ಚಿನ್ನಾಭರಣ ಕದ್ದಿದ್ದಾಳೆಂದು ಶಂಕಿಸಿ ಮಹಿಳೆಯ ಹತ್ಯೆ

ಲಖನೌ: ತಮ್ಮ ಮನೆಯಲ್ಲಿ ಚಿನ್ನಾಭರಣಗಳನ್ನು ಕದ್ದಿದ್ದಾಳೆ ಎಂಬ ಆರೋಪದ ಮೇಲೆ ಮಹಿಳೆಗೆ ಆಕೆಯ ಸಂಬಂಧಿಕರು ಚಿತ್ರ ಹಿಂಸೆ ನೀಡಿ ಹತ್ಯೆ ಮಾಡಿರುವ ಘಟನೆ ಉತ್ತರಪ್ರದೇಶದ ಘಾಜಿಯಾಬಾದ್​ನಲ್ಲಿ ನಡೆದಿದೆ.

ಮೃತರನ್ನು ಸಮೀನಾ(23) ಎಂದು ಗುರುತಿಸಲಾಗಿದ್ದು, ಆಕೆಯ ಮೇಲೆ ಬ್ಲೇಡ್​ ಹಾಗೂ ರಾಡ್​ಗಳಿಂದ ಹಲ್ಲೆ ನಡೆಸಿ ಸಂಬಂಧಿಕರು ಹತ್ಯೆ ಮಾಡಿದ್ಧಾರೆ ಎಂದು ಪೊಲೀಸರು ತಿಳಿಸಿದ್ಧಾರೆ.

ಅಮಾನುಷವಾಗಿ ಹಲ್ಲೆ

ಕೆಲ ದಿನಗಳ ಹಿಂದೆ ಸಮೀನಾ ಆಕೆಯ ಸಂಬಂಧಿಕರಾದ ಹೀನಾ ಮತ್ತು ರಮೇಶ್​ ಅವರ ಮಗನ ಜನುಮದಿನದ ನಿಮಿತ್ತ ಅವರ ಮನೆಗೆ ಭೇಟಿ ನೀಡಿದ್ದರು. ಇದಾದ ಕೆಲ ಹೊತ್ತಿನ ಬಳಿಕ ಅವರ ಮನೆಯಲ್ಲಿದ್ದ ಒಡವೆಗಳು ಕಾಣೆಯಾಗಿದ್ದವು. ಈ ವೇಳೆ ಹೀನಾ ಹಾಗೂ ರಮೇಶ್​ ಚಿನ್ನಾಭರಣಗಳನ್ನು ಸಮೀನಾ ಕದ್ದಿರಬಹುದು ಎಂದು ಶಂಕಿಸಿ ಆಕೆಯ ಮೇಲೆ ಬ್ಲೇಡ್​, ರಾಡ್​ನಿಂದ ಹಲ್ಲೆ ನಡೆಸಿದ್ಧಾರೆ.

ಇದನ್ನೂ ಓದಿ: ಲೋಕಲ್​ ರೈಲಿನಲ್ಲಿ ಯೋಗಾಭ್ಯಾಸ ಮಾಡಿದ ಪ್ರಯಾಣಿಕರು; ವಿಡಿಯೋ ವೈರಲ್​

ಆರೋಪಿಗಳಿಬ್ಬರು ಮನೆಯಲ್ಲಿ ಜೋರಾಗಿ ಮ್ಯೂಸಿಕ್​ ಹಾಕಿಕೊಂಡು ನಿಜ ಒಪ್ಪಿಕೊಳ್ಳುವಂತೆ ಸಮೀನಾ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿದ್ಧಾರೆ. ಆಕೆಯ ದೇಹದ ಭಾಗಗಳನ್ನು ಸಹ ಈ ಇಬ್ಬರು ಬ್ಲೇಡ್​ನಿಂದ ಕೊಯ್ದಿದ್ಧಾರೆ. ಹಲ್ಲೆಯಿಂದ ತೀವ್ರವಾಗಿ ಗಾಯಗೊಂಡಿದ್ದ ಸಮೀನಾ ಸ್ಥಳದಲ್ಲೇ ಮೃತಪಟ್ಟಿದ್ಧಾರೆ.

ಆರೋಪಿಗಳು ಪರಾರಿ

ಸಮೀನಾ ಮೃತಪಟ್ಟಿದ್ದರಿಮದ ಭಯಗೊಂಡ ಆರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದು, ಎರಡು ದಿನ ಕಳೆದರೂ ಮ್ಯೂಸಿಕ್​ ಸೌಂಡ್​ ಕಡಿಮೆ ಮಾಡದೆ ಇರುವುದನ್ನು ಗಮಿನಿಸಿದ ನೆರೆಯ ಮನೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ಧಾರೆ. ಅಧಿಕಾರಿಗಳು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದಾಗ ಕೃತ್ಯ ಬಯಲಿಗೆ ಬಂದಿದೆ.

ತಲೆಮಾರಿಸಿಕೊಂಡಿರುವ ಆರೋಪಿಗಳಿಗಾಗಿ ಬಲೆ ಬೀಸಲಾಗಿದ್ದು, ಶೀಘ್ರದಲ್ಲೇ ಬಂಧಿಸಲಾಗುವುದು ಎಂದು ಎಸಿಪಿ ರವಿ ಕುಮಾರ್​ ತಿಳಿಸಿದ್ಧಾರೆ.

https://www.vijayavani.net/congress-says-nehru-popularised-yoga-bjp-hits-back

https://www.vijayavani.net/dk-shivakumar-about-brand-bengaluru-2