ಮುಂಬೈ: ಸಿನಿಮಾ ಮಂದಿ ಏನೇ ಮಾಡಿದರೂ ಚೂರು ಹೆಚ್ಚೇ ಖರ್ಚು ಮಾಡುತ್ತಾರೆ. ಹಬ್ಬ ಇರಲಿ, ಮನೆಯಲ್ಲಿನ ಕಾರ್ಯಕ್ರಮವೇ ಇರಲಿ. ನೀರು ಸುರಿದಂತೆ ಹಣ ವೆಚ್ಚ ಮಾಡಿ, ಆಚರಣೆಯನ್ನು ಅದ್ದೂರಿಯಾಗಿಯೇ ಮಾಡುವುದು ಸಾಮಾನ್ಯ. ಆದರೆ, ಬಾಲಿವುಡ್ ನಟ ರಿತೇಶ್ ದೇಶ್ಮುಖ್ ಮಾತ್ರ ಅವರೆಲ್ಲರಿಗಿಂತ ಕೊಂಚ ವಿಭಿನ್ನವಾಗಿ ಕಾಣಿಸುತ್ತಾರೆ. ಈ ವರ್ಷದ ದೀಪಾವಳಿ ಆಚರಣೆಯಲ್ಲಿ ಸಣ್ಣ ಬದಲಾವಣೆಯೊಂದನ್ನು ಮಾಡಿಕೊಂಡಿದ್ದಾರವರು.
ಇದನ್ನೂ ಓದಿ: PHOTOS| ಮಗುವಿನಂತೆ ಸಂಭ್ರಮಿಸಿದ ತಲೈವಾ, ದೀಪ ಬೆಳಗಿದ ಪಿಗ್ಗಿ-ಕರೀನಾ
ಹಬ್ಬದ ಹಿನ್ನೆಲೆಯಲ್ಲಿ ಮಾಲ್ಗಳಿಗೆ ಹೋಗಿ ಸಾವಿರಾರು ರೂಪಾಯಿ ಖರ್ಚು ಮಾಡಿ ಬಟ್ಟೆ-ಬರೆ ತರದೆ, ಮನೆಯಲ್ಲಿಯೇ ಹಬ್ಬಕ್ಕೆ ತೊಡುವ ಬಟ್ಟೆಯನ್ನು ರೆಡಿ ಮಾಡಿಸಿಕೊಂಡಿದ್ದಾರೆ. ವಿಶೇಷ ಏನೆಂದರೆ, ಅಮ್ಮನ ಹಳೆಯ ಸೀರೆಯನ್ನೇ ಹಬ್ಬದ ಬಟ್ಟೆಗಳನ್ನಾಗಿ ತೊಟ್ಟು ಸಂಭ್ರಮಿಸಿದ್ದಾರೆ.
माँ की पुरानी साड़ी, बच्चों के लिए दिवाली के नए कपड़े। Happy Diwali …. shot by Baiko @geneliad – Song credit @sujoy_g #Recycle pic.twitter.com/hfSvLBXdjG
— Riteish Deshmukh (@Riteishd) November 14, 2020
ಅಮ್ಮನ ಸೀರೆಯಲ್ಲಿಯೇ ತಮಗೂ ಮತ್ತು ಇಬ್ಬರು ಮಕ್ಕಳಿಗೆ ಬಟ್ಟೆ ಹೊಲಿಸಿದ್ದಾರೆ. ಆ ಬಟ್ಟೆಯನ್ನೇ ಹಬ್ಬದ ಪ್ರಯುಕ್ತ ಧರಿಸಿ ದೀಪಾವಳಿಯ ಆಚರಣೆ ಮಾಡಿದ್ದಾರೆ. ಅದರ ವಿಡಿಯೋ ತುಣುಕನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಸಂಭ್ರಮಿಸಿದ್ದಾರೆ. ಸದ್ಯ ಈ ವಿಡಿಯೋ ತುಣುಕಿಗೆ ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. (ಏಜೆನ್ಸೀಸ್)
ವಿವಾದದ ಗೂಡಾಯ್ತು ಅಕ್ಷಯ್ ಕುಮಾರ್ ‘ರಾಮ್ ಸೇತು’ ಪೋಸ್ಟರ್; ನೆಟ್ಟಿಗರಿಂದ ತರಾಟೆ