ದೇಶಕ್ಕಾಗಿ ಆರ್ಎಸ್ಎಸ್ ಅತ್ಯಂತ ಪ್ರಾಮಾಣಿಕ ಸೇವೆ ಮಾಡುತ್ತಿದೆ. ದೇಶದ ರಕ್ಷಣೆಯಲ್ಲಿ ಸಂಘದ ಪಾತ್ರವೂ ಸಹ ಮುಖ್ಯವಾಗಿದೆ. ವಿಶ್ವದಲ್ಲಿ ಸನಾತನ ಧರ್ಮದ ಮಹತ್ವ, ಗೌರವ ಹೆಚ್ಚಿಸುವಲ್ಲಿಯೂ ಕಾರಣವಾಗಿದೆ. ಈ ಸಂಘ ಇನ್ನಷ್ಟು ಬಲವಾಗಬೇಕು, ಶಾಶ್ವತವಾಗಬೇಕು, ಅಜರಾಮರವಾಗಬೇಕು. ಭಗವದ್ಗೀತೆಯಲ್ಲಿ ಶ್ರೀಕೃಷ್ಣ ತಿಳಿಸಿದಂತೆ ಯಾವುದೇ ಫಲಾಪೇಕ್ಷೆ ಇಲ್ಲದೆ ಜನರಿಗೆ ಆಪತ್ಕಾಲ ಉಂಟಾದಾಗ ಸ್ವಯಂ ಬಂದು ನಿಶ್ಯಬ್ದವಾಗಿ, ಪ್ರಚಾರ ಬಯಸದೇ ಸೇವೆಯಲ್ಲಿ ತೊಡಗುತ್ತದೆ. ಇಂತಹ ಇನ್ನೊಂದು ಸಂಘ ಜಗದಲ್ಲಿಲ್ಲ. ಭಗವದ್ಗೀತೆಯ ಸಾರದಂತೆ ನಡೆಯುತ್ತಿರುವ ಸಂಘಕ್ಕೆ ಶ್ರೀಕೃಷ್ಣನ ಸಂಪೂರ್ಣ ಆಶೀರ್ವಾದ ಲಭಿಸಲಿ ಎಂದು ಹಾರೈಸುತ್ತೇವೆ ಎಂದು ಸುಗುಣೇಂದ್ರ ಶ್ರೀ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
