ಮುಂಬೈ: ಸಲ್ಮಾನ್ ಖಾನ್ ಅಭಿನಯದ ವಿತರಣೆ, ಸ್ಯಾಟಿಲೈಟ್, ಡಿಜಿಟಲ್ ಮತ್ತು ಸಂಗೀತದ ಹಕ್ಕುಗಳು ಜೀ ಟಿವಿಯವರು 190 ಕೋಟಿ ರೂ.ಗಳಿಗೆ ಖರೀದಿಸಿದ್ದೇ ಭಾರತದಲ್ಲಿ ಇದುವರೆಗೂ ದಾಖಲೆಯಾಗಿತ್ತು. ಈಗ ಆ ದಾಖಲೆಯನ್ನು ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಚಿತ್ರವು ಮುರಿದು ಹಾಕಿದೆ. ಮೂಲಗಳ ಪ್ರಕಾರ ಚಿತ್ರದ ಡಿಜಿಟಲ್ ಮತ್ತು ಸ್ಯಾಟಿಲೈಟ್ ಹಕ್ಕುಗಳನ್ನು ಜೀ ಸಂಸ್ಥೆಯು 325 ಕೋಟಿ ಕೊಟ್ಟು ಖರೀದಿಸಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ರಜನಿಕಾಂತ್, ಮೋಹನ್ ಬಾಬು ಒರಿಜಿನಲ್ ಗ್ಯಾಂಗ್ಸ್ಟರ್ಗಳಂತೆ …
ಹಕ್ಕುಗಳ ಮಾರಾಟ ವಿಷಯದಲ್ಲಿ ಆರ್ಆರ್ಆರ್ ಚಿತ್ರವು ಭಾರತೀಯ ಚಿತ್ರರಂಗದಲ್ಲೇ ಹೊಸ ದಾಖಲೆ ಬರೆಯಲಿದೆ ಎಂಬುದು ಹೊಸ ವಿಷಯವೇನಲ್ಲ. ಈ ಬಗ್ಗೆ ಕಳೆದ ಒಂದು ವರ್ಷದಿಂದ ಚರ್ಚೆ ನಡೆಯುತ್ತಲೇ ಇದ್ದು, ಎಲ್ಲ ಹಕ್ಕುಗಳೂ ಒಟ್ಟು ಎಷ್ಟು ಮೊತ್ತಕ್ಕೆ ಮಾರಾಟವಾಗಬಹುದು ಎಂಬ ಕುತೂಹಲ ಎಲ್ಲರಲ್ಲೂ ಇದ್ದೇ ಇತ್ತು. ಕಳೆದ ವರ್ಷ ಬಂದ ಸುದ್ದಿಯ ಪ್ರಕಾರ, ಚಿತ್ರದ ವಿತರಣೆ, ಡಿಜಿಟಲ್, ಸ್ಯಾಟಿಲೈಟ್ ಮತ್ತು ಮ್ಯೂಸಿಕ್ ಹಕ್ಕುಗಳು ಸುಮಾರು 500 ಕೋಟಿ ರೂ.ಗಳಿಗೆ ಮಾರಾಟವಾಗಬಹುದು ಮತ್ತು ಚಿತ್ರದ ಬಜೆಟ್ 300 ಕೋಟಿ ಎಂದು ಹೇಳಲಾಗುತ್ತಿರುವುದರಿಂದ, ನಿರ್ಮಾಪಕರಿಗೆ ಕಡಿಮೆ ಎಂದರೂ 200 ಕೋಟಿಯ ಪ್ರಾಫಿಟ್ ಆಗಲಿದೆ ಎಂದು ಹೇಳಲಾಗಿತ್ತು.
ಆದರೆ, ಈಗ ಲೆಕ್ಕಾಚಾರವೇ ಬೇರೆಯಾಗಿದೆ. ಮೂಲಗಳ ಪ್ರಕಾರ, ಆರ್ಆರ್ಆರ್ ಚಿತ್ರದ ಸ್ಯಾಟಿಲೈಟ್ ಮತ್ತು ಡಿಜಿಟಲ್ ಹಕ್ಕುಗಳನ್ನು ಮಾತ್ರ ಜೀ ಸಂಸ್ಥೆಯು ಖರೀದಿಸುವುದಕ್ಕೆ ಮುಂದಾಗಿದ್ದು, ಅದಕ್ಕಾಗಿಯೇ 325 ಕೋಟಿ ಎತ್ತಿಟ್ಟಿದೆಯಂತೆ. ಆರ್ಆರ್ಆರ್ ಚಿತ್ರವು ಐದು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದ್ದು, ಐದೂ ಭಾಷೆಗಳ ಸ್ಯಾಟಿಲೈಟ್ ಮತ್ತು ಡಿಜಿಟಲ್ ಹಕ್ಕುಗಳು ಜೀ ಸಂಸ್ಥೆಯ ಬಳಿ ಇರಲಿದೆ. ಇದನ್ನು ಹೊರತುಪಡಿಸಿ, ವಿತರಣೆಯ ಹಕ್ಕುಗಳು ಮಾರಾಟವಾಗಬೇಕಿದ್ದು, ಭಾರತ, ಓವರ್ಸೀಸ್ನಿಂದ ಏನಿಲ್ಲವೆಂದರೂ 300 ಕೋಟಿಯ ಆಫರ್ ಬರಬಹುದು ಎಂದು ಅಂದಾಜಿಸಲಾಗುತ್ತಿದೆ.
ಇದನ್ನೂ ಓದಿ: ಉಸಿರು ತಂಡಕ್ಕೆ ದರ್ಶನ್ ಸಾಥ್; ಅವಶ್ಯಕತೆ ಇದ್ದವರಿಗೆ ಆಕ್ಸಿಜನ್ ಪೂರೈಕೆ
ಅಲ್ಲಿಗೆ ಆರ್ಆರ್ಆರ್ ಚಿತ್ರವು ಚಿತ್ರೀಕರಣ ಹಂತದಲ್ಲಿರುವಾಗಲೇ ಡಬ್ಬಲ್ ಪ್ರಾಫಿಟ್ ಮಾಡಲಿದೆ ಎಂದು ಅಂದಾಜಿಸಲಾಗಿದೆ. ಚಿತ್ರೀಕರಣ ಮುಗಿದು, ಬಿಡುಗಡೆಯ ಹಂತಕ್ಕೆ ಬರುವಷ್ಟರಲ್ಲಿ, ನಿರ್ಮಾಪಕರಿಗೆ ಒಟ್ಟಾರೆ ಅದೆಷ್ಟು ಲಾಭ ಬರಬಹುದು ಎಂಬ ಕುತೂಹಲ ಎಲ್ಲರಲ್ಲೂ ಇದೆ.
ದಿ ಫ್ಯಾಮಿಲಿ ಮ್ಯಾನ್ ವಿರುದ್ಧ ಎನ್ಟಿಕೆ ಆಕ್ರೋಶ … ಇಲ್ಲಿದೆ ಕಾರಣ