ತಮ್ಮ ಈ ಸಾಧನೆಗೆ ವಾಫಿ ಕೋರ್ಸ್ ಕಾರಣ ಎನ್ನುವುದು ಈ ಯುವಕರ ಮಾತು. (ವಾಫಿ ಕೋರ್ಸ್ ಎಂಬುದು ಎಂಟು ವರ್ಷಗಳ ಇಸ್ಲಾಮಿಕ್ ಅಧ್ಯಯನ. ಇದು ಮೂರು ವರ್ಷಗಳ ವಿಶ್ವವಿದ್ಯಾಲಯದ ಪದವಿ ಕೋರ್ಸನ್ನೂ ಒಳಗೊಂಡಿದೆ). ಈ ಕುರಿತು ಮಾತನಾಡಿರುವ ಮೊಹಮ್ಮದ್ ಜಬೀರ್, ನಾನು ವಾಫಿ ಪಠ್ಯಕ್ರಮದಲ್ಲಿ ಭಾರತೀಯ ಧರ್ಮಗಳಾದ ಹಿಂದೂ, ಬೌದ್ಧ, ಜೈನ ಹಾಗೂ ಸಿಖ್ ಧರ್ಮದ ಕುರಿತಾದ ವಿಷಯಗಳನ್ನು ಅಧ್ಯಯನಕ್ಕೆ ಆಯ್ದುಕೊಂಡಿದ್ದೆ. ಈ ಕೋರ್ಸ್ನ ಇತರ ಭಾಗಗಳಲ್ಲಿ ಕ್ರೈಸ್ತ, ಜುದಾಯಿಸಂ ಹಾಗೂ ಟಾವೊ ಧರ್ಮದ ಕುರಿತಾದ ವಿಷಯಗಳೂ ಇವೆ. ಆದ್ದರಿಂದ ನನಗೆ ರಾಮಾಯಣದಲ್ಲಿ ಗೆಲುವು ಸಾಧ್ಯವಾಯಿತು. ರಸಪ್ರಶ್ನೆಗೆ ಸಂಬಂಧಿಸಿದಂತೆ ಯಾವುದೇ ದೊಡ್ಡ ಮಟ್ಟದ ಸಿದ್ಧತೆಗಳನ್ನು ನಾನು ಮಾಡಿಕೊಂಡಿರಲಿಲ್ಲ ಎಂದಿದ್ದಾರೆ.
