ಮುಂಬೈ: ಬಾಲಿವುಡ್ ನೆಚ್ಚಿನ ಜೋಡಿ ರಣಬೀರ್ ಕಪೂರ್ ಮತ್ತು ಆಲಿಯಾಭಟ್ ಮದುವೆ ತಯಾರಿ ಭರ್ಜರಿಯಾಗಿ ನಡೆಯುತ್ತಿದೆ. 14 ರಂದು ಹಸೆಮಣೆಗೇರಲಿರುವ ಈ ಜೋಡಿ ತಾಜ್ ಕೊಲಬಾ ಪ್ಯಾಲೇಸ್ನಲ್ಲಿ ಅದ್ಧೂರಿ ಆರತಕ್ಷತೆ ಮಾಡಿಕೊಳ್ಳಲಿದೆ.
ಕುಟುಂಬಸ್ಥರು ಹಾಗೂ ಆಪ್ತರಿಗಷ್ಟೇ ವಿವಾಹಕ್ಕೆ ಆಹ್ವಾನ ನೀಡಲಾಗಿದೆ. ಕರಣ್ ಜೋಹರ್ ಮದುವೆಯ ನಿರ್ವಹಣೆ ಹೊತ್ತಿದ್ದಾರೆ ಎನ್ನಲಾಗಿದ್ದು, ಅವರ ಅತ್ಯಾಪ್ತ ಶಾರೂಕ್ ಖಾನ್, ದೀಪಿಕಾ ಪಡುಕೋಡೆ ಸೇರಿದಂತೆ ಹಲವು ಬಾಲಿವುಡ್ ಮಂದಿ ಪಾಲ್ಗೊಳ್ಳುವ ಸಾಧ್ಯತೆ ಇದೆ. ಈಗಾಗಲೇ ಮೆಹಂದಿ ಕಾರ್ಯಕ್ರಮಗಳು ನಡೆದಿದ್ದು, ಈ ಜೋಡಿ ಹಸೆಮಣೆಗೇರಲು ಇನ್ನೊಂದು ದಿನವಷ್ಟೇ ಬಾಕಿ ಇದೆ.
ವರದಿಗಳ ಪ್ರಕಾರ ಮುಂಬೈಯಲ್ಲಿರುವ ರಣಬೀರ್ ಕಪೂರ್ ಅವರ ನಿವಾಸ ಕೃಷ್ಣರಾಜ್ ಕಪೂರ್ ಬಂಗಲೆಯನ್ನು ಬೆಂಗಳೂರಿನಿಂದ ತರಿಸಲಾದ ವಿಶೇಷ ಅಲಂಕಾರಕ್ಕೆ ಬಳಸುವ ಬಿಳಿಬಣ್ಣದ ಹೂಗಳಿಂದ ಹಾಗೂ ಲೈಟ್ ನಿಂದ ಅಲಂಕರಿಸಲಾಗಿದೆ.