VIDEO: ಆಮೀರ್ ಪುತ್ರಿ ಐರಾ ಖಾನ್ ಎಂಗೇಜ್ಮೆಂಟ್: 2 ವರ್ಷಗಳ ಡೇಟಿಂಗ್ ಬಳಿಕ ಸಿನಿಮಾ ಸ್ಟೈಲ್ನಲ್ಲಿ ಪ್ರಪೋಸ್!

Published on:

23 Sep 2022, 10:31 am

ಮುಂಬೈ: ಕೆಲ ದಿನಗಳ ಹಿಂದೆ ತನ್ನ ಅಪ್ಪ ಆಮೀರ್ ಖಾನ್ ಎದುರು ಅತ್ಯಂತ ಕನಿಷ್ಠ ಈಜುಡುಗೆಯಲ್ಲಿ ಹುಟ್ಟುಹಬ್ಬ ಆಚರಿಸಿಕೊಂಡು ಭಾರಿ ಸುದ್ದಿಯಾಗಿದ್ದ ನಟಿ ಐರಾಖಾನ್ಗೆ ಈಗ ಎಂಗೇಜ್ಮೆಂಟ್ ಸಂಭ್ರಮ. ಎರಡು ವರ್ಷಗಳ ಡೇಟಿಂಗ್ ಬಳಿಕ ಪ್ರಿಯಕರ ನುಪೂರ್ ಶಿಖರೆ ಜತೆ ಸಿನಿಮಾ ಸ್ಟೈಲ್ನಲ್ಲಿಯೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಳೆ.

ಇದರ ವಿಡಿಯೋ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಐರಾ ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಅದು ವೈರಲ್ ಆಗಿದೆ.

ಸೈಕಲಿಂಗ್ ಕಾರ್ಯಕ್ರಮವೊಂದರಲ್ಲಿ ನುಪೂರ್ ಶಿಖರೆ ಅವರು, ಐರಾಗೆ ಅವರಿಗೆ ಉಂಗುರ ನೀಡಿ, ನೀನು ನನ್ನ ಮದುವೆ ಆಗುವೆಯಾ ಎಂದು ಪ್ರಸ್ತಾಪಿಸಿದ್ದಾರೆ. ಆಗ ಐರಾ 'ಹೌದು' ಎಂದಿದ್ದಾರೆ. ನಂತರ ಪರಸ್ಪರ ಚುಂಬಿಸಿಕೊಂಡಿದ್ದಾರೆ. ಹೀಗೆ ಅವರ ಎಂಗೇಜ್ಮೆಂಟ್ ನಡೆದಿದ್ದು, ಅದರ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ.

ಅಂದಹಾಗೆ ಐರಾ, ಅಮೀರ್ ಖಾನ್ ಹಾಗೂ ಅವರ ಮೊದಲ ಹಿಂದೂ ಪತ್ನಿ ರೀನಾ ದಂಪತಿ ಪುತ್ರಿ. 2002ರಲ್ಲಿ ಅಮೀರ್ ಖಾನ್ ರೀನಾಗೆ ಡಿವೋರ್ಸ್ ಕೊಟ್ಟಿದ್ದು, ಮತ್ತೋರ್ವ ಹಿಂದೂ ಮಹಿಳೆ ಕಿರಣ್ ರಾವ್ ಅವರನ್ನು 2005ರಲ್ಲಿ ಮದುವೆಯಾಗಿದ್ದರು, ಅವರಿಗೂ ಕಳೆದ ವರ್ಷ ವಿಚ್ಛೇದನ ನೀಡಿದ್ದಾರೆ. ಈ ಎರಡೂ ಮದುವೆಯಿಂದ ಐರಾ ಹೊರತುಪಡಿಸಿ ಜುನೈದ್ ಖಾನ್, ಆಜಾದ್ ರಾವ್ ಖಾನ್ ಎಂಬ ಮಕ್ಕಳು ಇದ್ದಾರೆ. (ಏಜೆನ್ಸೀಸ್)