ಇದೇ ವೇಳೆ 22 ವರ್ಷದ ರಿಚಾಗೆ ಪ್ರತಿಷ್ಠಿತ ಬಂಗ ಭೂಷಣ್ ಪ್ರಶಸ್ತಿಯನ್ನೂ ಸಹ ನೀಡಿ ಗೌರವಿಸಿ, ಚಿನ್ನದ ಬ್ಯಾಟ್ ಮತ್ತು ಬಾಲ್ ಹಾಗೂ 34 ಲಕ್ಷ ರೂಪಾಯಿ ನಗದು ಬಹುಮಾನವನ್ನು ನೀಡಿತು. ಹೆಚ್ಚುವರಿಯಾಗಿ, ಸಿಎಂ ಮಮತಾ ಬ್ಯಾನರ್ಜಿ ಸರ್ಕಾರದ ಪರವಾಗಿ ಚಿನ್ನದ ಸರವನ್ನು ಉಡುಗೊರೆಯಾಗಿ ನೀಡಿದರು. ಇದೇ ವೇಳೆ ಮಾತನಾಡಿದ ಸಿಎಂ ಮಮತಾ ಬ್ಯಾನರ್ಜಿ, ಜೂಲನ್ ಗೋಸ್ವಾಮಿಯಂತಹ ಆಟಗಾರ್ತಿಯರು ಭಾರತೀಯ ಮಹಿಳಾ ಕ್ರಿಕೆಟ್ಗೆ ಅಡಿಪಾಯ ಹಾಕಿದರೆ, ಇತ್ತ ರಿಚಾ ಘೋಷ್ ಮತ್ತು ತಂಡ ಭಾರತ ಮಹಿಳಾ ತಂಡದ ಐಸಿಸಿ ಪ್ರಶಸ್ತಿಯ ಸುಧೀರ್ಘ ಕಾಯುವಿಕೆಗೆ ಅಂತ್ಯ ಹಾಡಿದರು. ರಿಚಾ ಎಲ್ಲಾ ರೀತಿಯ ಪ್ರಶಂಸೆಗೆ ಅರ್ಹರಾಗಿದ್ದರೂ ಕೂಡ ಅವರ ಮೇಲೆ ಹೆಚ್ಚುವರಿ ಒತ್ತಡ ಹೇರದಂತೆ ಜಾಗೃತಿ ವಹಿಸುವುದು ಅಷ್ಟೇ ಮುಖ್ಯ ಎಂದರು, ಇದೇ ವೇಳೆ ತಂಡದ ಕೋಚ್, ಇತರ ಸದಸ್ಯರು, ಸಹಾಯಕ ಸಿಬ್ಬಂದಿ ಮತ್ತು ಎಲ್ಲಾ ಆಟಗಾರರ ಪೋಷಕರಿಗೆ ಅಭಿನಂದನೆಗಳು ಸಲ್ಲಿಸಿದರು.
