ಯಶ್​ 'ಟಾಕ್ಸಿಕ್'​ ಇನ್ನೊಂದು 'ಕೆಜಿಎಫ್'​ ಆಗೋದಿಲ್ಲ! ಸೋಲಿಗೆ ಕಾರಣ ತಿಳಿಸಿ ಸ್ಫೋಟಕ ಭವಿಷ್ಯ ನುಡಿದ ಖ್ಯಾತ ಜ್ಯೋತಿಷಿ

ಬೆಂಗಳೂರು: ಸ್ಯಾಂಡಲ್​ವುಡ್​ನ ರಾಕಿಂಗ್​ ಸ್ಟಾರ್,​ ನಟ ಯಶ್ ಅಭಿನಯದ ಹಾಗೂ ಮಾಲಿವುಡ್​ ನಿರ್ದೇಶಕಿ ಗೀತು ಮೋಹನ್ ದಾಸ್ ನಿರ್ದೇಶನದ ಬಹುನಿರೀಕ್ಷಿತ 'ಟಾಕ್ಸಿಕ್: ಎ ಫೇರಿಟೇಲ್ ಫಾರ್ ಗ್ರೋನ್ ಅಪ್ಸ್' (Toxic) ಚಿತ್ರದ ಹವಾ ಸದ್ಯ ಭಾರತೀಯ ಚಿತ್ರೋದ್ಯಮದಲ್ಲಿ ಜೋರಾಗಿದೆ. ಈಗಾಗಲೇ ಸಿನಿಮಾದ ಟೀಸರ್​ನಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಆದ ವಿವಾದಗಳು ಒಂದೆರೆಡಲ್ಲ. ಚಿತ್ರದಲ್ಲಿ ಒಂದಷ್ಟು ಹಸಿಬಿಸಿ ದೃಶ್ಯಗಳನ್ನು ತೋರಿಸಲಾಗಿದೆ ಎಂಬ ಗಂಭೀರ ಆರೋಪಗಳು ಕೂಡ ಕೇಳಿಬಂದಿವೆ.

ಟೀಸರ್​ನಲ್ಲಿ ತೋರಿಸಲಾದ ಹಸಿಬಿಸಿ ದೃಶ್ಯಗಳು ವ್ಯಾಪಕ ಟೀಕೆ, ಅಸಮಾಧಾನಕ್ಕೆ ಗುರಿಯಾಗಿದೆ. ಈ ನಿಟ್ಟನಲ್ಲಿ, ಹಲವರು ಸಿನಿಮಾ ಹೇಗಿರಬಹುದು ಎಂಬುದನ್ನು ತಮಗೆ ಅನಿಸಿದಂತೆ ಹೇಳಲಾರಂಭಿಸಿದ್ದಾರೆ. ಕೆಲವರು ಟೀಸರ್​ನಲ್ಲಿದ್ದ ದೃಶ್ಯ ಕಂಡು ಚಿತ್ರವನ್ನು ಹಾಲಿವುಡ್​ ಲೆವೆಲ್​ಗೆ ಮಾಡಲಾಗಿದೆ. ಅಲ್ಲಿ ತೋರಿಸುವಂತೆಯೇ ಕೆಟ್ಟ ಸೀನ್​ಗಳನ್ನು ಇಲ್ಲಿಯೂ ತೋರಿಸಿದ್ದಾರೆ ಎಂದೆಲ್ಲ ಅಭಿಪ್ರಾಯಿಸಿದ್ದಾರೆ. ಸಿನಿಮಾದ ಬಿಡುಗಡೆಗೂ ಮೊದಲೇ ಸಾಕಷ್ಟು ನೆಗೆಟಿವ್ ಕಮೆಂಟ್ಸ್​ ಕೇಳಿಬಂದಿರುವುದು ಚಿತ್ರದ ಯಶಸ್ಸಿನ ಮೇಲೆ ಪರಿಣಾಮ ಬೀರಬಹುದೇ ಎಂಬ ಪ್ರಶ್ನೆಗಳು ಮೂಡಿವೆ.

ಮಾ.19ಕ್ಕೆ ಯಶ್​ 'ಟಾಕ್ಸಿಕ್'​ ತೆರೆಗೆ ಬರಲು ಸಿದ್ಧವಾಗಿದ್ದು, ನಟನ ಅಭಿಮಾನಿಗಳು ಹಾಗೂ ಸಿನಿಪ್ರಿಯರಲ್ಲಿ ತೀವ್ರ ಕುತೂಹಲ ಕೆರಳಿದೆ. ಮತ್ತೊಂದೆಡೆ, ಸಾಮಾಜಿಕ ಜಾಲತಾಣದಲ್ಲಿ ಅಚ್ಚರಿ ಎಂಬಂತೆ ತಮ್ಮ ಭವಿಷ್ಯ ನುಡಿಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಜ್ಯೋತಿಷಿ ಪ್ರಶಾಂತ್ ಕಿನಿ, ರಾಕಿಂಗ್ ಸ್ಟಾರ್​ ಯಶ್​ ಅಭಿನಯದ 'ಟಾಕ್ಸಿಕ್'​ ಇನ್ನೊಂದು 'ಕೆಜಿಆಫ್' ಆಗುವುದಿಲ್ಲ ಎಂದಿದ್ದಾರೆ. ಇದಕ್ಕೆ ಕಾರಣ ಕೂಡ ತಿಳಿಸಿದ್ದಾರೆ.

ಕೆಜಿಎಫ್​ ಮುಂದಿಟ್ಟು ಮಾಡಿದ್ದ ವ್ಯಕ್ತಿಯೊಬ್ಬರ ಟ್ವೀಟ್​ ಮೇಲೆ ಭವಿಷ್ಯ ನುಡಿದ ಕಿನಿ, 'ಟಾಕ್ಸಿಕ್'​ ಇನ್ನೊಂದು 'ಕೆಜಿಆಫ್' ಆಗುವುದಿಲ್ಲ. ವಿತರಕರು, ಯಶ್ ಅವರ ಕ್ರೆಡಿಬಲಿಟಿ, ಬಿಗ್ ಬಜೆಟ್, ವಿಲಕ್ಷಣ, ವಯಸ್ಕರ ಕಂಟೆಂಟ್​, ಭವ್ಯತೆ, ಸ್ಟಾರ್​ಡಮ್​ ಸಕ್ಸಸ್​ ಅನ್ನು ಗ್ಯಾರಂಟಿ ಮಾಡೋದಿಲ್ಲ ಎಂದು ತಮ್ಮ ಟ್ವೀಟ್​ನಲ್ಲಿ ಹೇಳಿದ್ದಾರೆ. ಹಲವರು ಇದಕ್ಕೆ ಕಮೆಂಟ್​ ಮಾಡಿದ್ದು, ಮಿಶ್ರ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.

2026ರ ಮಾರ್ಚ್ 19ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ರಿಲೀಸ್​ಗೆ ಸಜ್ಜಾಗಿರುವ 'ಟಾಕ್ಸಿಕ್'​ ಚಿತ್ರದಲ್ಲಿ ದೊಡ್ಡ ತಾರಾಬಳಗವೇ ಇದೆ. ಆ್ಯಕ್ಷನ್-ಥ್ರಿಲ್ಲರ್ ಸಿನಿಮಾದಲ್ಲಿ ಯಶ್​, ಕಿಯಾರಾ ಅಡ್ವಾಣಿ, ನಯನತಾರಾ, ರುಕ್ಮಿಣಿ ವಸಂತ್, ಹುಮಾ ಖುರೇಷಿ, ತಾರಾ ಸುತಾರಿಯಾ, ಥೋವಿನೋ ಥಾಮಸ್​, ಅಕ್ಷಯ್​ ಓಬ್​ರಾಯ್​ ಸೇರಿದಂತೆ ಹಲವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ,(ಏಜೆನ್ಸೀಸ್).