70 ವರ್ಷಗಳ ನಂತರ ಮಹಿಳೆಗೆ ಗಲ್ಲುಶಿಕ್ಷೆ- ಅಮೆರಿಕದಲ್ಲಿ ಹೀಗೊಂದು ಪ್ರಕರಣ...

ವಾಷಿಂಗ್ಟನ್: ಅಪಹರಣ ಮತ್ತು ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಮೆರಿಕ ಮಹಿಳೆಯೊಬ್ಬರನ್ನು ಗಲ್ಲು ಶಿಕ್ಷೆ ವಿಧಿಸಿದೆ. ಈ ಶಿಕ್ಷೆ ಇಷ್ಟು ಸುದ್ದಿಯಾಗಲು ಕಾರಣ, ಸುಮಾರು 70 ವರ್ಷಗಳ ಬಳಿಕ ಮಹಿಳೆಯೊಬ್ಬರು ಮರಣದಂಡನೆಗೆ ಒಳಗಾಗುತ್ತಿದ್ದಾಳೆ.

ಲೀಸಾ ಮಾಂಟಾಗೋಮೇರಿ ಎಂಬ 52 ವರ್ಷದ ಪಾತಕಿಗೆ ಈ ಶಿಕ್ಷೆ ವಿಧಿಸಲಾಗಿದೆ. ಈ ಮೂಲಕ, 1953ರ ನಂತರ ಅಮೆರಿಕದಲ್ಲಿ ಮೊದಲ ಬಾರಿಗೆ ಮಹಿಳೆಗೆ ಗಲ್ಲುಶಿಕ್ಷೆ ನೀಡಲಾಗಿದೆ.

2007ರಲ್ಲಿ ಎಂಟು ತಿಂಗಳ ಗರ್ಭಿಣಿಯೊಬ್ಬರನ್ನು ಅಪಹರಿಸಿ ಅವರ ಗರ್ಭವನ್ನು ಸೀಳಿ ಹತ್ಯೆಗೈಯುವಂಥ ಮಹಾ ನೀಚ ಕೃತ್ಯವನ್ನು ಮಾಡಿದ್ದಳು ಲೀಸಾ.

ಈಕೆಯ ಈ ಕೃತ್ಯಕ್ಕೆ ಬಲಿಯಾದ ಗರ್ಭಿಣಿ. ಬಾಬಿ ಜೋ ಸ್ಟಿನ್ನೆಟ್​. ಅದರೆ ಅಚ್ಚರಿ ಎಂದರೆ ಬಾಬಿ ಈಕೆಯ ಕೃತ್ಯದಿಂದಾಗಿ ಭೀಕರವಾಗಿ ಮೃತಪಟ್ಟಿದ್ದರೂ ಆಕೆಯ ಮಗು ಬದುಕುಳಿದಿತ್ತು.

2007ರಲ್ಲಿ ಈ ಪ್ರಕರಣದ ವಿಚಾರಣೆ ನಡೆಸಿದ್ದ ಫೆಡರಲ್ ಜ್ಯೂರಿ ಅವಿರೋಧವಾಗಿ ಲೀಸಾಗೆ ಗಲ್ಲುಶಿಕ್ಷೆ ವಿಧಿಸಲು ಶಿಫಾರಸು ಮಾಡಿತ್ತು. ಇದನ್ನು ಮಿಸೌರಿ ಜಿಲ್ಲಾ ಕೋರ್ಟ್​ನಲ್ಲಿ ಲೀಸಾ ಪ್ರಶ್ನಿಸಿದ್ದಳು. ಶಿಕ್ಷೆಯನ್ನು ಇದೀಗ ಕಾಯಂ ಮಾಡಿರುವುದಾಗಿ ನ್ಯಾಯಾಂಗ ಇಲಾಖೆ ತಿಳಿಸಿದೆ.

ಗಲ್ಲು ಶಿಕ್ಷೆಯ ಕುರಿತಂತೆ ಸಾಕಷ್ಟು ಪರ-ವಿರೋಧ ಚರ್ಚೆಗಳು ನಡೆದ ನಂತರ ಈ ಶಿಕ್ಷೆಯನ್ನು ಕಾಯಂ ಮಾಡಲಾಗಿದೆ ಎಂದು ನ್ಯಾಯಾಂಗ ಇಲಾಖೆ ಹೇಳಿದೆ.

ಮೊದಲು ಈಕೆಗೆ ಇಂಡಿಯಾನಾದ ಟೆರ್ರೆ ಹೌಟೆಯಲ್ಲಿರುವ ನ್ಯಾಯಾಂಗ ಇಲಾಖೆಯಲ್ಲಿನ ಕಾರಾಗೃಹದಲ್ಲಿ ಲೇಥಾಲ್ ಇಂಜೆಕ್ಷನ್ ನೀಡಿ ಸಾಯಿಸಲು ನಿರ್ಧರಿಸಲಾಗಿತ್ತು. ಆದರೆ ಫೆಡರಲ್ ಜ್ಯೂರಿ ಮರಣದಂಡನೆ ಸೂಕ್ತ ಎಂದು ಶಿಫಾರಸು ಮಾಡಿದೆ.

https://www.vijayavani.net/s-facebook-up-friend-blore-youth-story/

https://www.vijayavani.net/s-maharashtra-minister-denies-charges/

https://www.vijayavani.net/food-habits-in-day-to-day-life/

https://www.vijayavani.net/s-birdflue-mahendrasingh-dhoni-in-tension/