ಈ ವ್ಯವಸ್ಥೆ ಸರಿಯಿಲ್ಲ! ದರ್ಶನ್​ ಜೈಲಿನಲ್ಲಿದ್ದಾರೋ ಅಥವಾ… ರೇಣುಕಸ್ವಾಮಿ ತಂದೆ ಕಣ್ಣೀರು

ಬೆಂಗಳೂರು: ಚಿತ್ರದುರ್ಗದ ರೇಣುಕಸ್ವಾಮಿ ಭೀಕರ ಹತ್ಯೆ ಪ್ರಕರಣದಲ್ಲಿ ಸದ್ಯ ಕಳೆದ ಎರಡು ತಿಂಗಳಿನಿಂದ ಪರಪ್ಪನ ಜೈಲು ಸೇರಿರುವ ಎ2 ಆರೋಪಿ ನಟ ದರ್ಶನ್​, ಇದೀಗ ಇತರೆ ರೌಡಿಗಳ ಜತೆ ಜೈಲಿನೊಳಗೆ ಒಂದು ಕೈನಲ್ಲಿ ಕಾಫಿ ಲೋಟ ಹಾಗೂ ಮತ್ತೊಂದು ಕೈಯಲ್ಲಿ ಸಿಗರೇಟ್​ ತುಂಡು ಹಿಡಿದಿರುವ ಫೋಟೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದ್ದು, ಹಲವರ ಆಕ್ರೋಶಕ್ಕೆ ಗುರಿಯಾಗಿದೆ. ಇನ್ನು ಈ ವಿಷಯ ತಿಳಿದ ಮೃತ ರೇಣುಕಸ್ವಾಮಿ ಅವರ ತಂದೆ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.

ಇದನ್ನೂ ಒದಿ: ಕನ್ನಡ ಮಕ್ಕಳಿಗೆ ಮಲಯಾಳಂ ಶಿಕ್ಷಕಿ : ಕೋರಿಕಂಡ ಅಂಗನವಾಡಿಯಲ್ಲಿ ಅಕ್ಷರವರಿಯದ ಪುಟಾಣಿಗಳಿಗೆ ಪರಭಾಷೆ ಹೇರಿಕೆ ಯತ್ನ

"ಈ ವಿಡಿಯೋ ನೋಡಿ ಬಹಳ ಅಚ್ಚರಿಯಾಯಿತು. ಆರೋಪಿ ದರ್ಶನ್​ ಸಿಗರೇಟ್​ ಸೇದುತ್ತಿರುವುದು ನೋಡಿದ್ರೆ ಆತನಿಗೆ ತಾನು ತಪ್ಪು ಮಾಡಿದ್ದೀನಿ ಎಂಬ ಅರಿವೇ ಇಲ್ಲದಂತೆ ಭಾಸವಾಗುತ್ತಿದೆ. ಜೈಲು ಜೈಲಾಗಿದ್ದರೆ ಒಳ್ಳೆಯದು. ರೆಸಾರ್ಟ್​ ಆಗುವುದು ಬೇಡ. ಈ  ವ್ಯವಸ್ಥೆ ಸರಿಯಲ್ಲ. ಇದನ್ನೆಲ್ಲಾ ನೋಡಿದ್ರೆ ಕೇಸ್​ನ ಸಿಬಿಐಗೆ ವಹಿಸಿದ್ದರೆ ಚೆನ್ನಾಗಿರುತ್ತಿತ್ತು ಅನಿಸಿದೆ. ರಾಜ್ಯ ಪೊಲೀಸರು ಮತ್ತು ಸರ್ಕಾರದ ಮೇಲೆ ನಂಬಿಕೆ ಇದೆ. ತಪ್ಪಿತಸ್ಥರಿಗೆ ತಕ್ಕ ಶಿಕ್ಷೆಯಾಗಲಿ" ಎಂದು ರೇಣುಕಸ್ವಾಮಿ ತಂದೆ ಕಾಶೀನಾಥಯ್ಯ ಶಿವನಗೌಡ ಹೇಳಿದ್ದಾರೆ.

https://www.vijayavani.net/this-three-indian-cricketers-who-strictly-avoid-alcohol

https://www.vijayavani.net/famous-music-composer-who-died-in-front-of-temple