ಯಶ್​ ಅಭಿಮಾನಿಗಳಿಗೆ ಭರ್ಜರಿ ಗುಡ್​ ನ್ಯೂಸ್​: ಕೆಜಿಎಫ್​- 2 ಇನ್ಮುಂದೆ ನೋಡ್ಬೋದು ಉಚಿತವಾಗಿ!

ಬೆಂಗಳೂರು: ಯಶ್ ಅಭಿನಯದ ಕೆಜಿಎಫ್ 2 ಬಾಕ್ಸ್​ ಆಫೀಸ್​ ಕೊಳ್ಳೆಹೊಡೆದಿದೆ. ದೇಶದಲ್ಲಿ ಮಾತ್ರವಲ್ಲದೇ ವಿದೇಶದಲ್ಲಿಯೂ ಈ ಚಿತ್ರ ಭಾರಿ ಸದ್ದು ಮಾಡುತ್ತಿರುವುದು ಗೊತ್ತಿರುವ ವಿಷಯವೇ.

ಕರ್ನಾಟಕದಲ್ಲಿ 153.8 ಕೋಟಿ ರೂ, ತೆಲುಗು ರಾಜ್ಯದಲ್ಲಿ 125.7 ಕೋಟಿ ರೂ. , ತಮಿಳುನಾಡು 94.24 ಕೋಟಿ ರೂ. , ಕೇರಳದಲ್ಲಿ 53.8 ಕೋಟಿ ರೂ. , ಇತರೆಡೆ 402.9 ಕೋಟಿ ರೂ. ಹೀಗೆ ಒಟ್ಟಾರೆಯಾಗಿ 816.3 ಕೋಟಿ ರೂ. ಗಳಿಗೆ ಹಾಗೂ ವಿದೇಶದಲ್ಲಿ 164.2 ಕೋಟಿ ರೂಗಳಿಗೆ, ಎಲ್ಲವನ್ನೂ ಸೇರಿಸಿ 980.5 ಕೋಟಿ ರೂ. ಕಲೆಕ್ಷನ್ ಮಾಡುವ ಮೂಲಕ ಕನ್ನಡದಲ್ಲಿ ಸಾವಿರ ಕೋಟಿ ರೂ. ಕಲೆಕ್ಷನ್​ ಮಾಡಿದ ಮೊದಲ ಚಿತ್ರ ಎನಿಸಿಕೊಂಡಿದೆ. ರಾಜಮೌಳಿ ನಿರ್ದೇಶನದ ಬಾಹುಬಲಿ ಚಿತ್ರ ಭಾರತೀಯ ಬಾಕ್ಸ್​ ಆಫೀಸ್​ನಲ್ಲಿ 1000 ಕೋಟಿ ರೂ. ರೂ. ಗಳಿಸಿದ ಮೊದಲ ಚಿತ್ರವಾಗಿದ್ದು, ಎರಡನೇ ಸ್ಥಾನವನ್ನು ಕೆಜಿಎಫ್​ 2 ಅಲಂಕರಿಸಿದೆ.

ಇದಾಗಲೇ ಹಲವಾರು ದಾಖಲೆಗಳನ್ನು ಬರೆದಿರುವ ಕೆಜಿಎಫ್-2 ನೋಡದವರು ಅತಿ ವಿರಳ ಎನ್ನಬಹುದು. ಅಂಥವರಿಗೆ ಹಾಗೂ ಇನ್ನೊಮ್ಮೆ ಈ ಚಿತ್ರವನ್ನು ನೋಡಬೇಕು ಎಂದುಕೊಳ್ಳುತ್ತಿರುವವರಿಗೆ ಇದೀಗ ಖುಷಿಯ ವಿಚಾರವೊಂದು ಹೊರ ಬಂದಿದೆ. ಅದೇನೆಂದರೆ, ಕೆಜಿಎಫ್​-2 ಅನ್ನು ಉಚಿತವಾಗಿ ನೋಡುವ ಅವಕಾಶವನ್ನು ಕಲ್ಪಿಸಲಾಗಿದೆ.

ಅಮೇಜಾನ್​ ಪ್ರೈಮ್​ನಲ್ಲಿ ಕೆಜಿಎಫ್​ 2 ಇದಾಗಲೇ ದಾಖಲೆ ಬರೆದಿದ್ದು, ಅಲ್ಲೀಗ ಅದನ್ನು ಉಚಿತವಾಗಿ ನೋಡಬಹುದಾಗಿದೆ. ಈ ಮೊದಲು ಹಿಂದಿ, ಕನ್ನಡ, ತಮಿಳು, ತೆಲುಗು ಮತ್ತು ಮಲಯಾಳಂ ಸೇರಿದಂತೆ 5 ಭಾಷೆಗಳಲ್ಲಿ ಪ್ರೇಕ್ಷಕರು ದುಡ್ಡು ಕೊಟ್ಟು ಅಮೇಜಾನ್​ ಪ್ರೈಮ್​ನಲ್ಲಿ ಚಿತ್ರ ನೋಡಬಹುದಿತ್ತು. ಇದೀಗ ಅಲ್ಲಿ ಉಚಿತವಾಗಿ ನೋಡಬಹುದಾಗಿದೆ.

'ಕೆಜಿಎಫ್ 2' ಜೂನ್ 3 ರಿಂದ ಅಮೆಜಾನ್ ಪ್ರೈಂ ವಿಡಿಯೋದಲ್ಲಿ ರಿಲೀಸ್ ಆಗುತ್ತಿದೆ. ಇದನ್ನು ನೋಡಲು ಯಾವುದೇ ರೀತಿಯ ಹೆಚ್ಚುವರಿ ಹಣ ಕಟ್ಟಬೇಕಾಗಿಲ್ಲ. ಅಮೆಜಾನ್ ಮೆಂಬರ್‌ಶಿಪ್ ಇದ್ದರೆ ಸಾಕು. ಎಲ್ಲಾ ಸಿನಿಮಾಗಳ ಹಾಗೆ ಈ ಚಿತ್ರವನ್ನು ಅಮೆಜಾನ್‌ನಲ್ಲಿ ನೋಡಬಹುದು.

https://www.vijayavani.net/s-aishwarya-rai-first-salary-revealed/

https://www.vijayavani.net/s-actress-krusthi-shetty-cried-during-interview/

https://www.vijayavani.net/s-actor-shivarajkumar-reaction-on-telgu-director/