ಆಸ್ಟ್ರೇಲಿಯನ್ ವೈಟ್ ಶೀಪ್ ಕುರಿಯ ತಳಿ ತುಂಬಾ ವಿಶೇಷ ತಳಿಯಾಗಿದೆ , ಇದಕ್ಕೆ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆ ಇದೆ. ಇದಕ್ಕೆ ಕಾರಣವೇನೆಂದರೆ, ಈ ತಳಿಯ ಕುರಿಗಳಲ್ಲಿ ತುಪ್ಪಳವು (ಉಣ್ಣೆ) ಕಡಿಮೆ ಪ್ರಮಾಣದಲ್ಲಿ ಕಂಡುಬರುತ್ತದೆ. ಕಳೆದ ಕೆಲ ವರ್ಷಗಳಿಂದ, ಕುರಿಗಳಿಂದ ಉಣ್ಣೆ ತೆಗೆಯುವ ಸಂಖ್ಯೆ ತುಂಬಾ ಕಡಿಮೆಯಾಗಿದೆ. ಉಣ್ಣೆ ತೆಗೆಯುವ ಪ್ರಕ್ರಿಯೆಯು ತುಂಬಾ ದುಬಾರಿಯಾಗಿರುವ ಕಾರಣ ಅದಕ್ಕೆ ಬೆಲೆ ಇಲ್ಲ. ಆದರೆ ಈ ತಳಿಯ ಕುರಿಗಳಲ್ಲಿ ಉಣ್ಣೆ ಕಡಿಮೆ ಇರುವ ಕಾರಣ, ಮಾಂಸಕ್ಕಾಗಿ ಬಳಸಲಾಗುತ್ತದೆ. ಮಾಂಸವು ಕೂಡ ಅಷ್ಟೇ ರುಚಿಕರವಾಗುತ್ತದೆ ಎಂದು ಮಾಧ್ಯಮಗಳೊಂದಿಗೆ ಮಾತನಾಡಿದ ಸ್ಟೀವ್ ಹೇಳಿದರು. ಅಷ್ಟೇ ಅಲ್ಲದೇ ಕುರಿಗಳು ಕೂಡ ಸಾಮಾನ್ಯ ಕುರಿಗಳಿಗಿಂತ ವೇಗವಾಗಿ ಬೆಳವಣಿಗೆ ಹೊಂದುವ ಕಾರಣ ಇದರ ಸಂತತಿ ಕೂಡ ಶೀಘ್ರ ಬೆಳೆಯುತ್ತದೆ.
