Sanjana Anand Interview - "ಕೆಮಿಸ್ಟ್ರಿ ಆಫ್ ಕರಿಯಪ್ಪ', "ಸಲಗ', "ರಾಯಲ್', "ಎಕ್ಕ' ಚಿತ್ರಗಳ ಖ್ಯಾತಿಯ ನಟಿ ಸಂಜನಾ ಆನಂದ್ ಇದೀಗ "ಹಯಗ್ರೀವ' ಚಿತ್ರದಲ್ಲಿ "ಬಜಾರ್', "ಬೈಟೂ ಲವ್', "ವಾಮನ', "ಕೈವ' ನಟ ಧನ್ವೀರ್ ಗೌಡಗೆ ನಾಯಕಿಯಾಗಿದ್ದಾರೆ. ರಘು ಕುಮಾರ್ ಚೊಚ್ಚಲ ಬಾರಿಗೆ ಆ್ಯಕ್ಷನ್-ಕಟ್ ಹೇಳಿರುವ ಈ ಕ್ರೈಮ್ ಮಿಸ್ಟರಿ ಥ್ರಿಲ್ಲರ್ ಇದೇ 27ರಂದು ರಾಜ್ಯಾದ್ಯಂತ ತೆರೆಗೆ ಬರಲಿದೆ. ಇದೇ ಖುಷಿಯಲ್ಲಿ ವಿಜಯವಾಣಿ ಜತೆ ಮಾತಿಗೆ ಸಿಕ್ಕಿದ್ದ ಅವರು, "ಹಯಗ್ರೀವ' ಚಿತ್ರ, ಪಾತ್ರದ ಬಗ್ಗೆ, "ಹೊಸ ಪರಿಕಲ್ಪನೆಯ ವಿಭಿನ್ನ ಕಥೆಯಿದು. ನಾನಿಲ್ಲಿ ಎರಡು ಶೇಡ್ಗಳಿರುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಒಂದು ಲುಕ್ನಲ್ಲಿ ಕಾಲೇಜ್ ವಿದ್ಯಾರ್ಥಿನಿಯಾಗಿದ್ದರೆ, ಮತ್ತೊಂದು ಲುಕ್ನಲ್ಲಿ ವೈದ್ಯೆಯಾಗಿರುವ ನಾಯಕ ಅರ್ಜುನ್ ಹಯಗ್ರೀವನ (ಧನ್ವೀರ್) ಪತ್ನಿಯಾಗಿದ್ದೇನೆ. ವೈದ್ಯಕಿಯ ವಿಷಯಕ್ಕೆ ಸಂಬಂಧಿಸಿದ ಕಥೆಯಿದು. ಬಹುತೇಕ ಗಂಭೀರವಾಗೇ ಸಾಗುವ ಕೆಮ್ ಮಿಸ್ಟರಿ ಥ್ರಿಲ್ಲರ್ ಸ್ಟೋರಿಯಲ್ಲಿ ಒಂದು ತುಂಟತನ, ಫನ್ ತರುವ ಪಾತ್ರ ನನ್ನದು. ಹಾಗಂತ ಹಾಗೆ ಬಂದು ಹೀಗೆ ಹೋಗುವ ರೋಲ್ ಅಲ್ಲ. ಸಿನಿಮಾದಾದ್ಯಂತ ಕ್ಯಾರಿ ಆಗುವ ಪಾರ್ಮೆನ್ಸ್ಗೆ ತುಂಬ ಮಹತ್ವವಿರುವ ಪಾತ್ರ. ಅಷ್ಟೇ ಯಾಕೆ ಕಥೆ ಮುಗಿಯುವುದೇ ನನ್ನ ಪಾತ್ರದ ಜತೆ' ಎಂದು ಮಾಹಿತಿ ನೀಡುತ್ತಾರೆ. ಧನ್ವೀರ್, ಸಂಜನಾ ಜತೆ ಶರತ್ ಲೋಹಿತಾಶ್ವ, ಸಾಧು ಕೋಕಿಲ, ರಮೇಶ್ ಭಟ್, ಶೋಭರಾಜ್, ಗಿಲ್ಲಿ ನಟ, ಅಶ್ವಿನಿ ಗೌಡ, ಸಂಗೀತಾ, ಕೃಷ್ಣ ಹೆಬ್ಬಾಳೆ ಪ್ರಮುಖ ತಾರಾಗಣದಲ್ಲಿದ್ದಾರೆ.
_1771516603331.webp?w=480&auto=format%2Ccompress&fit=max)
