ವ್ಹಾರೆವ್ಹಾ! ನೀರಿನಾಳದಲ್ಲಿ ಎಂತೆಂಥ ಅದ್ಭುತ ನೃತ್ಯ ನೋಡಿ...

ಕರೊನಾದ ಈ ಸಮಯದಲ್ಲಿ ಎಲ್ಲರೂ ಆತಂಕದಲ್ಲಿಯೇ ಬದುಕುವಂತಾಗಿದೆ. ಈ ನಡುವೆಯೇ ಕೆಲವರು ಮಾತ್ರ ಇದೇ ಸಮಯದಲ್ಲಿ ವಿಶಿಷ್ಟ ರೀತಿಯ ಪ್ರತಿಭೆಗಳಿಂದ ಜನರನ್ನು ಉಲ್ಲಾಸಭರಿತರನ್ನಾಗಿ ಮಾಡುವಲ್ಲಿ ನಿರತರಾಗಿದ್ದಾರೆ. ಅಂಥದ್ದರಲ್ಲಿ ಒಂದು ಈ ನೃತ್ಯ.

ನೀರಿನೊಳಗೆ ನೃತ್ಯ ಮಾಡುವ ಮೂಲಕ ಜಯದೀಪ್ ಗೋಹಿಲ್ ಎಂಬ ಯುವಕ ಎಲ್ಲರ ಹುಬ್ಬೇರಿಸಿದ್ದಾನೆ. ತನ್ನ ಇನ್​ಸ್ಟಾಗ್ರಾಂನಲ್ಲಿ ನೃತ್ಯವನ್ನು ಅಪ್​ಲೋಡ್ ಮಾಡಿರುವ ಯುವಕನಿಗೆ ಇದಾಗಲೇ ಸಹಸ್ರಾರು ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ತಮ್ಮನ್ನು ತಾವು ಭಾರತದ ಮೊದಲ ಅಂಡರ್​ವಾಟರ್​ ಡಾನ್ಸರ್​ ಎಂದು ಕರೆಸಿಕೊಂಡಿರುವ ಈ ಯುವಕ, ಬಾಲಿವುಡ್​ನ ಹಲವು ಖ್ಯಾತನಾಮರ ನೃತ್ಯಕ್ಕೆ ನೀರಿನೊಳಗೇ ನೃತ್ಯ ಮಾಡುವ ಮೂಲಕ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದಾರೆ.

ಇವರ ಅಂಡರ್​ವಾಟರ್​ ನೃತ್ಯದ ಪುಟಕ್ಕೆ ಸುಮಾರು 3 ಲಕ್ಷ ಫಾಲೋವರ್ಸ್​ ಇದ್ದಾರೆ. ಬಾಲಿವುಡ್​ ತಾರೆಯರಾದ ಹೃತಿಕ್​ ರೋಷನ್​ ಸೇರಿದಂತೆ ಹಲವು ಮಂದಿ ಕೂಡ ಇವರ ನೃತ್ಯವನ್ನು ಮೆಚ್ಚಿ ಫೇಸ್​ಬುಕ್​ನಲ್ಲಿ ಫಾಲೋವರ್​ ಆಗಿದ್ದಾರೆ.

ಜಯದೀಪ್ ಗೋಹಿಲ್ ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಅಪ್​ಲೋಡ್​ ಮಾಡಿರುವ ಕೆಲವೊಂದು ನೃತ್ಯದ ತುಣುಕುಗಳು ಇಲ್ಲಿವೆ ನೋಡಿ...