ಶಿವಣ್ಣ ಲಾಂಗ್ ಹಿಡಿದು ವೈರಿಗಳನ್ನ ಅಟ್ಟಾಡಿಸಿಕೊಂಡು ಹೊಡೆಯೋದನ್ನ ಸಿನಿಮಾಗಳಲ್ಲಿ ನೋಡಿದ್ದೇವೆ. ಲಾಂಗ್ ಹಿಡಿದು ನಿಂತರೆ ಆ ಗತ್ತು ಗಮತ್ತೇ ಬೇರೆ.. ಅದೇ ಶಿವಣ್ಣನ ಕೈಗೆ ಬ್ಯಾಟ್ ಸಿಕ್ಕರೆ ಏನಾಗಬಹುದು? ಹೌದು, ಸಿನಿಮಾಗಳಲ್ಲಿ ಲಾಂಗ್ ಬೀಸುವುದರಲ್ಲಿ ಶಿವಣ್ಣ ಎಷ್ಟು ನಿಸ್ಸಿಮರೋ, ಕೈಯಲ್ಲಿ ಕ್ರಿಕೆಟ್ ಬ್ಯಾಟ್ ಸಿಕ್ಕರೆ, ಪ್ರತಿ ಬಾಲ್ ಸಹ ಸಿಕ್ಸರ್.. ಮೊದಲಿನಿಂದಲೂ ಹ್ಯಾಟ್ರಿಕ್ ಹೀರೋ ಶಿವಣ್ಣನಿಗೆ ಕ್ರಿಕೆಟ್ ಅಂದ್ರೆ ಇಷ್ಟ. ಚೂರು ಸಮಯ ಸಿಕ್ಕರೆ ಸಾಕು ಕ್ರಿಕೆಟ್ ಫೀಲ್ಡಿಗಿಳಿದು ಬಿಡುತ್ತಾರೆ. ಅದು ಸಿನಿಮಾ ಸೆಟ್ ಆಗಿರಲಿ ಅಥವಾ ಮನೆಯಲ್ಲಿಯೇ ಇರಲಿ. ಇದೀಗ ಶಿವಣ್ಣನ ಬ್ಯಾಟಿಂಗ್ ಮತ್ತು ಬೌಲಿಂಗ್ ಖದರ್ ಹೇಗಿರುತ್ತದೆ ಎಂಬುದಕ್ಕೆ ಇಲ್ಲೊಂದಿಷ್ಟು ಫೋಟೋಗಳು ಸಿಕ್ಕಿವೆ. ನೋಡಿ..
ಚಿತ್ರಕೃಪೆ: ಚಂದನ್ ಗೌಡ ಫೋಟೋಗ್ರಾಫಿ
