ನಿಮ್ಮ ಅತ್ತೆ ಅವರ ಅರ್ಧ ಭಾಗವನ್ನು ಯಾರಿಗೇ ಬೇಕಾದರೂ ಕೊಡಬಹುದು. ನಿಮ್ಮ ಅರ್ಧ ಭಾಗ ನಿಮಗೇ ಬರುತ್ತದೆ. ನಾಮಿನಿ ಯಾರೇ ಆಗಿದ್ದರೂ ನಿಮ್ಮ ವಾರಸಾ ಹಕ್ಕಿಗೆ ಚ್ಯುತಿ ಬರುವುದಿಲ್ಲ. ನೀವು ಕೂಡಲೇ ನಿಮ್ಮ ಪತಿ ಕೆಲಸಮಾಡುತ್ತಿದ್ದ ಕಛೇರಿಗೆ , ಎಲ್.ಐ.ಸಿ. ಶಾಖೆಗೆ, ನಿಮ್ಮ ಅರ್ಧ ಬಾಗ ನಿಮಗೇ ಕೊಡಬೇಕೆಂದು ಅರ್ಜಿ ಕೊಡಿ. ಅವರು ಒಪ್ಪದಿದ್ದರೆ ವಿಭಾಗದ ದಾವೆ ಹಾಕಿ. ಅದರಲ್ಲಿ ಕಚೇರಿಯವರನ್ನೂ, ಎಲ್.ಐ.ಸಿ ಯನ್ನೂ ಪಾರ್ಟಿ ಮಾಡಿ. ಎಲ್ಲ ಹಣವನ್ನೂ ನಿಮ್ಮ ಅತ್ತೆಗೇ ಬಿಡುಗಡೆ ಮಾಡಬಾರದು ಎಂದು ತಡೆ ಆಜ್ಞೆಯನ್ನೂ ಪಡೆದು ಕೊಳ್ಳಲು ಮಧ್ಯಂತರ ಅರ್ಜಿ ಹಾಕಿ. ವಿಭಾಗದ ದಾವೆಗೆ ಕೋರ್ಟು ಫೀಸು ಕಡಿಮೆ ಇರುತ್ತದೆ. ನಿಮ್ಮ ಹಕ್ಕು ನಿಮಗೆ ಸಿಗುತ್ತದೆ.
