ಕೋಪಕ್ಕೆ ಕಾರಣವಿಷ್ಟೇ. ಈ ಬಾರಿಯ ಮನ್ ಕೀ ಬಾತ್ನಲ್ಲಿ ಮೋದಿಯವರು ದೇಶಿ ತಳಿಯ ನಾಯಿ, ಆಟಿಕೆ, ಚನ್ನಪಟ್ಟಣದ ಗೊಂಬೆ ಇತ್ಯಾದಿಯ ಕುರಿತು ಮಾಹಿತಿ ನೀಡಿದ್ದರು. ದೇಶಿ ವಸ್ತುಗಳನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕೊಂಡೊಯ್ಯುವುದು ಹೇಗೆ ಎಂಬ ಬಗ್ಗೆ ವಿವರಿಸಿದ್ದರು. ಆದರೆ ದೇಶದ ಜ್ವಲಂತ ಸಮಸ್ಯೆಗಳು ನೂರೆಂಟು ಇರುವಾಗ ಈ ವಿಷಯಗಳನ್ನು ಮೋದಿಯವರು ಹೇಳಿಲ್ಲ ಎನ್ನುವುದು ಕಮೆಂಟಿಗರ ಆಕ್ರೋಶ. ದೇಶದಲ್ಲಿ ಕರೊನಾ ಹಾವಳಿ ಹೆಚ್ಚುತ್ತಿದೆ, ಅಂತಾರಾಷ್ಟ್ರೀಯ ಗಡಿ ಬಿಕ್ಕಟ್ಟು ಉಂಟಾಗಿದೆ, ಜಿಎಸ್ಟಿ, ಆರ್ಥಿಕ ಕುಸಿತ, ಉದ್ಯೋಗ ನಷ್ಟ ಮೊದಲಾದ ಸಾಲು ಸಾಲು ಸಮಸ್ಯೆಗಳು ಇರುವಾಗ ಪ್ರಧಾನಿಯವರು ಇದನ್ನು ಉಲ್ಲೇಖಿಸಿಲ್ಲ ಎನ್ನುವುದು ಈ ಪರಿಯ ಡಿಸ್ಲೈಕ್ಗೆ ಕಾರಣವಾಗಿದೆ.
