ನವದೆಹಲಿ: ಹಬ್ಬಗಳಿಗೆ ತಮ್ಮ ಮನೆಯ ಸಿಬ್ಬಂದಿಗೆ ನಟಿಮಣಿಯರು ವಿಶೇಷ ಗಿಫ್ಟ್ ಕೊಡುವ ಸಂಪ್ರದಾಯ ಮುಂದುವರೆದಿದೆ. ಇದಾಗಲೇ ನಟಿಯರಾದ ಅನುಷ್ಕಾ ಶೆಟ್ಟಿ, ಅಲಿಯಾ ಭಟ್ ಕಾರನ್ನು ಕೊಟ್ಟು ಸುದ್ದಿ ಮಾಡಿದ್ದರು. ಅದೇ ಹಾದಿಯಲ್ಲಿ ಸಾಗಿದ್ದಾಗ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್.
ಅನುಷ್ಕಾ ಶೆಟ್ಟಿಯವರು 12 ಲಕ್ಷ ರೂಪಾಯಿ ಕಾರನ್ನು ತಮ್ಮ ಸಿಬ್ಬಂದಿಗೆ ಗಿಫ್ಟ್ ಆಗಿ ಕೊಟ್ಟಿದ್ದರು. ಇದೀಗ ಜಾಕ್ವೆಲಿನ್ ತಮ್ಮ ಮನೆಯ ಸಿಬ್ಬಂದಿಗೆ ದುಬಾರಿ ಕಾರು ಗಿಫ್ಟ್ ಮಾಡಿದ್ದಾರೆ. ತಮ್ಮ ಸಿಬ್ಬಂದಿಗೆ ಕಾರು ಕೀ ನೀಡುವ ಮೂಲಕ ದಸರಾ ಹಬ್ಬಕ್ಕೆ ಉಡುಗೊರೆ ಕೊಟ್ಟಿದ್ದು ಅದರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಇದನ್ನೂ ಓದಿ: ಒನ್ವೇ ಲವ್? ನಟಿಯ ಮೇಲೆ ನಿರ್ಮಾಪಕನಿಂದ ಹಲ್ಲೆ
ಟ್ರಾಫಿಕ್ ಪೊಲೀಸ್ ಯೂನಿಫಾರ್ಮ್ನಲ್ಲಿ ಕಾಣಿಸಿಕೊಂಡಿರುವ ಜಾಕ್ವೆಲಿನ್ ಊದಿನ ಕಡ್ಡಿ ಹಾಗೂ ಸ್ವೀಟ್ ಹಿಡಿದುಕೊಂಡು ನಿಂತಿರುವ ದೃಶ್ಯ ವಿಡಿಯೋದಲ್ಲಿ ಕಾಣಬಹುದು.
ಅಂದಹಾಗೆ ಜಾಕ್ವೆಲಿನ್ ತಮ್ಮ ಸಿಬ್ಬಂದಿಗೆ ಗಿಫ್ಟ್ ಕೊಡುತ್ತಿರುವುದು ವಿಶೇಷವೇನಲ್ಲ. ಏಕೆಂದರೆ ಈ ಹಿಂದೆಯೂ ಇವರು ತಮ್ಮ ಮೆಕಪ್ಮನ್ ಶಾನ್ ಮುತಾತಿಲ್ ಹುಟ್ಟುಹಬ್ಬಕ್ಕೆ ಬ್ರ್ಯಾಂಡ್ ನ್ಯೂ ಕಾರನ್ನು ಉಡುಗೊರೆಯಾಗಿ ನೀಡಿದ್ದರು.
ಆ ವಿಡಿಯೋವನ್ನು ಶಾನ್ ಅವರು ಇದೀಗ ಶೇರ್ ಮಾಡಿದ್ದಾರೆ. ಅದೇ ವೇಳೆ ಈಗ ಸಿಬ್ಬಂದಿಗೆ ಕಾರಿನ ಗಿಫ್ಟ್ ನೀಡುತ್ತಾ ಎಲ್ಲರನ್ನೂ ಅದರ ಪೂಜೆಗೆ ಕರೆಯುತ್ತಿರುವ ವಿಡಿಯೋ ಕೂಡ ವೈರಲ್ ಆಗಿದ್ದು, ಅನೇಕ ಮಂದಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಜಾಕ್ವೆಲಿನ್ ಗಿಫ್ಟ್ ನೀಡುತ್ತಿರುವ ವಿಡಿಯೋಗಾಗಿ ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ಕಿಸಿ..
https://www.instagram.com/p/CG0CiHmhzxb/?utm_source=ig_embed&utm_campaign=embed_video_watch_again
ಕಾಲೇಜು ಯುವತಿ ಮೇಲೆ ಗುಂಡಿನ ದಾಳಿ- ಸಿಸಿಟಿವಿಯಲ್ಲಿ ದಾಖಲಾಯ್ತು ಭಯಾನಕ ದೃಶ್ಯ