ಅಷ್ಟಕ್ಕೂ ಈ ರೀತಿ ಅವರು ಹೇಳಲು ಕಾರಣ, ಅಧಿಕಾರಿ ಕುಟುಂಬ! ತಮ್ಮ ಪಕ್ಷ ಬಿಟ್ಟು ಬಿಜೆಪಿ ಸೇರಿರುವ ಸುವೇಂದು ಅಧಿಕಾರಿ ಹಾಗೂ ಅವರ ತಂದೆ ಸಿಸಿರ್ ಅಧಿಕಾರಿಯನ್ನು ಉದ್ದೇಶಿಸಿ ಅವರು ತಮ್ಮನ್ನು ದೂಷಿಸಿಕೊಂಡರು. ನಾನು ದೊಡ್ಡ ಕತ್ತೆ. ನನ್ನಷ್ಟು ದೊಡ್ಡ ಕತ್ತೆ ಬೇರೊಂದಿಲ್ಲ. ಅಧಿಕಾರಿ ಕುಟುಂಬದ ಅಸಲಿ ಮುಖವನ್ನು ಅರ್ಥ ಮಾಡಿಕೊಳ್ಳುವಲ್ಲಿ ನಾನು ವಿಫಲಳಾದೆ. ಮೇದಿನಿಪುರ ಜಿಲ್ಲೆಯಲ್ಲಿ ಅಧಿಕಾರಿ ಕುಟುಂಬವು 5000 ಕೋಟಿಯಷ್ಟು ಮೌಲ್ಯದ ಸಾಮ್ರಾಜ್ಯ ಕಟ್ಟಿದ್ದಾರೆ ಎಂಬ ಮಾತುಗಳನ್ನು ಕೇಳಿದ್ದೇನೆ. ಇಷ್ಟು ವರ್ಷ ನಮ್ಮ ಪಕ್ಷದಲ್ಲಿ ಇದ್ದರೂ ಅದು ನನಗೆ ತಿಳಿಯಲಿಲ್ಲ. ಈಗ ಪಕ್ಷಾಂತರ ಮಾಡಿದರು. ಆದರೆ ಸುಮ್ಮನೇ ಬಿಡುವುದಿಲ್ಲ. ನಾನು ಅಧಿಕಾರಕ್ಕೆ ಬಂದ ಮೇಲೆ ತನಿಖೆ ಮಾಡುತ್ತೇನೆ ಎಂದು ಕಿಡಿ ಕಾರಿದರು.
