ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಚೆನ್ನೈ ಬೌಲರ್ಗಳನ್ನು ಎದುರಿಸಲು ತುಂಬಾ ಕಷ್ಟಪಟ್ಟರು. ಕೊಹ್ಲಿ ತಾನು ಎದುರಿಸಿದ ಮೊದಲ ಎಸೆತದಿಂದಲೇ ಆರಾಮದಾಯಕವಾಗಿ ಕಾಣಲಿಲ್ಲ. ಅವರು ಹೆಚ್ಚಾಗಿ ಲೆಗ್ ಸೈಡ್ ಶಾಟ್ಗಳನ್ನು ಆಡಲು ಪ್ರಯತ್ನಿಸಿದರು. ಆದರೆ, ಅವರಿಗೆ ಚೆಂಡನ್ನು ಮಿಡಲ್ ಮಾಡಲು ಸಾಧ್ಯವಾಗಲಿಲ್ಲ. ಪತಿರಾಣ ಬೌಲಿಂಗ್ ಮಾಡುವಾಗ ಚೆಂಡು ಅವರ ಹೆಲ್ಮೆಟ್ಗೆ ಬಲವಾಗಿ ತಗುಲಿತು. ಇದಾದ ತಕ್ಷಣವೇ ಅವರು ಒಂದು ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿ, ಮತ್ತೆ ಬ್ಯಾಟಿಂಗ್ ಲಯ ಕಂಡುಕೊಂಡಂತೆ ತೋರುತ್ತಿತ್ತು. ಆದರೆ ತಕ್ಷಣವೇ, ನೂರ್ ಅಹ್ಮದ್ ಬೌಲಿಂಗ್ನಲ್ಲಿ ಸ್ವೀಪ್ ಆಡುವಾಗ ಡೀಪ್ ಸ್ಕ್ವೇರ್ ಲೆಗ್ನಲ್ಲಿ ಕ್ಯಾಚ್ ಕೊಟ್ಟರು. ಇದು ಕೊಹ್ಲಿಯ ಇನ್ನಿಂಗ್ಸ್ ಆಗಿರಲಿಲ್ಲ. ಕೊಹ್ಲಿ ವಿಫಲವಾದರೂ, ಉಳಿದ ಆಟಗಾರರು ಅದ್ಭುತ ಪ್ರದರ್ಶನ ನೀಡಿದರು ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.
