ಸೈಫ್​ ಅಲಿ ಖಾನ್​ ದಾಳಿ ಬಳಿಕ ಮಗ ತೈಮೂರ್​ನನ್ನು ಆಸ್ಪತ್ರೆಗೆ ಕರೆದೋಯ್ದಿದ್ದ ಏಕೆ?; ಪಟೌಡಿಯ ನವಾಬ್ ಹೇಳಿದ್ದೇನು? | Saif Ali Khan

ಮುಂಬೈ: ಬಾಲಿವುಡ್​ ನಟ ಸೈಫ್​ ಅಲಿ ಖಾನ್(Saif Ali Khan)​​ ಮೇಲೆ ಜನವರಿ 16ರಂದು ಅವರ ಬಾಂದ್ರಾ ನಿವಾಸದಲ್ಲಿ ದಾಳಿ ನಡೆದದ್ದು, ಬಳಿಕ ಲೀಲಾವತಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆಯನ್ನು ಪಡೆದ ಡಿಶ್ಚಾರ್ಜ್​ ಆಗಿದ್ದು ಗೊತ್ತೆ ಇದೆ. ಈ ಭೀಕರ ದಾಳಿಯ ಹಾಗೂ ಆ ಸಮಯದಲ್ಲಿನ ಹಲವಾರು ವಿಷಯಗಳನ್ನು ಖಾಸಗಿ ವಾಹಿನಿಯಲ್ಲಿ ಸ್ವತಃ ಸೈಫ್ ಅಲಿ ಖಾನ್​ ಅವರೇ ಬಹಿರಂಗಪಡಿಸಿದ್ದಾರೆ.

ಇದನ್ನು ಓದಿ: ಮತ್ತೆ ಮತ್ತೆ ವಿಚ್ಛೇದನ ಪಡೆಯಲು ಸಾಧ್ಯವಿಲ್ಲ; ಸಾಕಷ್ಟು ಹಣವಿಲ್ಲ ಎಂದಿದ್ದೇಕೆ Saif Ali Khan

ದಾಳಿಕೋರನು ಮನೆಕೆಲಸಗಾರರ ಮೇಲೆ ದಾಳಿ ಮಾಡಿದ್ದಲ್ಲದೆ ಸೈಫ್ ಮಧ್ಯಪ್ರವೇಶಿಸಲು ಪ್ರಯತ್ನಿಸಿದಾಗ ಅವರ ಮೇಲೂ ಹಲವು ಬಾರಿ ಇರಿದಿದ್ದಾನೆ. ಘಟನೆಯ ಬಗ್ಗೆ ಮಾತನಾಡಿದ ಸೈಫ್ ಅಲಿ ಖಾನ್​​​ ಅವರ ಕುಟುಂಬ ಹೇಗೆ ಪ್ರತಿಕ್ರಿಯಿಸಿತು ಎಂಬುದರ ಕುರಿತು ಎಲ್ಲವನ್ನೂ ಸ್ಪಷ್ಟವಾಗಿ ಹೇಳಿದ್ದಾರೆ. ದಾಳಿಯ ಸಮಯದಲ್ಲಿ ಯಾರು ಇದ್ದರು ಮತ್ತು ಅವರ ಪತ್ನಿ ಕರೀನಾ ಅವರೊಂದಿಗೆ ಆಸ್ಪತ್ರೆಗೆ ಹೋಗುವ ಬದಲು ಎಲ್ಲಿಗೆ ಹೋಗಿದ್ದರು ಎಂಬುದರ ಕುರಿತು ಸೈಫ್ ಮುಕ್ತವಾಗಿ ಮಾತನಾಡಿದ್ದಾರೆ.

ಆರಂಭದಲ್ಲಿ ತೈಮೂರ್ ದಾಳಿಕೋರನನ್ನು ಕ್ಷಮಿಸಬೇಕೆಂದುಕೊಂಡಿದ್ದ. ನಾನು ಕೂಡ ಹೌದು ಎಂದುಕೊಂಡಿದ್ದೆ ಆದರೆ ದಾಳಿ ಎಷ್ಟು ಗಂಭೀರವಾಗಿದೆ ಎಂದು ಅರಿತುಕೊಂಡಾಗ ನನ್ನ ವರ್ತನೆ ಬದಲಾಯಿತು ಎಂದು ಹೇಳಿದರು. ದಾಳಿಯ ಬಳಿಕ ತೈಮೂರ್ ನನ್ನನ್ನು ಸಾಯುತ್ತೀರಾ ಎಂದು ಕೇಳಿದ್ದಾಗಿ ತಿಳಿಸಿದರು. ನನಗೆ ದಾಳಿಯ ನಂತಯ ಯಾವುದು ನೋವು ಅನಿಸಲಿಲ್ಲ ಎಂದು ಹೇಳಿದರು.

ಇದೇ ಸಮಯದಲ್ಲಿ ಸೈಫ್​ ಅಲಿ ಖಾನ್​​​ ತನ್ನ ಎಂಟು ವರ್ಷದ ಮಗ ತೈಮೂರ್​​​ ತನ್ನೊಂದಿಗೆ ಆಸ್ಪತ್ರೆಗೆ ಹೋಗಿದ್ದೇಕೆ ಎಂಬುದನ್ನು ಹೇಳಿದರು. ರಕ್ತದಲ್ಲಿ ತೊಯ್ದಿದ್ದ ನನ್ನನ್ನು ನೋಡಿದರೂ ಅವನು (ತೈಮೂರ್) ತುಂಬಾ ಶಾಂತವಾಗಿದ್ದನು. ಅವನು ಚೆನ್ನಾಗಿದ್ದನು. ಅವನು 'ನಾನು ನಿಮ್ಮೊಂದಿಗೆ ಬರುತ್ತಿದ್ದೇನೆ' ಎಂದು ಹೇಳಿದನು. ಏನಾದರೂ ಸಂಭವಿಸಿದರೆ, ಅವನನ್ನು ನೋಡುವುದು ಆ ಸಮಯದಲ್ಲಿ ನನಗೆ ನಿರಾಳ ಎನ್ನಿಸುತಿತ್ತು. ನಾನು ಒಬ್ಬಂಟಿಯಾಗಿ ಆಸ್ಪತ್ರೆಗೆ ಹೋಗಲು ಬಯಸಲಿಲ್ಲ ಎಂದು ಸೈಫ್ ಹೇಳಿದರು.

ನನ್ನ ಹೆಂಡತಿಯೂ ಸಹ ಅವನು ನನಗಾಗಿ ಏನು ಮಾಡುತ್ತಾನೆಂದು ತಿಳಿದು ಅವನನ್ನು ಕಳುಹಿಸಿದಳು. ಬಹುಶಃ ಅದು ಆ ಸಮಯದಲ್ಲಿ ಕರೆದುಕೊಂಡುಹೋಗಬಾರದಿತ್ತು. ಆದರೆ ಅದು ಸರಿಯಾದ ನಿರ್ಧಾರವಾಗಿತ್ತು, ನನಗೆ ಅದರ ಬಗ್ಗೆ ಒಳ್ಳೆಯದೆನಿಸಿತು. ದೇವರು ನಿಷೇಧಿಸಿದರೆ, ಏನಾದರೂ ಸಂಭವಿಸಿದರೆ ನಾನು ಅವನು ಅಲ್ಲಿ ಇರಬೇಕೆಂದು ಬಯಸುತ್ತೇನೆ ಎಂದು ನಾನು ಭಾವಿಸಿದೆ. ಅವನು ಕೂಡ ಅಲ್ಲಿ ಇರಬೇಕೆಂದು ಬಯಸಿದನು. ಹಾಗಾಗಿ ನಾವು ಅಂದರೆ ತೈಮೂರ್​, ನಾನು ಮತ್ತು ಹರಿ ರಿಕ್ಷಾದಲ್ಲಿ ಹೋದೆವು ಎಂದು ಸೈಫ್​ ಹೇಳಿದರು.

ಇದೇ ಸಮಯದಲ್ಲಿ ಕರೀನಾ ಆಸ್ಪತ್ರೆಗೆ ಬರಲು ಏಕೆ ಸಾಧ್ಯವಾಗಲಿಲ್ಲ ಎಂಬುದನ್ನು ಸ್ಪಷ್ಟವಾಗಿ ವಿವರಿಸಿದರು. ಅವರ ಪತ್ನಿ ಕರೀನಾ ಕಪೂರ್​​ ಕಿರಿಯ ಮಗ ಜೆಹ್ ಅವರನ್ನು ಸುರಕ್ಷಿತವಾಗಿಡಲು ತನ್ನ ಸಹೋದರಿ ಕರಿಷ್ಮಾ ಕಪೂರ್ ಮನೆಗೆ ಕರೆದೊಯ್ದರು ಎಂದು ಹೇಳಿದರು.

ಸೈಫ್​ ಅಲಿ ಖಾನ್​ ನಟನೆಯ ಜ್ಯುವೆಲ್ ಥೀಫ್ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಅವರು ದರೋಡೆಕೋರನ ಪಾತ್ರವನ್ನು ನಿರ್ವಹಿಸಲಿದ್ದು, ಈ ವರ್ಷದ ಕೊನೆಯಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.(ಏಜೆನ್ಸೀಸ್​​)

https://www.vijayavani.net/saif-ali-khan-kareena-kapoor-step-out-for-the-first-time-since-attack