ಎಂಟು ವರ್ಷಗಳ ಹಿಂದಿನ ಕರೊನಾ: ಚೀನಾದ ಕುತಂತ್ರ ಬಿಚ್ಚಿಟ್ಟ ಅಮೆರಿಕದ ಸಂಶೋಧಕರು!

ವಾಷಿಂಗ್ಟನ್: ಇಡೀ ವಿಶ್ವವನ್ನೇ ಅಲ್ಲೋಲ ಕಲ್ಲೋಲ ಮಾಡಿರುವ ಕರೊನಾ ವೈರಸ್‌ ತನಗೆ ತಿಳಿದದ್ದು ಎಂಟು ತಿಂಗಳ ಹಿಂದಷ್ಟೇ. ಅದಕ್ಕೂ ಮೊದಲು ಇದರ ಅರಿವೇ ಇರಲಿಲ್ಲ ಎಂದೇನು ಚೀನಾ ಹೇಳುತ್ತಿದೆ ಅದು ಸಂಪೂರ್ಣ ಸುಳ್ಳು ಎಂಬ ಅಂಶವನ್ನು ಅಮೆರಿಕದ ಸಂಶೋಧಕರು ದಾಖಲೆ ಸಹಿತವಾಗಿ ಬಹಿರಂಗಗೊಳಿಸಿದ್ದಾರೆ.

ಎಂಟು ವರ್ಷಗಳ ಹಿಂದೆಯೇ ಈ ಮಹಾಮಾರಿ ಚೀನಾವನ್ನು ಕಾಡಿತ್ತು. ಅದರ ಭಯಾನಕತೆಯ ಅರಿವು ಚೀನಾಕ್ಕೆ ಇತ್ತು. ಅದರೂ ಇಡೀ ವಿಶ್ವಕ್ಕೆ ವೈರಸ್‌ ಹರಡಲು ಅದು ಕಾರಣವಾಗಿದೆ ಎಂಬ ಅಂಶವನ್ನು ಅಮೆರಿಕದ ವಿಜ್ಞಾನಿಗಳು ಬಹಿರಂಗಪಡಿಸಿದ್ದಾರೆ.

ಸುಮಾರು ಎಂಟು ವರ್ಷಗಳ ಹಿಂದೆ ಚೀನಾದ ಗಣಿಯಲ್ಲಿ ಈ ವೈರಸ್ ಪತ್ತೆಯಾಗಿದ್ದು, ಇದರ ಸಂಪೂರ್ಣ ಅರಿವು ಚೀನಾಕ್ಕೆ ಇದೆ ಎಂದು ಅವರು ಹೇಳಿದ್ದಾರೆ. ಇದಾಗಲೇ ಅಮೆರಿಕ ಸೇರಿದಂತೆ ಕೆಲವು ದೇಶಗಳು ವುಹಾನ್ ಲ್ಯಾಬ್‌ನಲ್ಲಿ ಉದ್ದೇಶಪೂರ್ವಕವಾಗಿ ವೈರಸ್ ಉತ್ಪಾದಿಸಲ್ಪಟ್ಟಿದೆ ಎಂದು ಹೇಳುತ್ತಿವೆ. ಮಾಂಸ ಮಾರುಕಟ್ಟೆಯಲ್ಲಿ ಈ ವೈರಸ್ ಮೊದಲು ಪತ್ತೆಯಾಗಿದೆ ಎಂದು ಚೀನಾ ಹೇಳುತ್ತಿದೆ. ಆದರೆ ವಿಜ್ಞಾನಿಗಳು ಈ ವೈರಸ್‌ ಕುರಿತು ಎಂಟು ವರ್ಷಗಳ ಮೊದಲೇ ಚೀನಾದಲ್ಲಿ ಪತ್ತೆಯಾಗಿದೆ ಎಂದಿದ್ದಾರೆ.

ಈ ಕುರಿತು ದಾಖಲೆ ಸಹಿತ ವಿವರಿಸಿರುವ ವಿಜ್ಞಾನಿಗಳು, ಚೀನಾದ ನೈರುತ್ಯ ದಿಕ್ಕಿನ ಯುನ್ನಾನ್ ಪ್ರಾಂತ್ಯದ ಮೊಜಿಯಾಂಗ್ ಗಣಿ ಬಳಿ ಈ ವೈರಸ್‌ ಮೊದಲು ಪತ್ತೆಯಾಗಿದೆ. 2012ರಲ್ಲಿ ಕೆಲವು ಕಾರ್ಮಿಕರನ್ನು ಸತ್ತು ಬಿದ್ದಿದ್ದ ಬಾವಲಿಗಳನ್ನು ಸ್ವಚ್ಛಗೊಳಿಸಲು ಗಣಿಗೆ ಕಳುಹಿಸಲಾಗಿದೆ. ಈ ಕಾರ್ಮಿಕರು ಗಣಿಯಲ್ಲಿ 14 ದಿನಗಳನ್ನು ಅಲ್ಲಿ ಕಳೆದಿದ್ದರು. ನಂತರ 6 ಕಾರ್ಮಿಕರು ಅನಾರೋಗ್ಯಕ್ಕೆ ಒಳಗಾದರು. ಈ ರೋಗಿಗಳಿಗೆ ಹೆಚ್ಚಿನ ಜ್ವರ, ಕೆಮ್ಮು, ಉಸಿರಾಟದ ತೊಂದರೆ, ತೋಳು ಮತ್ತು ಕಾಲುಗಳಲ್ಲಿ ತೀವ್ರವಾದ ನೋವು, ತಲೆನೋವು ಮತ್ತು ಗಂಟಲು ನೋವು ಇತ್ತು. ಈ ಎಲ್ಲಾ ಲಕ್ಷಣಗಳು ಇಂದು ಕೋವಿಡ್ -19 ರೋಗದ ಲಕ್ಷಣಗಳು ಎಂದಿದ್ದಾರೆ.

ಈ ವೈರಸ್‌ನ ತೀವ್ರತೆಯ ಬಗ್ಗೆ ಅರಿವಿದ್ದರೂ ಅದರ ಬಗ್ಗೆ ಮುಚ್ಚಿಟ್ಟ ಚೀನಾ ಇದೀಗ ಇಡೀ ವಿಶ್ವಕ್ಕೆ ಸೋರಿಕೆ ಆಗುವ ಹಾಗೆ ಮಾಡಿದೆ ಎನ್ನುವುದು ವಿಜ್ಞಾನಿಗಳ ಆರೋಪ.

ಇದನ್ನೂ ಓದಿ: ಆರೋಗ್ಯದಲ್ಲಿ ಏರುಪೇರು: ಅಮಿತ್‌ ಷಾ ಪುನಃ ಆಸ್ಪತ್ರೆಗೆ

ಆ ಸಮಯದಲ್ಲಿ ಅನಾರೋಗ್ಯ ಪೀಡಿತ ರೋಗಿಗಳಲ್ಲಿ ಮೂವರು ಮೃತಪಟ್ಟಿದ್ದರು. ಈ ಎಲ್ಲಾ ಮಾಹಿತಿಯು ಚೀನಾದ ವೈದ್ಯ ಲಿ ಕ್ಸು ಅವರ ಸ್ನಾತಕೋತ್ತರ ಪ್ರಬಂಧದ ಭಾಗವಾಗಿದೆ. ಪ್ರಬಂಧವನ್ನು ಡಾ. ಜೊನಾಥನ್ ಲಾಥಮ್ ಮತ್ತು ಡಾ. ಆಲಿಸನ್ ವಿಲ್ಸನ್ ಅನುವಾದಿಸಿದ್ದಾರೆ ಮತ್ತು ಅಧ್ಯಯನ ಮಾಡಿದ್ದಾರೆ ಎಂದು ಉಲ್ಲೇಖಿಸಲಾಗಿದೆ.

ಈ ಹಿಂದೆ ಕರೊನಾದ ಬಗ್ಗೆ ಯಾವುದೇ ಮಾಹಿತಿ ಇರಲಿಲ್ಲ ಎಂದು ಚೀನಾ ಹೇಳುತ್ತಿದೆ. ಆದರೆ ಇದು ಸಂಪೂರ್ಣ ಸುಳ್ಳು, ಪ್ರಬಂಧವೇ ಇದರ ಬಗ್ಗೆ ಬಿಚ್ಚಿಡುತ್ತಿದೆ. ಕಾರ್ಮಿಕರ ಮಾದರಿಗಳನ್ನು ವುಹಾನ್ ಲ್ಯಾಬ್‌ಗೆ ಕಳುಹಿಸಲಾಗಿತ್ತು. ಅಲ್ಲಿಂದ ವೈರಸ್ ಸೋರಿಕೆಯಾಗಿದೆ. ಅಲ್ಲಿಂದಲೇ ಈ ವೈರಸ್‌ ಬೆಳವಣಿಗೆ ಶುರುವಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಚೀನಾದಲ್ಲಿ ಈ ಸೋಂಕು 2012ರಲ್ಲಿ ಪತ್ತೆಯಾದ ಸಮಯದಲ್ಲಿಯೇ ಫಿಲಿಪ್ಪೀನ್ಸ್‌ ಕ್ವಿಜೋನ್ ಸಿಟಿಯಲ್ಲಿ ಜಿ -614 ಪತ್ತೆಯಾಗಿದೆ, ಇದು ವುಹಾನ್ ವೈರಸ್‌ಗಿಂತ 1.22 ಪಟ್ಟು ವೇಗವಾಗಿ ಹರಡಿತ್ತು. ಮಲೇಷ್ಯಾದಲ್ಲಿ ಜಿ -614 ಎಂಬ ವೈರಸ್‌ ಹರಡಿತ್ತು. ಇವೆಲ್ಲವೂ ಚೀನಾದ ಕರೊನಾ ವೈರಸ್‌ನ ವಿವಿಧ ರೂಪಾಂತರಗಳೇ ಎಂದು ವಿಜ್ಞಾನಿಗಳು ವಿಶ್ಲೇಷಿಸಿದ್ದಾರೆ.

https://www.vijayavani.net/s-amithshah-hospitalised/

https://www.vijayavani.net/s-three-weeks-180-feet-bridge/