಯೆ ವೇಗವಾಗಿರುತ್ತದೆ. ತೀರ್ಪಿನಂತಿರುತ್ತದೆ. "ಹಕ್​' ಚಿತ್ರ ಬಿಡುಗಡೆಗೂ ಮುನ್ನವೇ, ಅದನ್ನು ನೋಡದೇ ಅದನ್ನು ತುಂಬ ಜನ ವಿರೋಧಿಸಿದ್ದರು. ನಂತರ ಒಟಿಟಿಯಲ್ಲಿ ನೋಡಿದ ಬಳಿಕ ವಿರೋಧಿಸಿದ್ದವರು ಮೌನಕ್ಕೆ ಶರಣಾದರು' ಎಂದು ಹೇಳಿದರು.

ಮಲಯಾಳಂ ನಿರ್ದೇಶಕ ಮಹೇಶ್​ ನಾರಾಯಣನ್​, "ದ ಗರ್ಲ್​್ರೆಂಡ್​' ಖ್ಯಾತಿಯ ನಿರ್ದೇಶಕ ರಾಹುಲ್​ ರವೀಂದ್ರನ್​, "ಪಾನ್​ ಸಿಂಗ್​ ತೋಮರ್​', "ನೋ ಒನ್​ ಕಿಲ್ಡ್​ ಜೆಸಿಕಾ', "ಬೈಸನ್​ - ಕಾಳಮಾದನ್​' ನಿರ್ಮಾಪಕಿ ಅದಿತಿ ಆನಂದ್​ ಜತೆ ಸಂವಾದಗಳು ಇರಲಿವೆ. ಹಾಗೇ ಕನ್ನಡದ "ವನ್ಯ', "ರಾವಣ ರಾಜ್ಯದಲ್ಲಿ ನವದಂಪತಿಗಳು', "ಖಾಲಿ ಪುಟ', "ಸು ಫ್ರಮ್​​ ಸೋ', "ನಮ್​ ಸಾಲಿ', "ಅಮ್ಮಂಗ್​ ಹೇಳ್ಬೇಡ', "ಕೂರ್ಮಾವತಾರ', "ಅಮರಶಿಲ್ಪಿ ಜಕ್ಕಣಾಚಾರಿ' ಸೇರಿ ದೇಶ ವಿದೇಶಗಳ 50ಕ್ಕೂ ಹೆಚ್ಚು ಸಿನಿಮಾಗಳ ಸ್ಕ್ರೀನಿಂಗ್​ ಇರಲಿದೆ.