ಎಷ್ಟು ಮಾಡಿದ್ರೂ ಅವಳು ಫೋನ್‌ ಸ್ವೀಕರಿಸ್ತಿಲ್ಲ, ಬದುಕಿದ್ದು ಏನು ಪ್ರಯೋಜನ ಎಂದು ಆತ್ಮಹತ್ಯೆ ಮಾಡಿಕೊಂಡ ಯುವಕ!

ಮುಂಬೈ: ತನ್ನ ಸ್ನೇಹಿತೆ ಎಷ್ಟು ಕರೆ ಮಾಡಿದರೂ ಫೋನ್‌ಕಾಲ್‌ ಸ್ವೀಕರಿಸುತ್ತಿಲ್ಲ ಎಂದು ನೊಂದುಕೊಂಡ ಯುವಕನೊಬ್ಬ ಆತ್ಮಹತ್ಯೆ ಮಾಡಿಕೊಂಡಿರುವ ವಿಚಿತ್ರ ಘಟನೆ ಮುಂಬೈನ ಡಿಯೋನಾರ್ ಪ್ರದೇಶದಲ್ಲಿ ನಡೆದಿದೆ.

24 ವರ್ಷದ ಮಾನವ್ ಲಾಲ್ವಾನಿ ಎಂಬಾತ ಇಂಥದ್ದೊಂದು ಕೃತ್ಯ ಎಸಗಿದ್ದಾನೆ. ಈತ ತನ್ನ ಸ್ನೇಹಿತರ ಜತೆ ನಿನ್ನೆ ಮಧ್ಯರಾತ್ರಿಯವರೆಗೂ ಪಾರ್ಟಿಯಲ್ಲಿ ಇದ್ದ. ಆ ಪಾರ್ಟಿಯಲ್ಲಿ ಈ ಯುವತಿ ಕೂಡ ಇದ್ದಳು. ಅಲ್ಲಿ ಏನಾಗಿದೆಯೋ ಗೊತ್ತಿಲ್ಲ. ಪಾರ್ಟಿ ಮುಗಿಸಿ ವಾಪಸ್‌ ಬಂದಾಗ ಯುವತಿಗೆ ಮಾನವ್ ಕರೆ ಮಾಡಿದ್ದಾನೆ.

ಆದರೆ ಎಷ್ಟೇ ಆದರೂ ಆಕೆ ಕರೆ ಸ್ವೀಕರಿಸಲಿಲ್ಲ. ಅದರಿಂದ ಬೇಸತ್ತ ಯುವಕ ಬೆಳಗ್ಗೆ ಟೆರೇಸ್​ ಮೇಲೆ ಮಗ ನೇಣು ಬಿಗಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಸಾಯುವುದಕ್ಕೂ ಮುನ್ನ ಆತ ಯಾರಿಗೋ ಕರೆ ಮಾಡುತ್ತಿದ್ದುದು, ಅತ್ತ ಕಡೆಯವರು ಕಾಲ್‌ ಸ್ವೀಕರಿಸದೇ ಇದ್ದ ಹಿನ್ನೆಲೆಯಲ್ಲಿ ಆತ ಚಡಪಡಿಸುತ್ತಿದ್ದುದಾಗಿ ಕುಟುಂಬಸ್ಥರು ಹೇಳಿದ್ದಾರೆ.

ಯುವಕನ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಹೆಚ್ಚಿನ ತನಿಖೆಗಾಗಿ ಸಿಸಿಟಿವಿ ದೃಶ್ಯ ಪರಿಶೀಲಿಸಲಾಗುತ್ತಿದೆ. ಅವರಿಬ್ಬರ ಮಧ್ಯೆ ಏನಾದರೂ ಜಗಳವಾಗಿತ್ತೋ, ಆಕೆಯ ಮನವೊಲಿಸಲು ಆತ ಕರೆ ಮಾಡಿದ್ದನೋ ಅಥವಾ ಇನ್ನೇನು ಆಗಿದೆಯೋ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಯುವತಿಯ ಹೇಳಿಕೆಯನ್ನು ಸಹ ದಾಖಲಿಸಿಕೊಳ್ಳಲಾಗಿದೆ.

https://www.vijayavani.net/s-gujarath-high-court-against-ban-on-non-veg-selling/

https://www.vijayavani.net/s-astrloger-about-rawath-death-in-paper/