ಚಾಂಪಿಯನ್ಸ್ ಟ್ರೋಫಿ ಗೆಲುವಿನ ಬಳಿಕ ಸಾರ್ವಜನಿಕವಾಗಿ ಮೊದಲ ಬಾರಿಗೆ ಕಾಣಿಸಿಕೊಂಡ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಹಾಗೂ ಈ ಬಾರಿ ಹೊಸದಾಗಿ ಆರ್ಸಿಬಿ ತಂಡಕ್ಕೆ ಸೇರಿರುವ ಲಿಯಾಮ್ ಲಿವಿಂಗ್ ಸ್ಟೋನ್, ಫಿಲ್ ಸಾಲ್ಟ್, ಭುವನೇಶ್ವರ್ ಕುಮಾರ್, ಕೃನಾಲ್ ಪಾಂಡ್ಯ ಹಾಜರಿದ್ದರು. ಇವರೆಲ್ಲರ ನಡುವೆ ಆರ್ಸಿಬಿಗೆ ಮರಳಿರುವ ಕನ್ನಡಿಗ ದೇವದತ್ ಪಡಿಕ್ಕಲ್, ಆಲ್ರೌಂಡರ್ ಮನೋಜ್ ಭಾಂಡಗೆ ಸಹ ತಂಡದ ಮೊದಲ ಪೂರ್ಣ ಅಭ್ಯಾಸದಲ್ಲಿ ಭಾಗವಹಿಸಿದರು. ಅಭ್ಯಾಸದ ಜತೆಗೆ ಅಭಿಮಾನಿಗಳಿಗೆ ಮನರಂಜನೆಯನ್ನೂ ನೀಡಿದ ಆಟಗಾರರು ಐಪಿಎಲ್ಗೆ ಸಜ್ಜಾಗಿರುವ ಸಂದೇಶ ನೀಡಿದರು. ಎರಡು ಗಂಟೆಗೂ ಅಧಿಕ ಸಮಯ ಎಲ್ಲ ಆಟಗಾರರು ಅಭ್ಯಾಸ ನಡೆಸಿದರು. ಆದರೆ ಹಿಂದಿನ 2 ಬಾರಿ ಆರ್ಸಿಬಿ ಮಾಜಿ ಆಟಗಾರರಿಗೆ ನೀಡುತ್ತ ಬಂದಿದ್ದ ಹಾಲ್ ಆ್ ೇಮ್ ಗೌರವ ನೀಡುವುದನ್ನು ಈ ಬಾರಿ ್ರಾಂಚೈಸಿ ಕೈಬಿಟ್ಟಿದೆ. ಕಾರ್ಯಕ್ರಮದಲ್ಲಿ ಕರ್ನಾಟಕದ ಬಾವುಟ ಹಾಗೂ ಕನ್ನಡಿಗರಿಗೆ ಹೆಚ್ಚಿನ ಒತ್ತು ನೀಡಿ ಗಮನಸೆಳೆಯಿತು.
