ಬ್ಯಾಂಕ್​ನಲ್ಲಿ ಉದ್ಯೋಗಕ್ಕೆ ಕಾಯುತ್ತಿರುವಿರಾ? ಐಬಿಪಿಎಸ್​ನಿಂದ 5,830 ಕ್ಲರ್ಕ್ ಹುದ್ದೆಗೆ ಅರ್ಜಿ ಆಹ್ವಾನ

ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಕೆಲಸ ಮಾಡಲು ಆಸಕ್ತರಾದ ಅಭ್ಯರ್ಥಿಗಳಿಗೆ ಇನ್​ಸ್ಟಿಟ್ಯೂಟ್ ಆಫ್ ಬ್ಯಾಂಕಿಂಗ್ ಪಸೋನಲ್ ಸೆಲೆಕ್ಷನ್ (ಐಬಿಪಿಎಸ್) ಸುವರ್ಣ ಅವಕಾಶ ನೀಡಿದೆ. 2022-23ರ ಆರ್ಥಿಕ ವರ್ಷಕ್ಕೆ ಸಾಮಾನ್ಯ ನೇಮಕಾತಿ ಪ್ರಕ್ರಿಯೆ (ಸಿಆರ್​ಪಿ) ಅನ್ವಯ ಕ್ಲರ್ಕ್-ಎಕ್ಸ್ ಹುದ್ದೆಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದೆ. 36 ರಾಜ್ಯಗಳಲ್ಲಿ ಉದ್ಯೋಗಾವಕಾಶಗಳಿದ್ದು, 11 ಬ್ಯಾಂಕ್​ಗಳು ಪಾಲ್ಗೊಳ್ಳುತ್ತಿವೆ. ಕರ್ನಾಟಕದಲ್ಲಿ ಒಟ್ಟು 407 ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ಯಾವೆಲ್ಲ ಬ್ಯಾಂಕ್​ಗಳಲ್ಲಿ ನೇಮಕ?

* ಬ್ಯಾಂಕ್ ಆಫ್ ಬರೋಡ * ಬ್ಯಾಂಕ್ ಆಫ್ ಇಂಡಿಯಾ * ಬ್ಯಾಂಕ್ ಆಫ್ ಮಹಾರಾಷ್ಟ್ರ * ಕೆನರಾ ಬ್ಯಾಂಕ್ * ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ * ಇಂಡಿಯನ್ ಬ್ಯಾಂಕ್ * ಇಂಡಿಯನ್ ಒವರ್​ಸೀಸ್ ಬ್ಯಾಂಕ್ * ಪಂಜಾಬ್ ನ್ಯಾಷನ್ ಬ್ಯಾಂಕ್ * ಪಂಜಾಬ್ ಆಂಡ್ ಸಿಂಧ್ ಬ್ಯಾಂಕ್ * ಯುಕೋ ಬ್ಯಾಂಕ್ * ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಸೇರಿ ಒಟ್ಟು 11 ಬ್ಯಾಂಕ್​ಗಳಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ಕರ್ನಾಟಕದ ವಿವರ

* ಬ್ಯಾಂಕ್ ಆಫ್ ಇಂಡಿಯಾ - 12

* ಕೆನರಾ ಬ್ಯಾಂಕ್ - 140

* ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ - 5

* ಇಂಡಿಯನ್ ಒವರ್​ಸೀಸ್ ಬ್ಯಾಂಕ್ - 28

* ಪಂಜಾಬ್ ಆಂಡ್ ಸಿಂಧ್ ಬ್ಯಾಂಕ್ - 3

* ಯೂಕೋ ಬ್ಯಾಂಕ್ - 10

* ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ - 209

ವಯೋಮಿತಿ

ಕನಿಷ್ಠ 20 ರಿಂದ ಗರಿಷ್ಠ 28 ವರ್ಷ ವಯೋಮಿತಿ ನಿಗದಿಪಡಿಸಿದ್ದು, 2.7.1993- 1.7.2001ರ ನಡುವೆ ಜನಿಸಿರಬೇಕು. ಮೀಸಲಾತಿ ಅಭ್ಯರ್ಥಿಗಳಿಗೆ ನಿಯಮದನ್ವಯ ವಯೋ ಸಡಿಲಿಕೆ ಇದೆ.

ವಿದ್ಯಾರ್ಹತೆ

ಯಾವುದೇ ವಿಷಯದಲ್ಲಿ ಪದವಿ ಅಥವಾ ತತ್ಸಮಾನ ಶಿಕ್ಷಣವನ್ನು 1.8.2021ರ ಒಳಗೆ ಪಡೆದಿದ್ದು, ಕಂಪ್ಯೂಟರ್ ಜ್ಞಾನ ಹೊಂದಿರಬೇಕು. ಸ್ಥಳೀಯ ಭಾಷೆಯಲ್ಲಿ ಓದಲು, ಬರೆಯಲು, ಮಾತನಾಡಲು ಬರೆಯಬೇಕು.

ಆಯ್ಕೆ ವಿಧಾನ: ಆನ್​ಲೈನ್​ನಲ್ಲಿ ಪ್ರಿಲಿಮಿನರಿ ಪರೀಕ್ಷೆ ನಂತರ ಮುಖ್ಯ ಪರೀಕ್ಷೆ ನಡೆಸಲಾಗುವುದು. ಪ್ರಿಲಿಮಿನರಿ ಪರೀಕ್ಷೆಯಲ್ಲಿ 3 ಪ್ರಶ್ನೆಪತ್ರಿಕೆಗಳಿರಲಿದ್ದು, ಇಂಗ್ಲಿಷ್, ನ್ಯೂಮರಿಕ್ ಎಬಿಲಿಟಿ, ರೀಸನಿಂಗ್ ಎಬಿಲಿಟಿ ಪರೀಕ್ಷೆ ನಡೆಯುತ್ತದೆ. ಮುಖ್ಯ ಪರೀಕ್ಷೆಯಲ್ಲಿ 4 ಪ್ರಶ್ನೆಪತ್ರಿಕೆಗಳಿರುತ್ತದೆ. ತಪು್ಪ ಉತ್ತರಗಳಿಗೆ ಋಣಾತ್ಮಕ ಅಂಕಗಳಿರುತ್ತವೆ. ಇಚ್ಚಿಸುವ ಅಭ್ಯರ್ಥಿಗಳಿಗೆ ನಿಗದಿತ ಕೇಂದ್ರಗಳಲ್ಲಿ ಪರೀಕ್ಷೆ ಪೂರ್ವ ತರಬೇತಿ ನೀಡಲಾಗುವುದು. ಆದರೆ ಈ ಬಾರಿ ಕರೊನಾ ಹಿನ್ನೆಲೆಯಲ್ಲಿ ತರಬೇತಿ ನಡೆಯುವುದು ಖಚಿತವಾಗಿಲ್ಲ. ಪರೀಕ್ಷೆಗೆ ಹಾಜರಾಗುವಾಗ ಕಾಲ್ ಲೆಟರ್ ಹೊಂದಿರುವುದು ಕಡ್ಡಾಯ.

ಪರೀಕ್ಷಾ ಕೇಂದ್ರ: ಬೆಂಗಳೂರು, ಬೆಳಗಾವಿ, ಬೀದರ್, ದಾವಣಗೆರೆ, ಧಾರವಾಢ, ಗುರ್ಲರ್ಬ, ಹಾಸನ, ಹುಬ್ಬಳ್ಳಿ, ಮಂಗಳೂರು, ಮೈಸೂರು, ಶಿವಮೋಗ್ಗ, ಉಡುಪಿ

ಅರ್ಜಿ ಶುಲ್ಕ

ಸಾಮಾನ್ಯವರ್ಗದವರಿಗೆ 850 ರೂ., ಎಸ್​ಸಿ, ಎಸ್​ಟಿ, ಅಂಗವಿಕಲ, ಮಾಜಿ ಯೋಧರಿಗೆ 175 ರೂ.

ಆನ್​ಲೈನ್ ಶುಲ್ಕ ಪಾವತಿ ಹಾಗೂ ಅರ್ಜಿ ಸಲ್ಲಿಕೆಗೆ ಕೊನೇ ದಿನ: 1.8.2021

ಪ್ರಿಲಿಮಿನರಿ ಪರೀಕ್ಷೆ: 2021ರ ಆ.28, 29 ಮತ್ತು ಸೆ.4

ಮುಖ್ಯ ಪರೀಕ್ಷೆ: 31.10.2021

ಅಧಿಸೂಚನೆಗೆ: https://bit.ly/2UFUkRM

ಮಾಹಿತಿಗೆ: www.ibps.in

https://www.vijayavani.net/s-lovers-wedding-cancelled/

https://www.vijayavani.net/s-two-children-in-karnataka-ct-ravi/