ಬಾರಾಹಿಯಾಕ್ಕೂ, ರಸಗುಲ್ಲಾಕ್ಕೂ ಪ್ರತಿಭಟನೆಗೂ ಏನು ಸಂಬಂಧ ಎನ್ನುತ್ತೀರಾ?
ಬಾರಾಹಿಯಾ ಪಟ್ಟಣ ರಸಗುಲ್ಲಾಕ್ಕೆ ಸಕತ್ ಪ್ರಸಿದ್ಧಿ ಹೊಂದಿದೆ. ಕೋವಿಡ್ಗೂ ಮೊದಲು ಇಲ್ಲಿ ಬಹುತೇಕ ರೈಲುಗಳನ್ನು ನಿಲುಗಡೆ ಮಾಡಲಾಗುತ್ತಿತ್ತು. ರಸಗುಲ್ಲಾ ಖರೀದಿಗಾಗಿಯೂ ರೈಲು ಪ್ರಯಾಣಿಕರು ಮುಗಿಬಿದ್ದು ಇಲ್ಲಿ ರಸಗುಲ್ಲಾ ಖರೀದಿಸಿ ಸವಿ ಮೆಲ್ಲುತ್ತಿದ್ದರು. ಆದರೆ ಕೋವಿಡ್ ಕಾರಣದಿಂದ ಇಲ್ಲಿ ರೈಲಿನ ನಿಲುಗಡೆಯನ್ನು ರದ್ದುಗೊಳಿಸಲಾಗಿತ್ತು. ಅದರಿಂದಾಗಿ ರಸಗುಲ್ಲಾ ಮಾರಾಟಗಾರರ ಹಾಗೂ ಅವರ ವ್ಯಾಪಾರದ ಮೇಲೆ ವಿಪರೀತ ಪರಿಣಾಮ ಉಂಟಾಗಿದೆ. ಈಗಲೂ ಅಲ್ಲಿ ರೈಲು ನಿಲ್ಲಿಸುತ್ತಿಲ್ಲ.
ಇದರಿಂದಾಗಿ ವ್ಯಾಪಾರಿಗಳು ಈ ಭಾರಿ ಪ್ರತಿಭಟನೆ ಹಮ್ಮಿಕೊಂಡಿದ್ದರು. ಪ್ರತಿಭಟನೆಯ ರೂಪವಾಗಿ ಹಳಿಗಳ ಮೇಲೆ ಟೆಂಟುಗಳನ್ನು ನಿರ್ಮಿಸಿದ್ದರು, ಪರಿಣಾಮ ಹಲವಾರು ರೈಲುಗಳು ಮುಂದೆ ಚಲಿಸಲಾಗದೆ ಅಲ್ಲೆ ನಿಲ್ಲುವಂತಾಗಿತ್ತು. ಹೌರಾ-ದೆಹಲಿ ಮಾರ್ಗದಲ್ಲಿ ಬರುವ ಈ ಮಾರ್ಗದಲ್ಲಿ ಮುಂಚೆಯೇ ನಿಗದಿಯಾಗಿದ್ದ ಹಲವಾರು ರೈಲುಗಳನ್ನು ಪ್ರತಿಭಟನೆಯ ಕಾರಣ 24 ಗಂಟೆಗಳ ಕಾಲ ರದ್ದುಗೊಳಿಸಬೇಕಾಯಿತು ಹಾಗೂ ಕನಿಷ್ಠ ನೂರು ರೈಲುಗಳಿಗೆ ಮಾರ್ಗಗಳನ್ನು ಬದಲಾಯಿಸ ಬೇಕಾಯಿತು ಎಂದು ತಿಳಿದುಬಂದಿದೆ.
