ಮೆಲ್ಬೋರ್ನ್​ ಟೆಸ್ಟ್​ ಸೋಲಿನ ಬಳಿಕ ರಿಷಭ್​ ಪಂತ್​ ಮೇಲೆ ಸಿಟ್ಟಾದ ರೋಹಿತ್​ ಶರ್ಮ!

ಮೆಲ್ಬೋರ್ನ್​: ಭಾರತ ಚಹಾ ವಿರಾಮದ ವೇಳೆ ಡ್ರಾ ಸಾಧಿಸುವ ವಿಶ್ವಾಸದಲ್ಲಿತ್ತು. ಆದರೆ ರಿಷಭ್​ ಪಂತ್​ ಆಡಿದ ಒಂದು ಕೆಟ್ಟ ಹೊಡೆತದಿಂದಾಗಿ ವಿಕೆಟ್​ ಕೈಚೆಲ್ಲಿದ್ದರಿಂದ ಭಾರತವೂ ದಿಢೀರ್​ ಕುಸಿತ ಕಂಡು ಸೋಲು ಕಾಣಬೇಕಾಯಿತು. ಹೀಗಾಗಿ ಪಂತ್​ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿರುವ ನಾಯಕ ರೋಹಿತ್​ ಶರ್ಮ, "ಪಂತ್​ ತನ್ನಿಂದ ತಂಡಕ್ಕೆ ಏನು ಬೇಕಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕಾದ ಅಗತ್ಯವಿದೆ' ಎಂದು ಹೇಳಿದ್ದಾರೆ.

ಮೊದಲ ಇನಿಂಗ್ಸ್​ನಲ್ಲೂ ಪಂತ್​ ಕೆಟ್ಟ ಹೊಡೆತಕ್ಕೆ ವಿಕೆಟ್​ ಕೈಚೆಲ್ಲಿದ್ದಕ್ಕೆ ಮಾಜಿ ನಾಯಕ ಸುನೀಲ್​ ಗಾವಸ್ಕರ್​ ಕಿಡಿಕಾರಿದ್ದರು. ಪಂತ್​ ಆಕ್ರಮಣಕಾರಿ ತಂಡಕ್ಕೆ ಈ ಹಿಂದೆ ಯಶಸ್ಸು ತಂದುಕೊಟ್ಟಿದೆ. ಆದರೆ ಪಂತ್​ ಆಕ್ರಮಣ ಮತ್ತು ತಾಳ್ಮೆಯ ಆಟದ ನಡುವೆ ಸಮತೋಲನ ಕಂಡುಕೊಳ್ಳಬೇಕಾಗಿದೆ. ಎದುರಾಳಿ ಪಂದ್ಯ ಕಸಿದುಕೊಳ್ಳುವ ಹಂತದಲ್ಲಿ ರಿಸ್ಕ್​ ತೆಗೆದುಕೊಳ್ಳುವುದನ್ನು ನಿಯಂತ್ರಣದಲ್ಲಿಡಬೇಕಾಗಿದೆ ಎಂದು ರೋಹಿತ್​ ಹೇಳಿದ್ದಾರೆ.

https://www.vijayavani.net/elite-wishes-for-badminton-star-pv-sindhus-marriage-people-from-the-film-industry-sports-field-participated-in-the-reception