ಟೇಸ್ಟ್​ನಲ್ಲಿ ಬೆಸ್ಟ್​ ಪಾಲಕ್​ ಸಮೋಸಾ; ಇದರಲ್ಲಿದೆ ಆರೋಗ್ಯಕರ ಅಂಶಗಳು

ಮಳೆಗಾಲ ಮತ್ತು ಚಳಿಗಾಲದಲ್ಲಿ ಬಿಸಿಬಿಸಿಯಾಗಿ ಏನಾದರೂ ತಿಂಡಿ ತಿನ್ನಲು ಇಷ್ಟಪಡುತ್ತಾರೆ. ತಯಾರಿಸುವ ತಿನಿಸು ಆರೋಗ್ಯಕರವಾಗಿದ್ದಾರೆ ಇನ್ನೂ ಸಂತೋಷವಾಗುತ್ತದೆ. ಚಿಕ್ಕ ಮಕ್ಕಳಿಂದ ಹಿಡಿದು ವಯಸ್ಸಾದವರವರೆಗೂ ಪಾಲಕ್​ ಸೊಪ್ಪಿನಿಂದ ಮಾಡುವ ತಿಂಡಿ ರೋಗ್ಯ ಪ್ರಯೋಜನಗಳು ಸಿಗುತ್ತವೆ. ಎಲ್ಲರಿಗೂ ಇಷ್ಟವಾಗುವಂಥ ರುಚಿಕರ ಪಾಲಕ್​ ಸಮೋಸಾ ಮಾಡುವುದ ಸುಲಭ. ಇಲ್ಲಿದೆ ಮಾಡುವ ವಿಧಾನ

ಇದನ್ನು ಓದಿ: ಲಸ್ಸಿ ಕುಡಿಯುವುದರಿಂದ ಏನೆಲ್ಲಾ ಪ್ರಯೋಜನ ಇದೆ ಗೊತ್ತಾ? ತಿಳಿದ್ರೆ ದಿನನಿತ್ಯ ನೀವು ಲಸ್ಸಿ ಕುಡಿಯುತ್ತೀರಿ… ಬೇಕಾಗುವ ಪದಾರ್ಥಗಳು:

• 1 ಕಪ್ ಹಿಟ್ಟು
• ರುಚಿಗೆ ಉಪ್ಪು
• ಪಾಲಕ್​​​ ಸೊಪ್ಪು
• ಹಸಿರು ಮೆಣಸಿನಕಾಯಿ
• 1/2 ಕಪ್ ಹಸಿರು ಬಟಾಣಿ
• 1 ಹಚ್ಚಿದ ಈರುಳ್ಳಿ
• 4 ಬೇಯಿಸಿದ ಆಲೂಗಡ್ಡೆ
• 1 ಟೀಸ್ಪೂನ್ ತುರಿದ ಶುಂಠಿ
• 1/2 ಟೀಸ್ಪೂನ್ ಜೀರಿಗೆ
• ಮಸಾಲಾ ಪುಡಿಗಳು (ಕೆಂಪು ಮೆಣಸಿನ ಪುಡಿ, ಅರಿಶಿನ ಪುಡಿ, ಗರಂ ಮಸಾಲಾ ಪುಡಿ, ಒಣ ಮಾವಿನ ಪುಡಿ) ಕೊತ್ತಂಬರಿಸೊಪ್ಪು
• ಅಡುಗೆ ಎಣ್ಣೆ

ಮಾಡುವ ವಿಧಾನ:

• ಪಾಲಕವನ್ನು ಚೆನ್ನಾಗಿ ತೊಳೆದು ಸ್ವಚ್ಚಗೊಳಿಸಿದ ಬಳಿಕ ಮಿಕ್ಸಿ ಜಾರ್​ನಲ್ಲಿ ಪಾಲಕ್​ ಮತ್ತು ಹಸಿಮೆಣಸಿಕಾಯಿ ಜತೆಗೆ ಸ್ವಲ್ಪ ನೀರು ಸೇರಿಸಿ ಪೇಸ್ಟ್ ಮಾಡಿಕೊಳ್ಳಬೇಕು. ದು ಬಟ್ಟಲಿನಲ್ಲಿ 1 ಕಪ್ ಹಿಟ್ಟು, ಉಪ್ಪು, ಬಿಸಿ ಎಣ್ಣೆ ಮತ್ತು ಪಾಲಾಕ್ ಪೇಸ್ಟ್ ಅನ್ನು ಸೇರಿಸಿ ಚಪಾತಿ ಹಿಟ್ಟಿನಂತೆ ಮಾಡಿ.
• ಗ್ಯಾಸ್​ ಮೇಲೆ ಪ್ಯಾನ್​ ಇಟ್ಟು ಸ್ವಲ್ಪ ಎಣ್ಣೆ ಹಾಕಿ ಬಿಸಿಯಾದ ನಂತರ ಜೀರಿಗೆ, ಕರಿಬೇವಿನ ಎಲೆ, ಕಸೂರಿ ಮೇಥಿ, ಸಣ್ಣಗೆ ಕತ್ತರಿಸಿದ ಹಸಿರು ಮೆಣಸಿನಕಾಯಿ, ತುರಿದ ಶುಂಠಿ ಸೇರಿಸಿ ಫ್ರೈ ಮಾಡಿ. ಸ್ವಲ್ಪ ಸಮಯದ ನಂತರ ಹಸಿರು ಬಟಾಣಿ, ಈರುಳ್ಳಿ ಸೇರಿಸಿ ಮಧ್ಯಮ ಉರಿಯಲ್ಲಿ 2 ನಿಮಿಷಗಳ ಕಾಲ ಫ್ರೈ ಮಾಡಿ. ನಂತರ ಬೇಯಿಸಿದ ಆಲೂಗೆಡ್ಡೆ ಸೇರಿಸಿ ಮಿಶ್ರಣ ಮಾಡಿ. 5 ನಿಮಿಷಗಳ ಕಾಲ ಫ್ರೈ ಮಾಡಿ, ಅದಕ್ಕೆ ಕೆಂಪು ಮೆಣಸಿನ ಪುಡಿ, ಅರಿಶಿನ ಪುಡಿ, ಗರಂ ಮಸಾಲಾ ಪುಡಿ, ಒಣ ಮಾವಿನ ಪುಡಿ ಸೇರಿಸಿ ಮಿಶ್ರಣ ಮಾಡಿ. ನಂತರ ಸ್ವಲ್ಪ ತಣ್ಣಗಾಗಲು ಬಿಡಿ.
• ಸಿದ್ಧಪಡಿಸಿರು ಹಿಟ್ಟನ್ನು ಸಣ್ಣ ಉಂಡೆಗಳನ್ನಾಗಿ ಮಾಡಿ ಚಪಾತಿ ಹದಕ್ಕೆ ಲಟಿಸಿ ಕೋನ್​ ಆಕಾರದಲ್ಲಿ ತಯಾರಿಸಿ. ನಂತರ ಕೋನ್​ ಒಳಗೆ ತಯಾರಿಸಿರುವ ಮಿಶ್ರಣವನ್ನು ಹಾಕಿ. ಅದರ ಅಂಚುಗಳ ಮೇಲೆ ನೀರನ್ನು ಲೇಪಿಸಿ ಮುಚ್ಚಿ. ನಂತರ ಕಾದಿರುವ ಅಡುಗೆ ಎಣ್ಣೆಯಲ್ಲಿ ಹಾಕಿ ಕರಿಯಿರಿ. ನಂತರ ಹಸಿರು ಚಟ್ನಿ ಅಥವಾ ಟೊಮ್ಯೊಟೊ ಸಾಸ್​ನೊಂದಿಗೆ ಸವಿಯಲು ನೀಡಿ.

https://www.vijayavani.net/samantha-to-make-her-malayalam-debut-with-mammootty