ಆದಾಯ ತೆರಿಗೆ ಕಚೇರಿಯಲ್ಲಿ 155 ಹುದ್ದೆ ಭರ್ತಿ: ಎಸ್​ಎಸ್​ಎಲ್​ಸಿಯಾದವರಿಗೂ ಆಹ್ವಾನ

ಆದಾಯ ತೆರಿಗೆಯ ಮುಖ್ಯ ಪ್ರಧಾನ ಆಯುಕ್ತರ ಕಚೇರಿಯಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳಿಗೆ ಅರ್ಹ ಕ್ರೀಡಾ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಕ್ರೀಡೆಯಲ್ಲಿ ತೊಡಗಿಕೊಂಡಿದ್ದು, ವಿಶ್ವವಿದ್ಯಾಲಯ, ಅಂತರ ವಿಶ್ವವಿದ್ಯಾಲಯ, ರಾಜ್ಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪಾಲ್ಗೊಂಡ ಅಭ್ಯರ್ಥಿಗಳಿಗೆ ಇದು ಸುವರ್ಣಅವಕಾಶವಾಗಿದೆ.

ಒಟ್ಟು ಹುದ್ದೆಗಳು: 155

ಮುಂಬೈನಲ್ಲಿರುವ ಆದಾಯ ತೆರಿಗೆ ಪ್ರಧಾನ ಆಯುಕ್ತರ ಕಚೇರಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಉತ್ತಮ ಸಂಭಾವನೆ ಇದೆ. ಒಬ್ಬ ಅಭ್ಯರ್ಥಿ ಒಂದು ಹುದ್ದೆಗೆ ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರಾಗಿದ್ದು, ಯಾವ ಕ್ರೀಡೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂಬುದನ್ನು ಆನ್​ಲೈನ್​ ಅರ್ಜಿಯಲ್ಲೇ ನಮೂದಿಸಲು ಸೂಚಿಸಲಾಗಿದೆ. ಈ ಹುದ್ದೆಗಳು 2 ವರ್ಷದ ಪ್ರೊಬೆಷನರಿ ಅವಧಿಗೆ ಒಳಪಟ್ಟಿದ್ದು, ಮುಂಬೈನ ಯಾವುದೇ ಪ್ರಾದೇಶಿಕ ಕಚೇರಿಗೆ ನೇಮಕ ಮಾಡಬಹುದಾಗಿದೆ.

ಹುದ್ದೆ ವಿವರ
* ಇನ್​ಸ್ಪೆಕ್ಟರ್​ ಆಫ್ ಇನ್​ಕಂ ಟ್ಯಾಕ್ಸ್​ - 8
* ಟ್ಯಾಕ್ಸ್​ ಅಸಿಸ್ಟೆಂಟ್​ - 83
* ಮಲ್ಟಿ ಟಾಸ್ಕಿಂಗ್​ ಸ್ಟಾಫ್​ - 64

ಶೈಕ್ಷಣಿಕ ಅರ್ಹತೆ: ಮಲ್ಟಿ ಟಾಸ್ಕಿಂಗ್​ ಸ್ಟಾಫ್​ಗೆ ಮೆಟ್ರಿಕ್ಯುಲೇಷನ್​, ಇನ್​ಸ್ಪೆಕ್ಟರ್​ಗೆ ಯಾವುದೇ ಪದವಿ, ಟ್ಯಾಕ್ಸ್​ ಅಸಿಸ್ಟೆಂಟ್​ಗೆ ಪದವಿ ಜತೆ ಡಾಟಾ ಎಂಟ್ರಿ ವೇಗ ಪ್ರತಿ ಗಂಟೆಗೆ 8000 ಕೀ ಡಿಪ್ರೆಷನ್​ ಇರಬೇಕು ಎಂದು ಸೂಚಿಸಲಾಗಿದೆ.

ಯಾವ ಕ್ರೀಡೆಯವರಿಗೆ ಅವಕಾಶ?: ಅಥ್ಲೆಟಿಕ್ಸ್​, ಸ್ವಿಮ್ಮಿಂಗ್​, ಸ್ಕ್ವಾಷ್​, ಬಿಲಿಯರ್ಡ್​, ಚೆಸ್​, ಕ್ಯಾರಂ, ಬ್ರಿಡ್ಜ್​, ಬ್ಯಾಡ್ಮಿಂಟನ್​, ಲಾನ್​ ಟೆನ್ನಿಸ್​, ಟೇಬಲ್​ ಟೆನಿಸ್​, ಶೂಟಿಂಗ್​, ವೈಟ್​ಲಿಫ್ಟಿಂಗ್​, ವ್ರೆಜ್ಲಿಂಗ್​, ಬಾಕ್ಸಿಂಗ್​, ಜೂಡೊ, ಜಿಮ್ನಾಸ್ಟಿಕ್​, ಬಾಡಿ ಬಿಲ್ಡಿಂಗ್​, ವಾಲಿಬಾಲ್​, ಬಾಸ್ಕೆಟ್​ಬಾಲ್​, ಫುಟ್​ಬಾಲ್​, ಕಬ್ಬಡಿ, ಕ್ರಿಕೆಟ್​

ವಯೋಮಿತಿ: 1.8.2021ಕ್ಕೆ ಅನ್ವಯವಾಗುವಂತೆ ಕನಿಷ್ಠ 18 ವರ್ಷ ಗರಿಷ್ಠ 25, 27, 30 ವರ್ಷ ನಿಗದಿಪಡಿಸಲಾಗಿದೆ. ಮೀಸಲಾತಿ ಅಭ್ಯರ್ಥಿಗಳಿಗೆ ಸರ್ಕಾರದ ನಿಯಮದನ್ವಯ ವಯೋ ಸಡಿಲಿಕೆ ನೀಡಲಾಗಿದೆ.

ವೇತನ: ಇನ್​ಕಂ ಟ್ಯಾಕ್ಸ್​ ಇನ್​ಸ್ಪೆಕ್ಟರ್​ಗೆ ಮಾಸಿಕ 44,900 ರೂ.ನಿಂದ 1,42,400 ರೂ. ವೇತನ, ಟ್ಯಾಕ್ಸ್​ ಅಸಿಸ್ಟೆಂಟ್​ಗೆ ಮಾಸಿಕ 25,500-81,100 ರೂ., ಮಲ್ಟಿ ಟಾಸ್ಕಿಂಗ್​ ಸ್ಟಾಫ್​ಗೆ ಮಾಸಿಕ 18,000-56,900 ರೂ. ವೇತನ ಇದೆ.

ಅರ್ಜಿ ಸಲ್ಲಿಸಲು ಕೊನೇ ದಿನ: 25.8.2021
ಅಧಿಸೂಚನೆಗೆ: https://bit.ly/3rg37WO
ಮಾಹಿತಿಗೆ:http://www.incometaxmumbai.in

https://www.vijayavani.net/s-centra-minister-murugan-parents-story/

https://www.vijayavani.net/s-keralas-islamic-cleric-swalih-bathery-statement/