ನಾಲ್ಕೇ ದಿನದಲ್ಲಿ ಬದಲಾಯ್ತು ಜಿಲ್ಲಾ ಉಸ್ತುವಾರಿ ಸ್ಥಾನ: ಅವರ ಬದಲು ಇವರು... ಇವರ ಬದಲು ಅವರು...

ಬೆಂಗಳೂರು: ರಾಜ್ಯದಲ್ಲಿ ಜಿಲ್ಲಾ ಉಸ್ತುವಾರಿ ಸ್ಥಾನಗಳನ್ನು ನಾಲ್ಕು ದಿನಗಳ ಅಂತರದಲ್ಲಿ ಮತ್ತೊಮ್ಮೆ ಬದಲಾವಣೆ ಮಾಡಲಾಗಿದೆ. ಈ ಕುರಿತು ರಾಜ್ಯ ಸರ್ಕಾರ ಪರಿಷ್ಕೃತ ಅಧಿಸೂಚನೆ ಹೊರಡಿಸಿದೆ.

‍ಪಶುಸಂಗೋಪನಾ ಸಚಿವ ಪ್ರಭು ಚವ್ಹಾಣ್‌ ಅವರ ಉಸ್ತುವಾರಿಯಲ್ಲಿದ್ದ ಬೀದರ್​ ಜಿಲ್ಲೆಯನ್ನು ಅರಣ್ಯ, ಕನ್ನಡ ಹಾಗೂ ಸಂಸ್ಕೃತಿ ಇಲಾಖೆ ಸಚಿವ ಅರವಿಂದ ಲಿಂಬಾವಳಿ ಅವರಿಗೆ ಇದೇ 2ನೇ ತಾರೀಖು ನೀಡಲಾಗಿತ್ತು. ಆದರೆ ಇದೀಗ ಬದಲಾವಣೆಯಾಗಿರುವ ಅಧಿಸೂಚನೆ ಪ್ರಕಾರ, ಈ ಜಿಲ್ಲೆಯ ಉಸ್ತುವಾರಿಯನ್ನು ಪುನಃ ಚವ್ಹಾಣ್‌ ಅವರಿಗೇ ನೀಡಲಾಗಿದೆ.

ಸಚಿವ ಅರವಿಂದ ಲಿಂಬಾವಳಿ ಅವರಿಗೆ ಕೋಲಾರ ಜಿಲ್ಲೆಯ ಉಸ್ತುವಾರಿ ನೀಡಲಾಗಿದೆ. ತೋಟಗಾರಿಕೆ ಹಾಗೂ ರೇಷ್ಮೆ ಇಲಾಖೆ ಸಚಿವ ಆರ್​. ಶಂಕರ್ ಅವರಿಗೆ ಯಾದಗಿರಿ ಜಿಲ್ಲೆಯ ಉಸ್ತುವಾರಿ ನೀಡಲಾಗಿದೆ.

ಮೇ 2ರಂದು ಹೊರಟಿದ್ದ ಅಧಿಸೂಚನೆ ಪ್ರಕಾರ, ಯಾದಗಿರಿ ಜಿಲ್ಲೆ ಉಸ್ತುವಾರಿಯನ್ನು ಪ್ರಭು ಚವ್ಹಾಣ ಅವರಿಗೆ, ಬೀದರ್​ ಜಿಲ್ಲೆಯನ್ನು ಅರವಿಂದ ಲಿಂಬಾವಳಿ ಅವರಿಗೆ ಮತ್ತು ಕೋಲಾರ ಜಿಲ್ಲೆಯ ಉಸ್ತುವಾರಿಯನ್ನು ಎಂಟಿಬಿ ನಾಗರಾಜು ಅವರಿಗೆ ನೀಡಲಾಗಿತ್ತು. ಇದೀಗ ಬದಲಾವಣೆಯಾಗಿದೆ.

https://www.vijayavani.net/s-godman-crime-against-gour-women/

https://www.vijayavani.net/s-irland-president-pressmeet-dog/

https://www.vijayavani.net/s-oxygen-supply-supremecourt-order/